TLAJTLANILISTLI 6
¿Tlen okijto Biblia itech Mesías?
TLEN OMOIJTO PANOS
“Te, oh Belén Efrata [...], motech kisas pampa ne akin yetos tekiua itech Israel.”
(Miqueas 5:2)
KEN OMOCHI
“Jesús otlákatki itech altepetl de Belén non kajki kan tlali de Judea. Itech nonteh tonatijmeh Herodes ye n rey. Ijkuakó owalajkeh kan ik kisa tonati sikimeh ixtlamatkeh. Yejwah okalakikoh Jerusalén.”
TLEN OMOIJTO PANOS
“Yejuan kimoxexeliliaj notlaken uan ika notlaken motlatlanij.”
(Salmos 22:18)
KEN OMOCHI
“N soldadojteh okimolijkeh: ‘Amo matiktsomonikah, yej matikawiltikah, san akin kitlanis’. Ijkó omochi tlan oijkuilitoka itech itlajkuilol Dios: ‘Okinmoxexelilijkeh notlakenwah, iwa okimotlatlanilijkeh nomanto’. Iwa ijkó okichijkeh n soldadojteh.”
TLEN OMOIJTO PANOS
“Ye [toTajtsin Dios] kinmaluijtok nochi iomiouan; nion se amo okipostekilijkej.”
(Salmo 34:20)
KEN OMOCHI
“Pero ijkuak omijkuanijkeh inawak Jesús, kemi okitakeh yomikki, ayakmó okimetspostekeh.”
TLEN OMOIJTO PANOS
“Ye okikokojkej pampa totlajtlakoluan.”
(Isaías 53:5)
KEN OMOCHI
“Pero seme de n soldadojteh okikespantsopiti ika se kuawitl yakawitstik, iwa sanima okiski estli iwa atl.”
TLEN OMOIJTO PANOS
“Onechmakakej notlaxtlauil, 30 platajtomin.”
(Zacarías 11:12, 13)
KEN OMOCHI
“Ijkuakó Judas Iscariote seme de n májtlaktli iwa n ome itlamachtijkawah, oyá kan tiopixkeh non tlayakantokeh iwa okinmili: ‘¿Kech nonnechmakaskeh tla nomechmaktilis n Jesús?’. Yejwah okitamachijkeh sempóali iwa n májtlaktli (30) platajtomi.”