“Noiwa moneki n tlakatl makitlasojtla isiwa, kemi ye inewia kitlasojtla ikuerpo. Porke akin kitlasojtla isiwa, noiwa ye motlasojtla. Porke amaka kikokolia ikuerpo, yej kimalwia iwa kitlakualtia. [...] Nochi tlakatl makitlasojtla isiwa kemi ye inewia motlasojtla.”

(Efesios 5:28, 29, 33)

“Nomejwah tetajmeh, amo xikinkuakualanikah nomopilwah, yej xikinyekiskaltikah ika tlanonotsálistli iwa ika itlajtol n Toteko.”

(Efesios 6:4)

“N tesiwa noiwa makitlakita iokich.”

(Efesios 5:33)

“Siwameh, xiktlakitakah nomookich, porke ijkó moneki kichiwaskeh akimeh kitlakitah Dios.”

(Colosenses 3:18)

“Tepilwah, xikintlakitakah [noso xikintlakamatikan] nomotajwah, porke ijkó otlanawati Dios. ‘Xiktlakita mopapá iwa xiktlakita momamá’, ye n achto tlanawátili non kipia tiochiwálistli, ‘ijkó tikpias miak pakílistli iwa tiyolitos miak xiwitl itech nin tlali’.”

(Efesios 6:1-3)

“Tepilwah, xikintlakitakah nomotajwah porke ijkó kipaktia n Toteko.”

(Colosenses 3:20)