Itech 24 de mayo de 2022, semi amo kuali tein mochiuak itech xolal Uvalde (Texas, Estados Unidos). Periódico The New York Times kijtoj ke “se takat tein kiuikaya itepos kinmiktij 19 pipilkonemej uan ome siuatamachtianij [...] itech escuela primaria Robb”.

 Tetayokoltij tikijtoskej ke nejin tein tel amo kuali semi mochiua kampa yeski. Periódico USA Today kitematiltia ke sayoj ompa Estados Unidos, “249 viajes kintatojtoponilianij itech escuelas itech xiuit tein tiualpanokej, okachi miakpa ke itech okseki xiujmej desde 1970”.

 ¿Keyej mochiua nejin taman tein semi amo kuali? ¿Keniuj uelis tikxikoskej tayokol tein teualkuilia nejin tein semi amo kuali tein mochiua? ¿Onkak keyej tikneltokaskej ke se tonal amo akinok temijmiktis? Biblia technankilia.

•    Biblia kinextia ke tinemij itech “tonalmej keman tatamitiya”, keman miakej ‘amo tetasojtaskiaj’ uan ‘kichiuaskiaj tein tel fiero’; miakej senkis amo teikneliskiaj uan kichiuaskiaj tein semi tetayokoltij. Uan yejuan ‘okachi kichiuaskiaj tein amo kuali’ (2 Timoteo 3:1-5, 13). Komo tikonneki tikonmatis okachi, xikonlero tamachtilis “¿Predijo la Biblia cómo sería la gente en nuestros días?”.

 Miakej motajtaniaj keyej Dios amo kitsakuilia maj amo mochiua tein semi amo kuali kemej ijkuak kintatojtoponiliaj itech escuelas. Para tikonmatis okachi tein kijtoua Biblia, xikonlero tamachtilis “¿Keyej kinpanoua tein amo kuali akin yolkualmej?”.

•    “Nochi tein ne uejkauj moijkuiloj, moijkuiloj para techmachtis. Uan tikchiaj tein kuali porin itajtol Dios techyolseuia” (Romanos 15:4).

 Tein Biblia tayolmajxitia uelis techpaleuis maj tikmatikan toni tikchiuaskej itech nejin tonalmej keman semi tateuiaj. Komo tikonneki tikonmatis okachi, xikonlero amaix ¡Despertad! tein kipia itokay “¿Acabará algún día la violencia?”.

 Kemansa, kampa kitematiltiaj tein panoua, konemej kikakij oso kiitaj tein semi kinmoujtia. Komo tejuatsin tikonpia mokoneuan uan tikonneki tikonmatis keniuj kixikoskej nejon tein kikakij oso kiitaj, xikonita tamachtilis “El efecto de las noticias en los niños”.

•    “Kinmakixtis akin ininka mauiltiaj uan kinteuiaj” (Salmo 72:14).

•    “Kinchiuaskej ininespadas teposmej tein ika talkaxaniaj uan ininlanzas kinchiuaskej kemej tein ika se tatejteki. Amo moteuisok se altepet iuan okse altepet, nion momachtiskejok neteuilis” (Miqueas 4:3).

 Dios kichiuas tein nion se taltikpaknenkej ueli kichiua. ITaixyekanalis kiixpolos nochi taman teposmej tein ika tateuiaj uan amo akinok temijmiktis. Komo tikonneki tikonmatis okachi tein kichiuati iTaixyekanalis Dios, xikonlero tamachtilis “ITekiuajyo Dios kichiuas maj tinemikan ika yolseuilis”.