Moneki tikmatis
NECHIKOLMEJ
AKINMEJ KINEKIJ TLAPALEUITIUIJ BETEL. Akinmej tetlapouiaj uan yomoapolaktijkej tlen kipiaj 35 xiuitl tlen kinekij tlapaleuitiuij Betel uelis yaskej nechikol tlen mochiuas viernes. Satepan kijtoskej kanin uan tlen hora mochiuas.
TLAMACHTIL PARA MA TETLAPOUIKAN TEKIUAJKAYOTL. Kinyoleuaj akinmej tekitij ken precursores tlen kipiaj 23 hasta 65 xiuitl tlen kinekij okachi tekitiskej. Akinmej kinekij yaskej itech nin tlamachtil uelis yaskej nechikol tlen mochiuas domingo. Satepan kijtoskej kanin uan tlen hora mochiuas.
MONEKI TIKMATIS
ACOMODADORES. Acomodadores mitspaleuiskej. Timitstlatlaujtiaj xikintlakamati ijkuak mitsiluiskej kanin uelis tikkauas mocarro, kanin moneki tias, kanin uelis timoseuis uan okseki tlamantli.
AKINMEJ MOAPOLAKTISKEJ. Akinmej moapolaktiskej tlaixpan kinxeliliskej kanin motlaliskej, akinmej amo moapolaktiskej uelis ompa motlaliskej tla kinmiluiaj uelis ompa motlaliskej. Nochtin akinmej moapolaktiskej moneki ompa yetoskej ijkuak ayamo peua tlapoualistli tlen kinmakaskej sábado kualkan. Nochtin moneki kiuikaskej tlen ika mouatsaskej uan amo kiuikaskej intlaken tlen itech tlatlajkuilitok noso itlaj tlen amo uelis kitekitiltis akin kichiua ken Cristo.
UELIS TIKTEMAKAS TOMIN IKA NOCHI MOYOLO. Motekitiltia miak tomin para uelis kuali timoseuiskej, kuali tikkakiskej tlen techiluiskej, tikinmitaskej videos uan okseki tlamantli tlen techpaleuia kuali ma timomachilikan uan ijkon okachi kuali timouikaskej iuan Jehová. Tomin tlen tiktemaka ika nochi moyolo tlapaleuia ma motlaxtlaua nochi non uan noijki tlapaleui ma motetlapoui. Kanin mochiua ueyi nechikol katej seki cajas kanin uelis tiktemakas tomin ika nochi moyolo. Tlasojkamati porque nantlapaleuiaj. Noijki Cuerpo Gobernante namechtlasojkamatilia porque nantlapaleuiaj ma mochiua itlanekilis Jehová itech nochi Tlaltikpak.
KANIN TLAPAJTIAJ. Xikilnamikto ompa uelis yaskej SAN akinmej ITLAJ MOCHIUAJ.
TLA ITLAJ OTIKPOLO NOSO OTIKAJSIK. Tla itlaj otikpolo ompa xiktemoti. Noijki konemej tlen omixpolojkej ompa xikinuikakan. Akinmej ompa tekitij amo kinmaluiaj konemej. Ik non, xikita kanin nemij mokoneuan uan amo inselti xikinkaua.
KANIN TIMOTLALIS. Timitstlatlaujtiaj ximokuayejyeko itech oksekimej. Xikilnamikto uelis tikxelos kanin timotlalis uan uelis tikinxelilis kanin motlaliskej akinmej chantij mouan noso akinmej tikinmachtijtok ika Biblia. Amo itlaj xiktlali itech sillas tlen amo otikinxelo, porque oksekimej uelis ompa motlaliskej.
AKINMEJ KINEKIJ TLAPALEUISKEJ. Ompa uelis tias tla tikneki titlapaleuis itech ueyi nechikol.
Okiyektlali Cuerpo Gobernante tlen kipiaj iTlaixpantijkauan Jehová
