Timoteo okipaleuiaya Pablo
TLAPOUALISTLI 110
Timoteo okipaleuiaya Pablo
TELPOCHTLI tlen nikan tikita iuan tlatitlanil Pablo, itoka Timoteo. Timoteo chanti iuan ichanejkauan itech Listra. Inantsin itoka Eunice uan isitsin itoka Loida.
Ika nin, eyijpa Pablo oyajki itech Listra. Yokipiaya kanaj se xiuitl Pablo uan Bernabé ompa otetlapouitoj. Axkan oksepa ompa oyajkej Pablo uan iyolikni Silas.
¿Tikmati tlen okilui Pablo Timoteo? Okitlajtlani: ‘¿Mitspaktiskia tiuits iuan Silas uan ne? Uelis titechpaleuis pampa tikintlapouiskej tlaltikpaktlakamej itech oksekimej altepemej tlen uejka katej’.
Timoteo okinankili: ‘Kema, nechpaktiskia nias’. Ik non, sekimej tonalmej satepan, Timoteo okinkajte ichanejkauan uan oyajki iuan Pablo uan Silas. Maski ijkon, achto timomachtiskej itech tlen okinpanok, ma tikitakan tlen okipanok Pablo. Yopanok 17 xiuitl satepan Jesús okimonextili Pablo itech ojtli tlen oyaya Damasco.
¡Xikilnamiki, Pablo oyajki Damasco pampa kintlajyouiltiskia imachtijkauan Jesús, maski ijkon, axkan ye se imachtijka! Satepan, sekimej tlen okikokoliayaj Pablo okinekiayaj kimiktiskej, maski ijkon, ikniuan okipaleuijkej ma cholo. Ijtik se chikiuitl okitemouijkej ik itepamitl altepetl, uan ijkon okimakixtijkej.
Satepan, Pablo oyajki otetlapouito Antioquía. Ompa, imachtijkauan Jesús opejkej kintokayotiaj, akinmej kichiuaj ken Cristo. Satepan, Pablo uan Bernabé okiskej itech Antioquía uan okintitlankej ma tetlapouitij itech uejueyij altepemej tlen uejka omokauayaj. Se altepetl itech tlen oajsitoj itoka Listra, kanin ochantiaya Timoteo.
Axkan, kanaj se xiuitl satepan, Pablo oksepa oyajki Listra pampa ojpa otetlapouito. Ijkuak Timoteo oyajki iuan Pablo uan Silas, ¿tikmati kanin oyajkej? Xikita mapa uan ma timomachtikan.
Achto oyajkej Iconio, tlen amo uejka okatka, satepan oyajkej itech okse altepetl tlen itoka Antioquía. Ijkuakon oyajkej Troas, satepan oyajkej itech Filipos, Tesalónica uan Berea. ¿Tikita kanin kajki Atenas itech mapa? Pablo ompa otetlapoui. Satepan, itech se xiuitl uan tlajko otetlapouijkej itech Corinto. Saiktlami, seki kauitl omokajkej itech Éfeso. Ijkuakon, ika barco oyajkej Cesarea, uan ompa otlejkokej ik Antioquía, kanin Pablo omoka.
Ijkon tikitaj ken Timoteo uejka oyajki iuan Pablo, pampa okipaleui ma tetlapoui itech yankuik kuali tlajtolmej uan ijkon opejkej miakej tlanechikolmej. Ijkuak te timoskaltis, ¿tiktekichiuilis toTajtsin Dios ijkon ken okichi Timoteo?
Hechos 9:19-30; 11:19-26; 13 a 17; 18:1-22.
[Mapa]
(Pampa tikitas ken moita amatlajkuilol, xiktemo amatlajkuilol)
Roma
Malta
Tesalónica
Berea
Corinto
Filipos
Atenas
Creta
Troas
Éfeso
Mileto
Colosas
Antioquía
Iconio
Listra
Antioquía
Chipre
Damasco
Cesarea
Jope
Jerusalén
EL MAR GRANDE (MEDITERRÁNEO)