Tlamachtil 12

Ma tiktlakaitakan yolilistli uan estli

¿Ken moneki tikitaskej yolilistli? (1) ¿Uan tlamayauilistli? (1)

Akinmej kichiuaj ken Cristo, ¿ken kinextiaj motekipachoaj pampa amo itlaj kinpanos? (2)

¿Kuali ma tikinmiktikan yolkamej? (3)

¿Tlen kiteititia amo kitlakaitaj yolilistli? (4)

¿Katli itlanauatil toTajtsin Dios itech estli? (5)

¿Ken kita toTajtsin Dios ma kimotlalilikan estli? (6)

1. Jehová ye akin Kitemaka yolilistli. ToTajtsin Dios kinmaka inyolilis nochtin (Salmo 36:9). ToTajtsin Dios kipatioita yolilistli. Jehová noijki kipatioita iyolilis se konetsintli tlen ok kajki ijtik inantsin. Ixpan toTajtsin Dios, se tlajtlakoli kimiktiskej se konetsintli tlen ok moskaltijtok ijtik inantsin (Éxodo 21:22, 23; Salmo 127:3).

2. Akinmej melauak kichiuaj ken Cristo momaluiaj pampa amo itlaj ma kinpano. Ik non, kinyektlaliaj incoches uan inkaluan pampa amo itlaj ma kinpano (Deuteronomio 22:8). Itekitijkauan toTajtsin Dios amo kichiuaj tlamantli tlen ika uelis mokojkokoskej pampa san kinekij moyolpaktiskej. Ik non, amo mauiltiaj kanin uelis mokojkokoskej noso uelis kinkojkokoskej oksekimej. Kixtopeuaj nochi tlamantli kanin moita ken moteuiaj (Salmo 11:5; Juan 13:35).

3. Akin oTlachijchi noijki kipatioita inyolilis yolkamej. Akin kichiua  ken Cristo uelis kinmiktis yolkamej pampa tlakuas, motlakentis noso mopajtis ika, uan pampa amo itlaj ma kichiuilikan (Génesis 3:21; 9:3; Éxodo 21:28). Maski ijkon, amo kuali ma kinmiktikan yolkamej pampa kinekij mauiltiskej (Proverbios 12:10).

4. Akinmej kichiuaj ken Cristo amo kuali ma kitekitiltikan drogas, ma kichichinakan marihuana, tabaco, san pampa kinekij moyolpaktiskej. Nin tlamantli amo kuali pampa 1) oui kikauaskej, 2) kinkokolismaka uan 3) pitsotikej (Romanos 6:19; 12:1; 2 Corintios 7:1). Tikauaskej nochi nin tlamantli uelis yetos oui, maski ijkon, tla tiknekij tikyolpaktiskej Jehová moneki ma tikauakan.

5. ToTajtsin Dios noijki kipatioita estli. Ye kijtoa toyolilis kajki itech estli. Ik non, amo kuali ma tikuakan estli. Tla se yolkatl amo kuali okikixtilijkej ieso noijki amo kuali ma tikuakan. Tla se yolkatl kichpatsmiktiaj noso ouetsik ipan se trampa, amo uelis tikuaskej. Tla okimiktijkej ika tepostlatoponi noso ika se tetl, moneki san niman ma kikixtilikan estli uan ijkon uelis kikuaskej (Génesis 9:3, 4; Levítico 17:13, 14; Hechos 15:28, 29).

6. ¿Kuali ma techtlalilikan estli? Xikilnamiki Jehová techtlajtlanilia amo ma tikuakan estli. Non kijtosneki amo tikmotlaliliskej ieso okse tlaltikpaktlakatl nion toeso tlen achto otechkixtilijkej (Hechos 21:25). Ken tikitaj, akinmej melauak kichiuaj ken Cristo amo kimotlaliliaj estli. Maski ijkon, kema kiseliaj pajtli tlen amo kipia estli. Maski kinekij kipiaskej inyolilis, non amo kijtosneki amo kitlakamatiskej itlanauatiluan toTajtsin Dios (Mateo 16:25).

[Tlaixkopinalmej itech página 25]

Pampa tikyolpaktiskej toTajtsin Dios, amo ma tikmotlalilikan estli, amo ma tikchiuakan tlen pitsotik nion amo ma timauiltikan ika tlen uelis techkojkokos