Tlamachtil 16

Ximotemaktili inauak toTajtsin Dios uan ximoapolakti

¿Tlen moneki pampa timochiuas tiiyolikni toTajtsin Dios? (1, 2)

¿Ken uelis timotemaktilis inauak toTajtsin Dios? (1) ¿Keman moneki timoapolaktis? (2)

¿Ken uelis timoyolchikauas uan ijkon amo keman timoxelos inauak toTajtsin Dios? (3)

1. Tla tikneki timochiuas tiiyolikni toTajtsin Dios, moneki tikixmatis kuali tlen kijtoa Biblia (1 Timoteo 2:3, 4), titlaneltokas itech tlen yotimomachti (Hebreos 11:6), timoyolkuepas itech tlajtlakoli tlen otikchi (Hechos 17:30, 31) uan ayakmo tikchiuas tlen achto otikchiuaya (Hechos 3:19). Satepan, tlasojtlalistli tlen tikpialia toTajtsin Dios mitsyolinis timotemaktilis itech. Non kijtosneki, ijkuak tiyetos moselti, timotlatlaujtis uan tikiluis toTajtsin Dios timotemaka pampa tikchiuas itlanekilis (Mateo 22:37; 2 Corintios 5:15).

2. Satepan ijkuak kuali yotimomachti Biblia uan yotimotemaktili, axkan moneki timoapolaktis (Mateo 28:19, 20). Apolaktilistli kinextia tikmakatok monemilis Jehová. Ik non, san moapolaktiaj akinmej yikipiaj xiuitl uan yomokuayejyekojkej kitekichiuiliskej toTajtsin Dios. Ijkuak akaj moapolaktia, nochi inakayo moneki ma yeto tepitsin ijtik atl * (Marcos 1:9, 10; Hechos 8:36).

3. Satepan ijkuak yotimotemakak, Jehová kichia xikchiua ijkon ken otikilui (Salmo 50:14; Eclesiastés 5:4, 5). Diablo kinekis mitsxelos pampa ayakmo tiktekichiuilis Jehová (1 Pedro 5:8). Ximijkuani inauak toTajtsin Dios ika tlatlaujtilistli (Filipenses 4:6, 7). Mojmostla ximomachti iTlajtol toTajtsin Dios (Salmo 1:1-3). San sekan xitekipano iuan tlanechikol (Hebreos 13:17). Tla tikchiua nochi nin, timoyolchikauas pampa amo timoxelos inauak toTajtsin Dios. ¡Uan nochipa uelis tikchiuas tlen toTajtsin Dios mitstlajtlanilia!

[Tlajtoli tlen kiualika tlakxitlan]