Kemaj. Nochin tiitaixpantijkauan Jiova, kampa yeski tinemiskej, tiktemouaj titajtoskej ika iTajtol Dios uan tikteixmatiltiskej tein kijtoua Biblia keman tikitaj ke ueli (Mateo 28:19, 20).

 Uan no, sekin itaixpantijkauan Jiova youij tanojnotsatij oso hasta mokaltalitij itech xolalmej kampa miakej ayamo kikakinij kuali tanauatilmej tein kitemaka iTajtol Dios itech ininaltepeuj. Oksekin hasta kiixtaliaj nemitiuij itech okse altepet. Nochin yejuan semi yolpakij kichiuaskej tein Jesús achto kijtojka: “Nantetapouijtinemiske de Nejuatsin nonouiyampa de nochi senmanauak” (Hechos 1:8).

 Itech xiuit 1943, moixtalij se tamachtilis tein semi kinpaleuiskia seki tokniuan misioneros, Galaad: Tamachtilis ika Biblia tein kitemakaj iTaixpantijkauan Jiova. Hasta itech totonaluan, kiselianij nejin tamachtilis panoua ocho mil itaixpantijkauan Jiova.