Jehová okiteochi Salomón. Okimakak miak ixtlamatilistli uan okilui ma kichijchiua teokali. Pero Salomón yolik okika Jehová. Tla tikinpia mokoneuan, xikinyekilui akinmej okinueyichiuayaj teotsitsintin okichijkej Salomón ma kikaua Jehová. Tekiuajkayotl omoxelo uan sekimej uejueyij tekiuajkej amo yolkualmej okichijkej israelitas ma kikauakan Jehová uan ma kinueyichiuakan teotsitsintin. Itech nonmej tonalmej, okintojtokakej uan okinmiktijkej miakej teotlajtojkej yolmelajkej. Siuatl ueyi tekiua Jezabel okichi tekiuajkayotl tlen okatka ik norte ma kikaua Jehová. Altepetl Israel sapanoa otlajyoui. Pero miakej israelitas ok okitekichiuiliayaj Jehová, ken ueyi tekiua Jehosafat uan teotlajtojki Elías.