Tlamachtil 1

Ken uelis tikmatiskej tlen kineki toTajtsin Dios ma tikchiuakan

¿Tlen tlamachtil tlen miak ipati kipia Biblia? (1)

¿Akin iaxka tlen ijkuilijtok itech Biblia? (2)

¿Tleka moneki timomachtiskej Biblia? (3)

1. Biblia se kuali tetliokolil tlen uits itech toTajtsin Dios. Nin ken se amatlajkuilol tlen kintlajkuililia ikoneuan se teta tlen tetlasojtla. Techiluia tlen melauak itech toTajtsin Dios: akin ye uan katli itlanauatiluan. Techiluia ken uelis tikchiuaskej ijkuak tikpiaj tlajyouilistli uan ken uelis tikpiaskej pakilistli tlen melauak. Biblia techiluia tlen moneki tikchiuaskej pampa tikyolpaktiskej toTajtsin Dios (Santiago 1:25; Apocalipsis 1:3).

2. Biblia okijkuilojkej kanaj 40 tlakamej ipan kanaj 1,600 xiuitl, opejki okijkuilojkej itech 1513 a.i.x. 1. Kipia 66 amochtin. Tlakamej okijkuilojkej tlen toTajtsin Dios okinmatilti, kijtosneki okijkuilojkej iTlajtol. Ken tikitaj, toTajtsin Dios akin chanti iluikak okijto tlen moijkuiloskia (2 Timoteo 3:16, 17; 2 Pedro 1:20, 21).

3. ToTajtsin Dios okichi kuali ma moixkopina uan noijki amo keman ma poliui. Yomochijchijkej miakej Biblias, amo ijkon ken oksekimej amochtin. Amo nochtin pakiskej pampa tejuatsin timomachtia Biblia, maski ijkon, amo xikaua non ma mitstsakuili. Uelis tinemis nochipa tla tikixmati toTajtsin Dios uan tikchiua tlen ye kineki, maski sekimej kualaniskej (Mateo 5:10-12; Juan 17:3).