Xa okachi techixmatij porin tikteixmatiltiaj iTajtol Dios kajkalpan, senteixtenoj uan kampa yeski yetoskej akin uelis iniuan titajtoskej. ¿Keyej tikchiuaj?

Tiitaixpantijkauan Jiova tikteixmatiltiaj iTajtol Dios porin ijkon tikueyichiuaj uan tiktematiltiaj itokay (Hebreos 13:15). No tikchiuaj porin tiktakamatij nejin tein Cristo tanauatij: “Xiyakan nochi tech in senmanauak uan xikinnextilikan nochi in taltikpakuani ma yejuan no ma mochiuakan nomomachtijkauan, [...] xikinmachtikan de ke ma tatakamatikan nochi ika in tanextililisme ten namechnajnauatiaj ma no xikchiuakan” (Mateo 28:19, 20).

Uan no, tikchiuaj porin tikintasojtaj taltikpakneminij (Mateo 22:39). Tikmatij ke miakej tataman tein kineltokaj uan amo nochin kinyolnotsa tein titamachtiaj. Sayoj ke tejuan tikneltokaj ke tamachtilis tein kipia Biblia uelis kinmakixtis akin kikakij. Nejon techolinia maj tiksentokakan tikteixmatiltikan iTajtol Dios, ijkon kemej kichiujkej yekinika imomachtijkauan Cristo (Hechos 5:41, 42).

Miakej akin kiixtajtoltiaj nejin amaix amo itaixpantijkauan Jiova. Uan tikinmachtiaj ika Biblia millones akin pouij itech okseki taneltokalismej akin kitasojkamatij maj se itaixpantijkauj Jiova kinkalpano.

Tein melauj xa tikonneki tikonmatis okse taman. Moajsi miak taman keniuj uelis tikonmatis:

• Xikontajtani se itaixpantijkauj Jiova.

• Xikontemo itech Internet kampa timoteixmatiltiaj, www.pr418.com/ncj.

• Xionyoui itech semej tonechikoluan, tein amo moixtaua uan uelis yas akin yeski.