Itech noticias semi moita uan mokaki ke kampa yeski tetauelitaj uan tateuiaj porin techikoitaj.

•   “Axkan okachi mokaki uan moita ke semi tetauelitaj porin moteuijtokej ompa Israel uan Gaza uan porin semi miakej tateuiaj uan tetauelitaj” (The New York Times, 15 de noviembre de 2023).

•   “Desde 7 de octubre, okachi moita ke semi tateuiaj uan tetauelitaj porin semi techikoitaj” (Dennis Francis, Presidente de la Asamblea General de las Naciones Unidas, 3 de noviembre de 2023).

 Ipa uejkaujya moajsinij akin tetauelitaj uan tateuiaj. Biblia kijtoua ke ne uejkauj moajsikej akin ‘kijtojkej tajtolmej tein teyolxokoliaj kemej yeskia fechas’ uan akin peujkej tateuijkej (Salmo 64:3; 120:7; 140:1). Maski ijkon, axkan tonalmej okachi moitaskia ke semi tetauelitaj kampa yeski.

 Biblia kijtoua ome taman keyej axkan kampa yeski tetauelitaj.

1.  1. Kijtoj ke ajsiskia tonalmej keman “okachi miakej amo tetasojtaskejok” (Mateo 24:12). Kemej monejnemiltiskiaj, amo kinpaleuiskia maj tetasojtakan, ta maj tetauelitakan (2 Timoteo 3:1-5).

2.  2. Okachi tetauelitaj porin Amokuali Satanás taixyekantok. Biblia kijtoua ke “nochi in taltikpak moajsi imako in Amokuali” (1 Juan 5:19; Apocalipsis 12:9, 12).

 Sayoj ke Biblia kijtoua ke amo uejkaua Dios kichiuas maj amo akinok tetauelita. Uan no, amo akin tajyouisok. Biblia kijtoua:

•   Dios “kinuachilis nochi ininixayo, uan amo akin momikilisok, nion tayokoyas nion chokas nion tajyouis. Tamikya nochi tein achto techtajyouiltiaya” (Apocalipsis 21:4).