TLAXELOL 4

Peua ika achto ueyi tekiua itech Israel uan tlami ijkuak israelitas okinuikakej Babilonia

Saúl okitlalijkej ken achto ueyi tekiua itech Israel. Maski ijkon, Jehová ayakmo okiseli Saúl ken ueyi tekiua uan okipejpenki David pampa kipatlaskia. Timomachtiskej miak tlamantli itech David. Ijkuak okatka telpochtli, omoteui iuan se tlakatl uejkapantik tlen omotokayotiaya Goliat. Satepan, ocholo pampa ueyi tekiua Saúl okinexikolitaya. Satepan, siuatl kuajkualtsin tlen omotokayotiaya Abigail, okichi itlaj pampa David amo kichiuaskia itlaj tlen amo kuali.

Satepan, timomachtiskej miak tlamantli itech Salomón, ikone David, akin satepan okipatlak David ken ueyi tekiua itech Israel. Achto eyi ueyi tekiuajkej itech Israel, sejse otlanauati itech 40 xiuitl. Ijkuak omikik Salomón, Israel omoxelo itech ome tekiuajkayotl, se tekiuajkayotl okipiaya majtlaktli nechikolmej uan okse tekiuajkayotl okipiaya ome nechikolmej.

Tekiuajkayotl itech majtlaktli nechikolmej ouejka 257 xiuitl achto kixpoloskiaj asirios. Satepan, ijkuak opanok 133 xiuitl, tekiuajkayotl itech ome nechikolmej noijki okixpolojkej. Axkan, israelitas okinuikakej Babilonia. Itech nin Tlaxelol NAUI tikitaskej tlen opanok itech 510 xiuitl, uan itech nochi ninmej xiuitl timomachtiskej miak tlamantli tlen techtlajtlachialtis.