Amo, tiitaixpantijkauan amo timoixmatij kemej se secta. Tiktojtokaj Cristo uan timochikauaj tikchiuaskej kemej yejua uan tinemiskej ijkon kemej tamachtij.

 Tataman kemej tanemiliaj toni se secta. Maj tikitakan ome taman uan keyej itaixpantijkauan Jiova amo moixmatij kemej se secta.

•   Sekin kijtouaj ke se secta, se yankuik taneltokalis uan ke amo kichiua kemej okseki taneltokalismej. Tiitaixpantijkauan Jiova amo tikchiujkej se yankuik taneltokalis. Tejuan tikchiuaj ijkon kemej kichiuayaj yekinika itatojtokakauan Cristo uan tiktojtokaj tein tamachtijkej ijkon kemej ixyetok itech iTajtol Dios (2 Timoteo 3:​16, 17). Senkis tikneltokaj ke yejua iTajtol Dios kijtoua keniuj moneki tikueyichiuaskej Dios.

•   Sekin kijtouaj ke se secta, se oloch taltikpakneminij tein tamouilil uan senkis kitojtokaj se inintayekankauj. Yekinika, tiitaixpantijkauan Jiova amo tiktojtokaj nion se takat oso siuat, porin tiktakamatij nejin tajtolmej tein Jesús kiniluij imomachtijkauan: “Porin sayo in Cristo Temakixtijke Yejuatsin in Namotayekankau” (Mateo 23:10).

 Tejuan amo tikchiuaj nion se taman tein tamouilil, taneltokalis tein tikpiaj techpaleuia tejuan uan no oksekin taltikpakneminij kampa tinemij. Kemej neskayot, tamachtilis tein tiktemakaj ika Biblia kinpaleuiani miakej maj kikauakan tauanalis uan drogas. Uan no, noyampa taltikpak keman titanojnotsaj, tikinpaleuiaj akin amo taixmatij maj uelikan taixtajtoltikan, ika nejin tel miakej momachtianij taixtajtoltiskej uan tajkuiloskej. Uan no titapaleuiaj kampa yeski mochiuas se tetsauit. Senkis timochikauaj tikinpaleuiskej oksekin ijkon kemej Jesús tamachtij (Mateo 5:​13-​16).