TLAXELOL 3

Peua ijkuak israelitas okiskej Egipto uan tlami ijkuak okitlalijkej achto tekiua itech Israel

Moisés okinkixti israelitas itech Egipto uan okinuikak itech tepetl Sinaí, kanin toTajtsin Dios okinmakak Itlanauatiluan. Satepan, Moisés okintitlanki 12 tlakamej tlen ichtaka otlachiatoj itech altepetl Canaán. Maski ijkon, majtlaktli tlakamej, oualmokuepkej ika se tlajtoli amo kuali. Ika tlen okijtojkej, israelitas okinekiayaj mokuepaskej Egipto. Ken israelitas amo otlaneltokakej, toTajtsin Dios okichi ma yajtinemikan 40 xiuitl kanin tlauaki.

Saiktlami, Jehová okipejpenki Josué pampa kinuikaskia israelitas itech tlali Canaán. Jehová okichi milagros pampa kinpaleuiskia israelitas ma kimoaxkatikan nin ueyi altepetl. Okichi ayakmo ma pano atl itech aueyatl Jordán, okichi ma uetsi tepamitl tlen okiyaualoaya Jericó, uan okichi Tonaltsin ma moketsa itech nochi se tonal. Chikuase xiuitl satepan, nin tlali ayakmo okatka inmiaxka cananeos.

Ipan 356 xiuitl jueces okiyekankej Israel, achto ika Josué. Timomachtiskej itech miakej jueces, ken Barac, Gedeón, Jefté, Sansón uan Samuel. Noijki timomachtiskej itech siuamej ken Rahab, Débora, Jael, Rut, Noemí uan Dalila. Itech Tlaxelol EYI, tikitaskej tlen opanok itech 396 xiuitl.