Sayoj akin mejmetstika kiteixmatiltiaj iTekiuajyo Dios (Mateo 24:14). Ompa pouij akin moauijkejya kemej itaixpantijkauan Jiova uan akin no kiteixmatiltiaj tein kijtoua Biblia maski ayamo moauiaj.

 Amo. Komo aksa kitemaka nepaleuil ika tomin amo kijtosneki ke pouis kemej itaixpantijkauj Jiova nion no ke kiselis se tekit itech tonechikol (Hechos 8:​18-​20). Tein melauj, amo moijtoua akoni kitemaka tomin. Nochin itaixpantijkauan Jiova tapaleuiaj itech tekit tein tikchiuaj noyampa taltikpak ika inintiempo, ininchikaualis uan inintomin ijkon kemej uelij uan kinekij (2 Corintios 9:7).

 Mejmetstika, itaixpantijkauan Jiova kijkuilouaj tiempo tein kikuikej keman kiteixmatiltijkej iTajtol Dios uan kitemakaj itech nechikol kampa youij.

 Mosentilia nochi tiempo tein kikuikej uan motitani itech sucursal. Uan satepan sejse sucursal kititani nochi tein mochiuak itech kali kampa techixyekanaj.

 Keman tami xiujtekit, a mopouaj kanachi itaixpantijkauan Jiova moajsij itech sejse xolal. Nochi nejon mosentilia uan ijkon momati kanachimej moajsij itech nochi taltikpak. Itech Internet kampa timoteixmatiltiaj itech taxelol “Noyampa taltikpak” moteixmatiltia nochi tekit tein mochiuak itech sejse ueyi altepet. Nejon techyolchikaua ijkon kemej kinyolchikauak yekinika imomachtijkauan Cristo (Hechos 2:​41; 4:4; 15:3).

 Maski amo tikinpouaj kemej itaixpantijkauan Jiova, techyolpaktia maj touan mosentilikan. Miakej monechikouaj touan xijxiujtika keman tikelnamikij imikilis Cristo. Yejua ika, uelis tikmatiskej kemej kanachimej komo tikpouaj kanachimej mosentilijkej ijkuak tikelnamikkej imikilis Cristo uan tikuiliaj tapoual tein kinextia kanachimej itaixpantijkauan Jiova moajsij. Itech xiuit 2023, keman tikelnamikkej imikilis Jesús mosentilijkej 20,461,767.

 Miakej akin amo youij tonechikoluan kiseliaj se nemachtil ika Biblia. Itech xiuit 2023, itech sejse metsti motemakakej 7,281,212 nemachtilmej ika Biblia. Uan kemansa itech sayoj se nemachtil miakej kinmachtijkej.

 Tapoualmej tein tekiuanij kipiaj sayoj kikixtiaj keman kintajtaniaj taltikpakneminij itech katiyejua taneltokalis pouij. Kemej neskayot, Oficina del Censo de Estados Unidos kijtoua ke tein kitemoua keman kintajtaniaj taltikpakneminij yejua “ox pouij itech se taneltokalis”. Uan no kimelaua ke tapoualmej mokixtia sayoj itech tein kijtouaj uan amo itech tein kichiuaj. Sayoj ke amo tikinpouaj kemej itaixpantijkauan Jiova akin sayoj ijkon kijtouaj, ta akin kiteixmatiltiaj iTekiuajyo Dios uan kitemakaj tiempo tein kipanokej itech tanojnotsalis.