“Axkan miakej telpochmej uan ichpochmej semi tayokoyaj uan redes sociales yejua okachi kichiua maj ijkon momachilikan” (Vivek Murthy, director general de Salud Pública de Estados Unidos. New York Times, 17 de junio de 2024).

 ¿Toni uelis kichiuaskej tetatmej para maj ininkoneuan amo kinijtako redes sociales? Xikonita tein kijtoua Biblia tein semi tapaleuia.

 Xikonita nejin tein kijtoua Biblia.

 “Akin tamatkej kuali kiita kani taksas” (Proverbios 14:15).

 Kemej redes sociales uelis kinijtakos mokoneuan, amo xikonmachili ke moneki tikonkauilis maj kikuikan nejon. Uan para tikonmatis ox tikonkauilis mokoneuan maj kikuikan redes sociales, achto xikonita ox kikuiskej itech horarios tein tikonixtalis, ox amo peuas motajkuilouiliskej iniuan akin amo kuali monejnemiltiaj uan ox amo kiitaskej tein amo kinamiki.

•   Komo tikonneki tikonmatis okachi, xikonlero tamachtilis “¿Deberían mis hijos usar redes sociales?” uan “Enséñele a su hijo adolescente a usar con seguridad las redes sociales”.

 Xiksentokakan “kuali xikuikan namotiempo” (Efesios 5:16).

 Komo tikonkauilia mokoneuan maj kikuikan redes sociales, xikonixtali keniuj kikuiskej uan xikonmelauili keniuj kinpaleuis nejon maj amo moijtakokan. Xikonita ox amo peua kinijtakoua redes sociales, uan komo kemaj, xa kijtosnekis ke monekis amo semi kikuiskejok.

•   Ika video Keman tikuis redes sociales, xikui ika tamatilis xikonpaleui mokoneuan maj kimatikan keyej moneki ixyetos keniuj kikuiskej redes sociales.

 Biblia kijtoua ke tinemij itech tonalmej keman mochiujtok tein “semi ouij […] uan tamouilil” (2 Timoteo 3:1-5). Maski ijkon, Biblia no techyolmajxitia keniuj uelis tikixnamikiskej nejon. Itech nejin tamachtilis tein ika tajtoua keniuj telpochmej uan ichpochmej semi tayokoyaj, tikonajsis kemej 20 tataman tamachtilis uan videos tein tajtoua de Biblia para tetatmej uan konemej.