Tlajtlanilmej tlen kiualika Noamoch tlen nechtlapouia itech Biblia
Tlajtlanilmej tlen kiualika Noamoch tlen nechtlapouia itech Biblia
ToTajtsin Dios opejki tlachijchiua
1. ¿Akin otechmakak nochi tlen kuali? ¿Uelis tikijtos se neskayotl?
2. ¿Tlen achto okichijchi toTajtsin Dios?
3. ¿Tleka achto ángel amo okatka ken oksekimej ángeles?
4. Xikyekijto ken okatka Tlaltikpak achto (xikita tlaixkopinal).
5. ¿Ken toTajtsin Dios opejki kiyektlalia Tlaltikpak pampa ma nemikan yolkamej uan tlaltikpaktlakamej?
Oksekimej tlajtlanilmej:
1. Xiktlajtolti Jeremías 10:12.
¿Tlen iyelisuan toTajtsin Dios moita itech tlen okichijchi? (Isa. 40:26; Rom. 11:33.)
2. Xiktlajtolti Colosenses 1:15-17, NM.
Ijkuak toTajtsin Dios otlachijchi, ¿tlen tekitl okichi Jesús? Uan ik non, ¿ken moneki tikitaskej? (Col. 1:15-17, NM.)
3. Xiktlajtolti Génesis 1:1-10.
1) ¿Akin okichijchi Tlaltikpak? (Gén. 1:1.)
2) ¿Tlen opanok itech tonal se, ijkuak toTajtsin Dios otlachijchi? (Gén. 1:3-5.)
3) ¿Tlen opanok itech tonal ome, ijkuak toTajtsin Dios otlachijchi? (Gén. 1:7, 8.)
Se kualtsin xochitlali
1. ¿Ken okiyektlali toTajtsin Dios Tlaltikpak pampa itech tichantiskej?
2. ToTajtsin Dios okinchijchi miakej yolkamej. ¿Uelis tikijtos ken intoka sekimej? (Xikita tlaixkopinal.)
3. ¿Tleka okatka okachi kuajkualtsin xochitlali Edén?
4. ¿Ken okinekiaya toTajtsin Dios ma mochiua nochi Tlaltikpak?
Oksekimej tlajtlanilmej:
1. Xiktlajtolti Génesis 1:11-25.
1) ¿Tlen okichijchi toTajtsin Dios itech tonal eyi ijkuak otlachijchi? (Gén. 1:12.)
2) ¿Tlen opanok itech tonal naui, ijkuak toTajtsin Dios otlachijchi? (Gén 1:16.)
3) ¿Tlen yolkamej okinchijchi toTajtsin Dios itech tonal makuili uan chikuase? (Gén. 1:20, 21, 25.)
2. Xiktlajtolti Génesis 2:8, 9.
¿Tlen ome kuajmej tlen amo okatka ken oksekimej okintlali toTajtsin Dios itech xochitlali Edén, uan tlen okineskayotiayaj?
Achto tlakatl uan achto siuatl
1. ¿Tlen tlatlamantli tikita itech tlaixkopinal tlen kajki itech tlapoualistli 3 uan tlen kajki itech tlapoualistli 2?
2. ¿Akin okichijchi achto tlakatl, uan ken omotokayotiaya?
3. ¿Tlen tekitl toTajtsin Dios okimakak Adán?
4. ¿Tleka toTajtsin Dios okichi melauak ma kochi Adán?
5. ¿Keski xiuitl uelis yoltoskiaj Adán uan Eva uan tlen tekitl okinekiaya toTajtsin Dios ma kichiuakan?
Oksekimej tlajtlanilmej:
1. Xiktlajtolti Salmo 83:18.
¿Tlen itoka toTajtsin Dios, uan tleka san ye ueyititok ipan nochi Tlaltikpak? (Jer. 16:21; Dan. 4:17.)
2. Xiktlajtolti Génesis 1:26-31.
1) ¿Tlen tlamantli okachi ueyititok okichijchi toTajtsin Dios itech tonal chikuase, uan tleka okatka tlatlamantli itech yolkamej? (Gén. 1:26.)
2) ¿Tlen tlakuali okinmakak Jehová tlaltikpaktlakamej uan yolkamej? (Gén. 1:30.)
3. Xiktlajtolti Génesis 2:7-25.
1) ¿Tlen omonekiaya kichiuas Adán pampa kintlaliliskia intoka yolkamej? (Gén. 2:19.)
2) ¿Ken techpaleuia Génesis 2:24 pampa tikajsikamatiskej ken mokuayejyekoa Jehová itech namiktilistli, ijkuak se tlakatl uan se siuatl moxeloaj, uan ijkuak mokajkauaj ixpan tekiuajkej? (Mat. 19:4-6, 9.)
Tleka okinkixtijkej itech xochitlali
1. Xikita tlaixkopinal. ¿Tlen kinpanotok Adán uan Eva?
2. ¿Tleka okinkixti Jehová?
3. ¿Tlen okilui se koatl Eva?
4. ¿Akin okichi ma motlapoui koatl iuan Eva?
5. ¿Tleka okinkixtijkej Adán uan Eva itech Xochitlali kanin ochantiayaj?
Oksekimej tlajtlanilmej:
1. Xiktlajtolti Génesis 2:16, 17 uan 3:1-13, 24.
1) Itech tlen koatl okitlajtlani Eva, ¿ken okijto itlaj tlen amo kuali itech Jehová? (Gén. 3:1-5; 1 Juan 5:3.)
2) ¿Tlen technejmachtia tlen okipanok Eva? (Fili. 4:8; Sant. 1:14, 15; 1 Juan 2:16.)
3) ¿Ken amo okinekiayaj kiseliskej Adán uan Eva intlajtlakol tlen okichijkej? (Gén. 3:12, 13.)
4) ¿Ken okiteititijkej querubines akinmej okintlalijkej itech kanik kisa Tonaltsin itech xochitlali Edén, san Jehová kinamiki tlanauatis? (Gén. 3:24.)
2. Xiktlajtolti Apocalipsis 12:9.
¿Keski tlaltikpaktlakamej yokichi Satanás ma kixtopeuakan itekiuajkayo toTajtsin Dios? (1 Juan 5:19.)
Opejki se nemilistli oui
1. Satepan ijkuak okinkixtijkej itech xochitlali Edén, ¿ken okatka innemilis Adán uan Eva?
2. Satepan ijkuak okikuajkej tlakilotl, ¿tlen opejki kinpanoa Adán uan Eva, uan tleka?
3. ¿Tleka kokoxkatiskiaj noso ueuejtiskiaj uan mikiskiaj inkoneuan Adán uan Eva?
4. Tla Adán uan Eva kitlakamatiskiaj Jehová, ¿ken yetoskia innemilis yejuan uan inkoneuan?
5. ¿Ken otlajyoui Eva pampa amo otetlakamatki?
6. ¿Ken okintokayotijkej achto ome inkoneuan Adán uan Eva?
7. ¿Akinmej konemej tlen tikinmitaj itech tlaixkopinal?
Oksekimej tlajtlanilmej:
1. Xiktlajtolti Génesis 3:16-23 uan 4:1, 2.
1) ¿Ken otlajyoui Adán pampa okiuijuikaltijkej tlali? (Gén. 3:17-19.)
2) Ken tokayotl Eva kijtosneki “akin yoltok”, ¿tleka okinamikiaya non tokayotl? (Gén. 3:20.)
3) ¿Ken okiteititi Jehová okinmiknomatki Adán uan Eva maski otlajtlakojkej? (Gén 3:7, 21.)
2. Xiktlajtolti Apocalipsis 21:3, 4.
¿Tlen tlamantli “tlan achtoj oyeka” ayakmo tiknekiskiaj ma yetokan?
Se tekone yolkuali uan se amo yolkuali
1. ¿Tlen tekitl opejkej kichiuaj Caín uan Abel?
2. ¿Tlen tetliokolil okiuikakej Caín uan Abel ixpan Jehová?
3. ¿Tleka okipakti Jehová itetliokolil Abel, uan tleka amo okipakti itetliokolil Caín?
4. ¿Ken okatka iyelis Caín, uan ken okinekiaya Jehová kiyektlalis?
5. ¿Tlen okichi Caín ijkuak okatka san iselti iuan ikni itech tlalan?
6. Xikyekijto tlen okipanok Caín satepan okimikti ikni.
Oksekimej tlajtlanilmej:
1. Xiktlajtolti Génesis 4:2-26.
1) ¿Ken Jehová okimatilti Caín amo kuali okatka tlen okichijtoka? (Gén. 4:7.)
2) ¿Ken okiteititi Caín tlen okipiaya itech iyolo? (Gén. 4:9.)
3) ¿Ken kita Jehová ijkuak kimiktiaj akaj tlen yolkuali? (Gén. 4:10; Isa. 26:21.)
2. Xiktlajtolti 1 Juan 3:11, 12.
1) ¿Tleka okualanki miak Caín, uan ken technejmachtia nin axan itech ninmej tonalmej? (Gén. 4:4, 5; Pro. 14:30; 28:22.)
2) Maski nochtin tochanejkauan amo kinekiskej kitekichiuiliskej Jehová, ¿ken technextilia Biblia tejuan uelis tikpiaskej toyolo ajsitok inauak Jehová? (Sal. 27:10; Mat. 10:21, 22.)
3. Xiktlajtolti Juan 11:25.
¿Tlen chialistli kinmaka Jehová akinmej mikij pampa kitekichiuiliaj? (Juan 5:24.)
Se tlakatl yolchikauak
1. ¿Tleka tikijtoaj Enoc amo okatka ken oksekimej?
2. ¿Tleka tlaltikpaktlakamej okichiuayaj miak tlamantli tlen amo kuali itech tonalmej ijkuak okatka Enoc?
3. ¿Tlen tlamantli amo kuali okichiuayaj tlaltikpaktlakamej? (Xikita tlaixkopinal.)
4. ¿Tleka Enoc omonekiaya yetos yolchikauak?
5. ¿Keski xiuitl okajxitiayaj tlaltikpaktlakamej itech nonmej tonalmej, uan keski xiuitl okajxiti Enoc?
6. ¿Tlen opanok satepan omikik Enoc?
Oksekimej tlajtlanilmej:
1. Xiktlajtolti Génesis 5:21-24, 27.
1) ¿Ken omouikaya Enoc iuan Jehová? (Gén. 5:24.)
2) Ijkon ken kijtoa Biblia, ¿akin okajxiti okachi miak xiuitl, uan keski xiuitl okipiaya ijkuak omikik? (Gén. 5:27.)
2. Xiktlajtolti Génesis 6:5.
¿Ken omomiaktili itech Tlaltikpak tlamantli tlen amo kuali satepan omikik Enoc, uan ken noijki ijkon panotok axkan? (2 Tim. 3:13.)
3. Xiktlajtolti Hebreos 11:5.
¿Tlen kuali iyelis Enoc okiyolpakti toTajtsin Dios, uan tlen opanok? (Gén. 5:22.)
4. Xiktlajtolti Judas 14, 15.
Akinmej kichiuaj ken Cristo, ¿ken uelis kiteititiskej yolchikaualistli ijkon ken Enoc ijkuak kitematiltiaj tlen panos itech Armagedón? (2 Tim. 4:2; Heb. 13:6.)
Tlakamej tlen sapanoa uejkapantikej
1. ¿Tlen opanok ijkuak sekimej iángeles toTajtsin Dios okikakilijkej Satanás?
2. ¿Tleka sekimej ángeles okikajtejkej inteki tlen okipiayaj itech iluikak uan oualtemojkej itech Tlaltikpak?
3. ¿Tleka amo kuali okatka ma ualakan ángeles itech Tlaltikpak uan ma mochiuakan ken tlaltikpaktlakamej?
4. ¿Ken tlatlamantli okatkaj inkoneuan ángeles?
5. Ken tikita itech tlaixkopinal, ¿tlen okichijkej inkoneuan ángeles ijkuak omochijkej sapanoa uejkapantikej?
6. Satepan omikik Enoc, ¿tlen tlakatl yolkuali ochantiaya ipan Tlaltikpak uan tleka Jehová okitlasojtlaya?
Oksekimej tlajtlanilmej:
1. Xiktlajtolti Génesis 6:1-8.
¿Ken kijtoa Génesis 6:6 tlen uelis kimachilis Jehová ika tlen tikchiuaj? (Sal. 78:40, 41; Pro. 27:11.)
2. Xiktlajtolti Judas 6.
¿Tlen technejmachtiaj ángeles “katlej mach okimaluijkej inlugar”? (1 Cor. 3:5-9; 2 Ped. 2:9, 10.)
Noé okichijchi se akali
1. ¿Keski ichanejkauan okipiaya Noé, uan ken omotokayotiayaj eyi ikoneuan?
2. ¿Tlen tlamantli tlen amo omoixmatiaya okitlajtlanili toTajtsin Dios ma kichijchiua Noé, uan tleka?
3. ¿Ken otlanankilijkej tlaltikpaktlakamej ijkuak Noé okinmilui kichijchiuaskia se akali?
4. ¿Tlen okilui toTajtsin Dios ma kichiua Noé ika yolkamej?
5. Ijkuak toTajtsin Dios okitsak ikaltlatsakuil akali, ¿tlen omonekiaya kichiuaskej Noé uan ichanejkauan?
Oksekimej tlajtlanilmej:
1. Xiktlajtolti Génesis 6:9-22.
1) ¿Tlen okichi Noé pampa ma moixmati ken se kuali itekipanojki akin melauak toTajtsin Dios? (Gén. 6:9, 22.)
2) ¿Ken kita Jehová ijkuak momakaj tlaltikpaktlakamej, uan ken uelis techpaleuis nin pampa kuali tikpejpenaskej tlen ika timoyolpaktiskej? (Gén. 6:11, 12; Sal. 11:5.)
3) ¿Ken uelis tikchiuaskej ijkon ken Noé ijkuak ialtepetl Jehová techiluia tlen moneki tikchiuaskej? (Gén. 6:22; 1 Juan 5:3.)
2. Xiktlajtolti Génesis 7:1-9.
¿Ken techyolchikaua tikmatiskej Jehová okitaya Noé ken se tlakatl yolmelajki, maski okipiaya tlajtlakoli? (Gén. 7:1; Pro. 10:16; Isa. 26:7.)
Se ueyi apachiuilistli
1. ¿Tleka ayakmo akaj ueli okalak itech akali ijkuak opejki kiauitl?
2. ¿Keski tonal uan keski yoak okichi Jehová ma kiaui, uan kanin oajsik atl?
3. ¿Tlen okipanok akali ijkuak opejki oatemik Tlaltikpak?
4. ¿Omomakixtijkej tlakamej tlen sapanoa uejkapantikej ijkuak ouala apachiuilistli? ¿Tlen okinpanok intatajuan?
5. ¿Tlen okipanok akali makuili metstli satepan?
6. ¿Tleka Noé okikajka se kakalotl tlen okatka itech akali?
7. ¿Ken okimatki Noé atl yotemok?
8. ¿Tlen okilui toTajtsin Dios Noé ijkuak ye uan ichanejkauan opanokej kanaj se xiuitl itech akali?
Oksekimej tlajtlanilmej:
1. Xiktlajtolti Génesis 7:10-24.
1) ¿Akinmej omikej ijkuak ouala apachiuilistli? (Gén. 7:23.)
2) ¿Keski tonal opanok pampa ouaki atl tlen okiualikak apachiuilistli? (Gén. 7:24.)
2. Xiktlajtolti Génesis 8:1-17.
¿Ken kinextia Génesis 8:17 amo mopatla tlen toTajtsin Dios kineki kichiuas itech Tlaltikpak? (Gén. 1:22.)
3. Xiktlajtolti 1 Pedro 3:19, 20.
1) ¿Tlen okinmiluijkej kinpanoskia ángeles tlen amo otetlakamatkej ijkuak omokuepkej itech iluikak? (Jud. 6.)
2) ¿Ken techyolchikaua tlen okipanok Noé uan ichanejkauan pampa okachi ma titlaneltokakan itech Jehová pampa ye uelis kimakixtis ialtepetl? (2 Pedro 2:9.)
Achto kosamalotl
1. Ken moita itech tlaixkopinal, ¿tlen achto okichi Noé ijkuak okiski itech akali?
2. ¿Tlen tlanauatil toTajtsin Dios okimakak Noé uan ichanejkauan ijkuak opanok Apachiuilistli?
3. Ijkuak toTajtsin Dios okitemakak itlajtol, ¿tlen okijto ayakmo keman kichiuas?
4. ¿Tlen moneki tikilnamikiskej ijkuak tikitaskej kosamalotl?
Oksekimej tlajtlanilmej:
1. Xiktlajtolti Génesis 8:18-22.
1) ¿Ken uelis tikyolpaktiskej Jehová ika tlen tikchiuaj? (Gén. 8:21; Heb. 13:15, 16.)
2) ¿Tlen okijto Jehová pampa tlaltikpaktlakamej nochipa kinekij kichiuaskej tlen amo kuali, uan ik non, itech tlen moneki timomaluiskej? (Gén. 8:21; Mat. 15:18, 19.)
2. Xiktlajtolti Génesis 9:9-17.
1) ¿Tlen tlajtolsenkaualistli toTajtsin Dios okinmakak nochtin tlen yoltokej itech Tlaltikpak? (Gén. 9:10, 11.)
2) ¿Keski xiuitl uejkauas itlajtolsenkaualis Jehová itech kosamalotl? (Gén. 9:16.)
Okichijchijkej se ueyi uan uejkapantik kali
1. ¿Akin okatka Nemrod, uan tlen okijtoaya toTajtsin Dios itech ye?
2. Ken moita itech tlaixkopinal, ¿tleka tlaltikpaktlakamej kichijchiuaj xamitl?
3. ¿Tleka amo okipakti Jehová tlen okichijchijkej?
4. ¿Tlen okichi toTajtsin Dios pampa ayakmo ma kichijchiuakan nin ueyi uan uejkapantik kali?
5. ¿Ken okitokayotijkej altepetl, uan tlen kijtosnekia non tokayotl?
6. ¿Tlen opanok ika tlaltikpaktlakamej ijkuak toTajtsin Dios okichi ayakmo ma moajsikamatikan ika intlajtol?
Oksekimej tlajtlanilmej:
1. Xiktlajtolti Génesis 10:1, 8-10.
¿Ken okatka iyelis Nemrod, uan tlen technejmachtia Biblia? (Pro. 3:31.)
2. Xiktlajtolti Génesis 11:1-9.
¿Tleka okinekiayaj kichijchiuaskej ueyi uan uejkapantik kali, uan tleka amo uelis kichiuaskiaj? (Gén. 11:4; Pro. 16:18; Juan 5:44.)
Abrahán... iyolikni toTajtsin Dios
1. ¿Ken okatka inyelis tlaltikpaktlakamej tlen ochantiayaj itech altepetl Ur?
2. ¿Akin tlakatl tlen tikita itech tlaixkopinal? ¿Keman oneski? ¿Kanin ochantiaya?
3. ¿Tlen okinauati toTajtsin Dios ma kichiua Abrahán?
4. ¿Tleka omoixmatiaya Abrahán ken iyolikni toTajtsin Dios?
5. Ijkuak Abrahán okiski itech Ur, ¿akinmej oyajkej iuan?
6. ¿Tlen okilui toTajtsin Dios Abrahán ijkuak oajsito Canaán?
7. ¿Tlen okilui toTajtsin Dios Abrahán ijkuak okipiaya 99 xiuitl?
Oksekimej tlajtlanilmej:
1. Xiktlajtolti Génesis 11:27-32.
1) ¿Ken omoitayaj Abrahán uan Lot? (Gén. 11:27.)
2) Maski moijtoa Taré okinuikak ichanejkauan itech Canaán, ¿ken tikmatij ye Abrahán akin okichi ma chantitij Canaán, uan tleka okichi? (Gén. 11:31; Hech. 7:2-4.)
2. Xiktlajtolti Génesis 12:1-7.
¿Ken okichi Jehová okachi ma mochiua itlajtolsenkaualis iuan Abrahán ijkuak Abrahán oajsik itech Canaán? (Gén. 12:7.)
3. Xiktlajtolti Génesis 17:1-8, 15-17.
1) Ijkuak Abrán okipiaya 99 xiuitl, ¿tlen tokayotl okitlalilijkej, uan tleka? (Gén. 17:5.)
2) ¿Tlen tlateochiualismej okijto Jehová kimakaskia Sara? (Gén. 17:15, 16.)
4. Xiktlajtolti Génesis 18:9-19.
1) Itech Génesis 18:19, ¿tlen tekitl kinmakaj tetajmej? (Deu. 6:6, 7; Efe. 6:4.)
2) ¿Tlen okichi Sara tlen kiteititia amo itlaj uelis tiktlatiliskej Jehová? (Gén. 18:12, 15; Sal. 44:21.)
Omoyejyeko itlaneltokilis Abrahán
1. ¿Tlen okilui toTajtsin Dios Abrahán, uan ken okichi itlajtol tlen okimakak?
2. Ken moita itech tlaixkopinal, ¿ken okiyejyeko toTajtsin Dios itlaneltokilis Abrahán?
3. ¿Tlen okichi Abrahán maski amo okajsikamatiaya tleka ijkon okinauati toTajtsin Dios?
4. ¿Tlen opanok ijkuak Abrahán okikixti se cuchillo pampa kimiktis ikone?
5. ¿Ken okipiaya Abrahán itlaneltokilis itech toTajtsin Dios, uan tleka ijkon tikijtoa?
6. ¿Tlen okimakak toTajtsin Dios Abrahán pampa okitlamanili, uan ken opanok?
Oksekimej tlajtlanilmej:
1. Xiktlajtolti Génesis 21:1-7.
¿Tleka Abrahán okichiuili circuncisión ikone ijkuak okipiaya chikueyi tonal? (Gén. 17:10-12; 21:4.)
2. Xiktlajtolti Génesis 22:1-18.
¿Ken okiteititi Isaac okitlakamatiaya itajtsin Abrahán maski oui okatka tlen kichiuaskia, uan ken okineskayoti nin tlen satepan panoskia tlen okachi kipiaskia ipati? (Gén. 22:7-9; 1 Cor. 5:7; Fili. 2:8, 9.)
Isiua Lot otlachixki tlakuitlapan
1. ¿Tleka omoxelojkej Abrahán uan Lot?
2. ¿Tleka ochantito Lot itech Sodoma?
3. ¿Ken okatka inyelis tlaltikpaktlakamej tlen ochantiayaj itech Sodoma?
4. ¿Tlen okinauatijkej Lot ome ángeles?
5. ¿Tleka isiua Lot omokuepki istatl?
6. ¿Tlen techmachtia tlen okipanok isiua Lot?
Oksekimej tlajtlanilmej:
1. Xiktlajtolti Génesis 13:5-13.
¿Tlen kuali neskayotl techmaka Abrahán ijkuak monekis tikyektlaliskej se ouijkayotl iuan akaj? (Gén. 13:8, 9; Rom. 12:10; Fili. 2:3, 4.)
2. Xiktlajtolti Génesis 18:20-33.
Ijkuak timokuayejyekoaj tlen omotlapouijkej Abrahán uan Jehová, ¿tleka uelis tikneltokaskej Jehová uan Jesús tlaixkomakaskej ika melajkayotl? (Gén. 18:25, 26; Mat. 25:31-33.)
3. Xiktlajtolti Génesis 19:1-29.
1) Ijkon ken kijtoa Biblia, ¿ken kita toTajtsin Dios ijkuak motlakakuepaj uan ijkuak mosiuakuepaj? (Gén. 19:5, 13; Lev. 20:13.)
2) ¿Tlen tlatlamantli tikajsij itech ken otlanankilijkej Lot uan Abrahán ijkuak Jehová okinmakak tlayekanalistli, uan tlen techmachtia? (Gén. 19:15, 16, 19, 20; 22:3.)
4. Xiktlajtolti Lucas 17:28-32.
¿Ken okitaya isiua Lot tlamantli tlen okipiaya, uan tlen technejmachtia tlen okipanok? (Luc. 12:15; 17:31, 32; Mat. 6:19-21, 25.)
5. Xiktlajtolti 2 Pedro 2:6-8.
Ijkon ken okichi Lot, ¿ken moneki tikitaskej nochi tlamantli tlen amo kuali tlen mochijtok itech Tlaltikpak? (Eze. 9:4; 1 Juan 2:15-17.)
Isaac okitemolijkej se kuali isiua
1. ¿Akin tlakatl uan siuatl tlen tikinmitaj itech tlaixkopinal?
2. ¿Tlen okichi Abrahán pampa okitemoli isiua Isaac, uan tleka?
3. ¿Ken omonankili itlatlaujtilis itlakeual Abrahán?
4. ¿Ken otlanankili Rebeca ijkuak okitlajtlanijkej kox okinekiaya monamiktis iuan Isaac?
5. ¿Ken oksepa oyolpakik Isaac?
Oksekimej tlajtlanilmej:
1. Xiktlajtolti Génesis 24:1-67.
1) ¿Tlen kuali iyelisuan okiteititi Rebeca iuan itlakeual Abrahán ijkuak okatka itech atekochtli? (Gén. 24:17-20; Pro. 31:17, 31.)
2) Akinmej kichiuaj ken Cristo, ¿tlen kuali neskayotl kajsij itech tlen okichi Abrahán pampa ikone Isaac? (Gén. 24:37, 38; 1 Cor. 7:39; 2 Cor. 6:14.)
3) ¿Tleka moneki tikxeloskej kauitl pampa timokuayejyekoskej ijkon ken okichiuaya Isaac? (Gén. 24:63; Sal. 77:12; Fili. 4:8.)
Koatsitsintin tlen okatkaj tlatlamantli
1. ¿Akinmej okatkaj Esaú uan Jacob, uan ken okatkaj tlatlamantli?
2. ¿Keski xiuitl okipiayaj Esaú uan Jacob ijkuak omikik inkojkol Abrahán?
3. ¿Tlen okichi Esaú tlen okinyolkoko miak itatajuan?
4. ¿Tleka sapanoa okualanki Esaú iuan ikni Jacob?
5. ¿Tlen okinauati Isaac ma kichiua Jacob?
Oksekimej tlajtlanilmej:
1. Xiktlajtolti Génesis 25:5-11, 20-34.
1) ¿Tlen okijto Jehová kinpanoskia ome ikoneuan Rebeca? (Gén. 25:23.)
2) ¿Ken tlatlamantli okitayaj Jacob uan Esaú tlateochiualistli tlen okiseliaya akin otlayekanaya? (Gén. 25:31-34.)
2. Xiktlajtolti Génesis 26:34, 35; 27:1-46, uan 28:1-5.
1) ¿Ken okiteititi Esaú amo okipatioitaya tlamantli espirituales? (Gén. 26:34, 35; 27:46.)
2) Ken Jacob kiseliskia itlateochiualis toTajtsin Dios, ¿tlen okilui Isaac ma kichiua? (Gén. 28:1-4.)
3. Xiktlajtolti Hebreos 12:16, 17.
¿Tlen uelis kinpanos akinmej amo kipatioitaj tlamantli espirituales ijkon ken okichi Esaú?
Jacob oyajki Harán
1. ¿Akin ichpochtli tlen tikita itech tlaixkopinal, uan tlen okichi Jacob pampa okipaleui?
2. ¿Tlen okinek kichiuas Jacob pampa monamiktiskia iuan Raquel?
3. ¿Tlen okichi Labán ijkuak oajsik tonal ijkuak Jacob uan Raquel monamiktiskiaj?
4. ¿Tlen okichi Jacob pampa uelis monamiktiskia iuan Raquel?
Oksekimej tlajtlanilmej:
1. Xiktlajtolti Génesis 29:1-30.
1) Maski Labán okikajkaya Jacob, ¿ken okiteititi Jacob okatka se kuali tlakatl, uan tlen techmachtia nin? (Gén. 25:27; 29:26-28; Mat. 5:37.)
2) ¿Ken kiteititia ineskayo Jacob tlasojtlalistli tlen melauak amo ijkon ken tlasojtlalistli tlen san panoa? (Gén. 29:18, 20, 30; Cant. de Cant. 8:6.)
3) ¿Tlen naui siuamej omochijkej ichanejkauan Jacob tlen satepan okinpixkej ikoneuan Jacob? (Gén. 29:23, 24, 28, 29.)
Jacob okipixki se ueyi kalchanejkej
1. ¿Ken omotokayotiayaj chikuase ikoneuan Jacob tlen okinpixki Lea, achto isiua?
2. ¿Akinmej ome ikoneuan okipixki Jacob iuan Zilpá, itlakeual Lea?
3. ¿Ken omotokayotiayaj ome ikoneuan Jacob tlen okinpixki Bilhá, itlakeual Raquel?
4. ¿Akinmej ome ikoneuan okinpixki Raquel, uan tlen opanok ijkuak okipixki saiktlami ikone?
5. Ijkon ken moita itech tlaixkopinal, ¿keski ikoneuan okinpixki Jacob, uan tlen altepetl okiski itech yejuan?
Oksekimej tlajtlanilmej:
1. Xiktlajtolti Génesis 29:32-35; 30:1-26, uan 35:16-19.
Ijkon ken okinpanok 12 ikoneuan Jacob, ¿ken okintlaliliayaj intoka konemej hebreos yiuejkika?
2. Xiktlajtolti Génesis 37:35.
Maski Biblia san tlajtoa itech Dina, ¿ken tikmatij Jacob okinpixki oksekimej ichpokauan? (Gén. 37:34, 35.)
Dina otlajyoui
1. ¿Tleka amo okinekiayaj Abrahán uan Isaac inkoneuan ma monamiktikan iuan akinmej ochantiayaj Canaán?
2. ¿Kuali okitaya Jacob ichpoch ma mouika iuan ichpokamej cananeas?
3. ¿Akin tlakatl tlen kita Dina moita itech tlaixkopinal, uan tlen tlamantli amo kuali okichi?
4. ¿Tlen okichijkej Simeón uan Leví (ikniuan Dina) ijkuak okimatkej tlen opanok?
5. ¿Okipakti Jacob tlen okichijkej Simeón uan Leví?
6. ¿Ken opejki kipia ouijkayotl nin kalchanejkej?
Oksekimej tlajtlanilmej:
1. Xiktlajtolti Génesis 34:1-31.
1) ¿San sepa okintlajpaloto Dina ichpokamej tlen ochantiayaj itech Canaán? Xikyekijto (Gén. 34:1).
2) ¿Tleka uelis tikijtoskej noijki okatka itlajtlakol Dina ma kipijpinatikan? (Gál. 6:7.)
3) ¿Ken uelis kiteititiskej axkan telpokamej uan ichpokamej mochijchikauaj pampa amo ma kinpano ken Dina? (Pro. 13:20; 1 Cor. 15:33; 1 Juan 5:19.)
Ikniuan José okikokolijkej
1. ¿Tleka ikniuan José okinexikolitayaj, uan tlen okichiuilijkej?
2. ¿Tlen okinekiayaj ikniuan José kichiuiliskej, uan tlen okijto Rubén?
3. ¿Tlen opanok ijkuak sekimej tlanemakakej ismaelitas oajsikej ompa?
4. ¿Tlen okichijkej ikniuan José pampa intajtsin ma kineltoka José omikik?
Oksekimej tlajtlanilmej:
1. Xiktlajtolti Génesis 37:1-35.
1) Akinmej kichiuaj ken Cristo, ¿ken noijki uelis kichiuaskej ken José ijkuak moneki kitematiltiskej itech tlanechikol itlaj tlen amo kuali? (Gén. 37:2; Lev. 5:1; 1 Cor. 1:11.)
2) ¿Tleka ikniuan José okinemakakej? (Gén. 37:11, 18; Pro. 27:4; Sant. 3:14-16.)
3) ¿Tlen okichi Jacob tlen nochtin tikchiuaj ijkuak akaj miki? (Gén. 37:35.)
José okitsakuakej itech telpiloyan
1. ¿Keski xiuitl okipiaya José ijkuak okiuikakej Egipto, uan tlen opanok ijkuak oajsik ompa?
2. ¿Tleka okitsakuakej José itech telpiloyan?
3. ¿Tlen tekitl okimakakej José itech telpiloyan?
4. ¿Tlen okichi José pampa akin okimakaya vino uan akin okipanchiuiliaya Faraón, ijkuak okatkaj itech telpiloyan?
5. ¿Tlen opanok satepan okikixtijkej itech telpiloyan akin okitemakaya vino?
Oksekimej tlajtlanilmej:
1. Xiktlajtolti Génesis 39:1-23.
Ken ijkuak José okatka amo okatka se itlanauatil toTajtsin Dios tlen okijtoaya amo kuali auilnemilistli, ¿tlen okipaleui José pampa amo ma moteka iuan isiua Potifar? (Gén. 2:24; 20:3; 39:9.)
2. Xiktlajtolti Génesis 40:1-23.
1) Xikyekijto tlen okochtemik akin okitemakaya vino uan ken Jehová okimatilti José tlen kijtosnekia (Gén. 40:9-13).
2) ¿Tlen okochtemik akin opanchiuaya, uan tlen kijtosnekia? (Gén. 40:16-19.)
3) ¿Ken kichiua ijkon ken José, esclavo fiel y discreto itech ninmej tonalmej? (Gén. 40:8; Sal. 36:9; Juan 17:17; Hech. 17:2, 3.)
4) ¿Ken kitematiltia Génesis 40:20 ken moneki tikitaskej ijkuak akaj kajxitia xiuitl? (Ecl. 7:1; Mar. 6:21-28.)
Ikochtemikilis Faraón
1. ¿Tlen okipanok Faraón se yoak?
2. Akin okitemakaya vino, ¿tleka okilnamikik José?
3. Ken moita itech tlaixkopinal, ¿tlen ome kochtemikilistli okipixki Faraón?
4. ¿Tlen okijto José kijtosnekia kochtemikilistli?
5. ¿Ken okipiaya miak ipati José itech Egipto maski amo ijkon ken Faraón?
6. ¿Tleka ikniuan José oyajkej Egipto, uan tleka amo okixmatkej?
7. ¿Tlen kochtemikilistli okilnamikik José, uan tlen okipaleui ma kajsikamati?
Oksekimej tlajtlanilmej:
1. Xiktlajtolti Génesis 41:1-57.
1) ¿Ken okichi José pampa okitematilti Jehová ye akin tepaleuia uan ken uelis tejuan ijkon tikchiuaskej? (Gén. 41:16, 25, 28; Mat. 5:16; 1 Ped. 2:12.)
2) Ijkon ken ijkuak okatka miak tlakuali itech Egipto, ¿ken axan noijki ijkon yetok ialtepetl Jehová? Uan ijkuak otlasojtik tlakuali, ¿ken axan noijki ijkon yetok tlaneltokalistli tlen amo melauak? (Gén. 41:29, 30; Amós 8:11, 12.)
2. Xiktlajtolti Génesis 42:1-8 uan 50:20.
Akinmej kiueyichiuaj Jehová, ¿uelis mokuatoloskej ixpan se tekiua pampa ijkon kiteititiskej kitlakaitaj tla itech ialtepetl ijkon kichiuaj? (Gén. 42:6.)
José okinyejyeko ikniuan
1. ¿Tleka José okinmilui ikniuan yejuan san ichtaka otlajtlachiatoj?
2. ¿Tleka Jacob okika ikone Benjamín ma uia Egipto?
3. ¿Tleka okatka icopa José tlen okichijchijkej ika plata ijtik ikoxtal Benjamín?
4. ¿Tlen okinek kichiuas Judá pampa ma kikajkauakan Benjamín?
5. ¿Itech tlen omopatlakej ikniuan José?
Oksekimej tlajtlanilmej:
1. Xiktlajtolti Génesis 42:9-38.
¿Tleka itlajtoluan José tlen tikajsij itech Génesis 42:18 se kuali tlalnamikilistli pampa akinmej tlayekanaj itech ialtepetl Jehová itech ninmej tonalmej? (Neh. 5:15; 2 Cor. 7:1, 2.)
2. Xiktlajtolti Génesis 43:1-34.
1) Maski Rubén otlayekanaya, ¿ken moita okatka Judá akin otlajtoaya pampa nochtin ikniuan? (Gén. 43:3, 8, 9; 44:14, 18; 1 Cró. 5:2.)
2) ¿Ken okinyejyeko José ikniuan uan tleka? (Gén. 43:33, 34.)
3. Xiktlajtolti Génesis 44:1-34.
1) Pampa José amo okinekiaya ikniuan ma kixmatikan, ¿tlen okichi José? (Gén. 44:5, 15; Lev. 19:26.)
2) ¿Ken okiteititijkej ikniuan José ayakmo otenexikolitayaj ijkon ken okichiuilijkej José? (Gén. 44:13, 33, 34.)
Ichanejkauan Jacob ochantitoj Egipto
1. ¿Tlen opanok ijkuak José okinmilui ikniuan akin ye?
2. ¿Tlen okinyekilui José ikniuan ika tlasojtlalistli?
3. ¿Tlen okijto Faraón ijkuak okimatki ikniuan José ompa okatkaj?
4. ¿Keski ichanejkauan Jacob okatkaj ijkuak ochantitoj Egipto?
5. ¿Ken okintokayotijkej ichanejkauan Jacob, uan tleka?
Oksekimej tlajtlanilmej:
1. Xiktlajtolti Génesis 45:1-28.
Ken techititia tlapoualistli bíblico itech José, ¿ken uelis Jehová kichiuas kuali ma kisa itlaj tlen achto moita kintlajyouiltia itekitijkauan? (Gén. 45:5-8; Isa. 8:10; Fili. 1:12-14.)
2. Xiktlajtolti Génesis 46:1-27.
¿Ken Jehová okiyolchika Jacob ijkuak oyaya Egipto? (Gén. 46:1-4, nota.)
Job amo okika toTajtsin Dios
1. ¿Akin okatka Job?
2. ¿Tlen okinekiaya kichiuas Satanás? ¿Ueli okichi?
3. ¿Tlen okikauili Jehová ma kichiua Satanás, uan tleka?
4. ¿Tleka isiua Job okilui “xikuijuikalti toTajtsin Dios uan ximiki”? (Xikita tlaixkopinal.)
5. Ken tikita itech tlaixkopinal ome, ¿ken Jehová okiteochi Job, uan tleka?
6. Tla tejuan tiyolmelajkej inauak Jehová ijkon ken Job, ¿tlen tlateochiualismej tikseliskej?
Oksekimej tlajtlanilmej:
1. Xiktlajtolti Job 1:1-22.
Akinmej kichiuaj ken Cristo, ¿ken uelis kichiuaskej ijkon ken Job itech ninmej tonalmej? (Job 1:1; Fili. 2:15; 2 Ped. 3:14.)
2. Xiktlajtolti Job 2:1-13.
¿Tlen okichi Job uan tlen okichi isiua ijkuak Satanás okintlajyouilti? (Job 2:9, 10; Pro. 19:3; Miq. 7:7; Mal. 3:14.)
3. Xiktlajtolti Job 42:10-17.
1) Ijkon ken okiteochijkej Job, ¿tleka uelis tikijtoskej noijki ijkon okiteochijkej Jesús pampa amo keman okika toTajtsin Dios? (Job 42:12; Fili. 2:9-11.)
2) ¿Ken techyolchikaua tikmatiskej tlateochiualismej tlen okiseli Job pampa okipixki iyolo ajsitok inauak Jehová? (Job 42:10, 12; Heb. 6:10; Sant. 1:2-4, 12; 5:11.)
Se tekiua amo yolkuali itech Egipto
1. ¿Akin tlakatl tlen kipia mekatl tlen moita itech tlaixkopinal, uan akin kiuitektok?
2. ¿Tlen okinpanok israelitas satepan omikik José?
3. ¿Tleka egipcios opejkej kinmauiliaj israelitas?
4. ¿Tlen okinnauati Faraón siuamej tlen okinpaleuiayaj siuamej israelitas ma kinpiakan inkoneuan?
Oksekimej tlajtlanilmej:
1. Xiktlajtolti Éxodo 1:6-22.
1) ¿Ken opejki kichiua Jehová ken okilui Abrahán? (Éxo. 1:7; Gén. 12:2; Hech. 7:17.)
2) ¿Ken okiteititijkej okitlakaitayaj yolilistli siuamej hebreas tlen okinpaleuiayaj siuamej tlen kipiaskiaj inkone? (Éxo. 1:17; Gén. 9:6.)
3) ¿Ken okinteochi Jehová siuamej tlen otlapaleuiayaj ma nesikan konemej pampa okatkaj yolmelajkej iuan Jehová? (Éxo. 1:20, 21; Pro. 19:17.)
4) ¿Ken okinekiaya Satanás kichiuas pampa amo ma mochiua tlen Jehová okilui Abrahán itech Temakixtiani tlen yetoskia ixui? (Éxo. 1:22; Mat. 2:16.)
Konetsintli Moisés omomakixti
1. ¿Akin konetl tlen moita itech tlaixkopinal, uan akin kikitskilijtok imajpil?
2. ¿Tlen okichi inantsin Moisés pampa amo ma kimiktikan Moisés?
3. ¿Akin ichpokatsin tlen moita itech tlaixkopinal uan tlen okichi?
4. Ijkuak ichpoch Faraón okajsik konetl, ¿tlen okilui Míriam uelis kichiuaskia?
5. ¿Tlen okijto ichpochtli egipcia tlen oueyititoka ma kichiua inantsin Moisés?
Okse tlajtlanilistli:
1. Xiktlajtolti Éxodo 2:1-10.
¿Tlen okichi inantsin Moisés pampa okiskalti uan okimachti Moisés ijkuak okatka chokotsin, uan tlen kinmachtia tetajmej axan itech ninmej tonalmej? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)
Tleka ocholo Moisés
1. ¿Kanin omoskalti Moisés, uan tlen okimatiaya itech itatajuan?
2. ¿Tlen okichi Moisés ijkuak okipiaya 40 xiuitl?
3. ¿Tlen okilui Moisés se israelita tlen okiteuijtoka okse israelita, uan tlen okinankili tlakatl?
4. ¿Tleka okiski totoka Moisés itech Egipto uan ocholo?
5. ¿Kanin ocholo Moisés, uan akin okixmatki ompa?
6. ¿Tlen okichi Moisés itech oksekimej 40 xiuitl satepan ijkuak okiski itech Egipto?
Oksekimej tlajtlanilmej:
1. Xiktlajtolti Éxodo 2:11-25.
Maski okimachtijkej miak xiuitl ken se egipcio, ¿ken okiteititi Moisés yolmelajkayotl inauak Jehová uan ialtepetl? (Éxo. 2:11, 12; Heb. 11:24.)
2. Xiktlajtolti Hechos 7:22-29.
¿Tlen techmachtia ijkuak Moisés okinekiaya iselti kinmakixtis israelitas itech Egipto ijkuak okatkaj tlakeualtin? (Hech. 7:23-25; 1 Ped. 5:6, 10.)
Xiuitl tlen oxotlatoka
1. ¿Ken itoka tepetl tlen moita itech tlaixkopinal?
2. ¿Tlen tlamantli tlen amo keman omoitaya okitak Moisés ijkuak otlajpiato itech tepetl?
3. ¿Tlen okijto tlajtoli tlen omokak itech xiuitl tlen oxotlatoka, uan akin otlajto?
4. ¿Ken otlanankili Moisés ijkuak toTajtsin Dios okilui ma kikixti Ialtepetl itech Egipto?
5. ¿Tlen okilui toTajtsin Dios ma tlanankili Moisés tla kitlajtlaniliskiaj akin okititlanki?
6. ¿Ken uelis kiteititiskia Moisés toTajtsin Dios okititlanki?
Oksekimej tlajtlanilmej:
1. Xiktlajtolti Éxodo 3:1-22.
¿Tleka tlen okipanok Moisés kichiua ma timotenmachiakan Jehová techpaleuis maski tejuan tikmachiliaj amo uelis tikchiuaskej se tekitl tlen techmakaj itech ialtepetl Jehová? (Éxo. 3:11, 13; 2 Cor. 3:5, 6.)
2. Xiktlajtolti Éxodo 4:1-20.
1) ¿Ken omopatlak iyelis Moisés itech 40 xiuitl ijkuak okatka itech Madián, uan tlen kinmachtia akinmej kinekij kipiaskej se tekitl itech tlanechikol? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)
2) Maski Jehová techyektlalis ika ialtepetl, ¿ken techyolchikaua ineskayo Moisés? (Éxo. 4:12-14; Sal. 103:14; Heb. 12:4-11.)
Moisés uan Aarón okitatoj Faraón
1. ¿Ken otlanankilijkej israelitas ijkuak okitakej milagros tlen okichijkej Moisés uan Aarón?
2. ¿Tlen okiluijkej Moisés uan Aarón ijkuak omotlapouijkej iuan Faraón, uan tlen okinnankili Faraón?
3. Ken moita itech tlaixkopinal, ¿tlen opanok ijkuak Aarón okitlamotlak ikuauitl?
4. ¿Ken okiteititi Jehová iueyitilis ixpan Faraón, uan ken otlanankili Faraón?
5. ¿Tlen opanok ijkuak otlanki chauistli majtlaktli?
Oksekimej tlajtlanilmej:
1. Xiktlajtolti Éxodo 4:27-31 uan 5:1-23.
¿Tlen okinekiaya kijtos Faraón ijkuak okijto: “Amo nikixmati Jehová”? (Éxo. 5:2; 1 Sam. 2:12; Rom. 1:21.)
2. Xiktlajtolti Éxodo 6:1-13, 26-30.
1) ¿Itech tlen tlamantli amo okixmatkej Jehová Abrahán, Isaac uan Jacob? (Éxo. 3:13, 14; 6:3; Gén. 12:8.)
2) ¿Tlen tikmachiliaj ijkuak tikmatij Jehová okitekitilti Moisés, maski Moisés okimachiliaya amo uelis kichiuaskia tekitl tlen okimakakej? (Éxo. 6:12, 30; Luc. 21:13-15.)
3. Xiktlajtolti Éxodo 7:1-13.
1) Ijkuak Moisés uan Aarón okiluijkej Faraón ika miak yolchikaualistli nochi tlen Jehová kichiuaskia, ¿tlen kuali neskayotl techmaka axkan akinmej tiktekichiuiliaj toTajtsin Dios? (Éxo. 7:2, 3, 6; Hech. 4:29-31.)
2) ¿Ken okiteititi Jehová iueyitilis ipan inteotsitsiuan egipcios? (Éxo. 7:12; 1 Cró. 29:12.)
Majtlaktli chauistli
1. Xikita tlaixkopinalmej uan xikijto katli achto eyi chauistli Jehová okititlanki itech Egipto.
2. ¿Tleka achto eyi chauistli amo okatkaj ken oksekimej chauistli?
3. ¿Katli okatkaj chauistli naui, makuili uan chikuase?
4. ¿Katli okatkaj chauistli chikome, chikueyi uan chiknaui?
5. ¿Tlen okijto Jehová ma kichiuakan israelitas ijkuak ayamo omochiuaya chauistli majtlaktli?
6. ¿Katli okatka chauistli majtlaktli, uan tlen opanok satepan?
Oksekimej tlajtlanilmej:
1. Xiktlajtolti Éxodo 7:19–8:23.
1) Maski teopixkamej tlen okichiuayaj naualotl tlen okatkaj itech Egipto ueli okichijkej noijki achto ome chauistli tlen Jehová okichi, ¿tlen okijtojkej ijkuak omochijkej oksekimej chauistli? (Éxo. 8:18, 19; Mat. 12:24-28.)
2) ¿Ken okiteititi chauistli naui ken Jehová kimaluia ialtepetl, uan ken kiyolchikaua nin ialtepetl toTajtsin Dios axkan ijkuak yiuits “temautij tlajyouilistle” tlen omoijto? (Éxo. 8:22, 23; Ap. 7:13, 14; 2 Cró. 16:9.)
2. Xiktlajtolti Éxodo 8:24; 9:3, 6, 10, 11, 14, 16, 23-25, uan 10:13-15, 21-23.
1) ¿Tlen ome nechikolmej omonextijkej ika Faraón uan teopixkamej tlen okichiuayaj naualotl, uan noijki axan itech ninmej tonalmej tlen amo uelis kichiuaskej ninmej ome nechikolmej? (Éxo. 8:10, 18, 19; 9:14.)
2) ¿Ken techpaleuia Éxodo 9:16 pampa tikmatiskej tleka Jehová ok kitekauilia ma yeto Satanás? (Rom. 9:21, 22.)
3. Xiktlajtolti Éxodo 12:21-32.
¿Ken okichi Pascua miakej ma momakixtikan, uan tlen okiteititi nin ilnamikilistli? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)
Opanokej itlajkotia ueyi atl Rojo
1. ¿Keski tlakamej, siuamej uan konemej israelitas okiskej itech Egipto, uan akinmej oyajkej innauak?
2. ¿Ken omomachili Faraón satepan ijkuak okinkauili israelitas ma kisakan, uan tlen okichi?
3. ¿Tlen okichi Jehová pampa egipcios amo kitlajyouiltiskiaj ialtepetl?
4. ¿Tlen opanok ijkuak Moisés okiajkokuik ikuauitl ipan ueyi atl Rojo, uan tlen okichijkej israelitas?
5. ¿Tlen opanok ijkuak egipcios okalakej ijtik ueyi atl pampa okinekiayaj kinkitskiskej israelitas?
6. ¿Ken okiteititijkej israelitas oyolpaktokaj uan okitlasojkamatiliayaj Jehová pampa okinmakixti?
Oksekimej tlajtlanilmej:
1. Xiktlajtolti Éxodo 12:33-36.
¿Tlen okichi Jehová pampa ma kitlaxtlauilikan ialtepetl pampa miak xiuitl otekitijkej ken tlakeualtin itech Egipto? (Éxo. 3:21, 22; 12:35, 36.)
2. Xiktlajtolti Éxodo 14:1-31.
¿Ken omonekiayaj kitaskej tlen okijto Moisés itech Éxodo 14:13, 14, akinmej kitekichiuiliaj Jehová axkan ijkuak yiuits Armagedón? (2 Cró. 20:17; Sal. 91:8.)
3. Xiktlajtolti Éxodo 15:1-8, 20, 21.
1) ¿Tleka moneki kitlakuikiliskej Jehová akinmej kitekichiuiliaj? (Éxo. 15:1, 2; Sal. 105:2, 3; Ap. 15:3, 4.)
2) ¿Tlen kuali neskayotl pampa siuamej axan itech ninmej tonalmej okitlalijkej Míriam uan oksekimej siuamej itech ueyi atl Rojo, itech ken moneki kitlakuikiliskej Jehová? (Éxo. 15:20, 21; Sal. 68:11.)
Se yankuik tlakuali
1. ¿Tlen kikololojtokej tlaltikpaktlakamej tlen moitaj itech tlaixkopinal, uan tlen itoka tlen kikololojtokej?
2. ¿Tlen okinnauati Moisés israelitas itech ken kikololoskiaj maná?
3. ¿Tlen okijto Jehová ma kichiua altepetl itech tonal chikuase noso viernes, uan tleka?
4. ¿Tlen milagro okichiuaya Jehová ijkuak israelitas okitlatiayaj maná pampa tonal chikome noso sábado?
5. ¿Keski kauitl Jehová okitlakualti ialtepetl ika maná?
Oksekimej tlajtlanilmej:
1. Xiktlajtolti Éxodo 16:1-36 uan Números 11:7-9.
1) ¿Tlen techmachtia Éxodo 16:8 ken moneki tikintlakaitaskej akinmej tlayekanaj itech tlanechikol? (Heb. 13:17.)
2) ¿Ken okinmilnamiktijkej israelitas mojmostla omonekiayaj kipiaskej itlapaleuilis Jehová kanin tlauaki? (Éxo. 16:14-16, 35; Deu. 8:2, 3.)
3) ¿Tlen okijto Jesús kineskayotia maná, uan tlen tlateochiualistli tikseliaj ika nin “pan de iluikak”? (Juan 6:31-35, 40.)
2. Xiktlajtolti Josué 5:10-12.
¿Keski xiuitl israelitas okikuajkej maná, uan ken okiyejyeko nin intlaneltokilis, uan tlen timomachtiaj itech tlen okinpanok? (Éxo. 16:35; Núm. 11:4-6; 1 Cor. 10:10, 11.)
Jehová okitemakak itlanauatiluan
1. Kanaj ome metstli satepan ijkuak okiskej itech Egipto, ¿kanin omokauatoj israelitas?
2. ¿Tlen okinekiaya Jehová ma kichiuakan israelitas, uan tlen okijtojkej yejuan?
3. ¿Tleka Jehová okimakak Moisés ome temej patlauakej?
4. Ijkuak okitemakak Majtlaktli Tlanauatilmej, ¿tlen oksekimej tlanauatilmej okinmakak Jehová israelitas?
5. ¿Tlen ome tlanauatilmej okijto Jesús okachi kipiaj inpati?
Oksekimej tlajtlanilmej:
1. Xiktlajtolti Éxodo 19:1-25; 20:1-21; 24:12-18, uan 31:18.
¿Ken techpaleuiaj tlajtolmej tlen katej itech Éxodo 19:8 pampa tikajsikamatiskej tlen kijtosneki ijkuak timotemakaj iuan Jehová? (Mat. 16:24; 1 Ped. 4:1-3.)
2. Xiktlajtolti Deuteronomio 6:4-6; Levítico 19:18, uan Mateo 22:36-40.
¿Ken kiteititiaj akinmej kichiuaj ken Cristo kitlasojtlaj Jehová uan tlaltikpaktlakamej? (Mar. 6:34; Hech. 4:20; Rom. 15:2.)
Torojkonetl tlen okichijchijkej ika oro
1. ¿Tlen kichijtokej tlaltikpaktlakamej tlen moitaj itech tlaixkopinal, uan tleka?
2. ¿Tleka okualanki Jehová, uan tlen okichi Moisés ijkuak okitak tlen okichijtokaj tlaltikpaktlakamej?
3. ¿Tlen okinnauati Moisés ma kichiuakan sekimej tlakamej?
4. ¿Tlen techmachtia nin tlapoualistli?
Oksekimej tlajtlanilmej:
1. Xiktlajtolti Éxodo 32:1-35.
1) ¿Ken techititia nin tlapoualistli ken mokuayejyekoa Jehová ijkuak moneloaj tlaneltokalistli tlen amo melauak iuan tlaneltokalistli tlen melauak? (Éxo. 32:4-6, 10; 1 Cor. 10:7, 11.)
2) ¿Tlen moneki kichiuaskej akinmej kichiuaj ken Cristo ijkuak kipejpenaj tlen ika moyolpaktiskej, itech tlatsotsonalistli noso itech mijtotilistli? (Éxo. 32:18, 19; Efe. 5:15, 16; 1 Juan 2:15-17.)
3) ¿Ken okitlali se kuali neskayotl inechikol Leví ijkuak otlapaleui ma mochiua melajkayotl? (Éxo. 32:25-28; Sal. 18:25.)
Se mantajkali kanin okiueyichiuayaj toTajtsin Dios
1. ¿Tlen itoka kali tlen moita itech tlaixkopinal, uan tlen omochiuaya ompa?
2. ¿Tleka Jehová okilui Moisés ma kichijchiua mantajkali pampa amo yetoskia oui moxitinis?
3. ¿Tlen caja moita itech cuarto tsikitsin tlen kajki kanin tlami mantajkali, uan tlen kipia?
4. ¿Akin okipejpenki Jehová pampa yetoskia ueyi teopixki, uan tlen tekitl okichiuaya?
5. ¿Tlen eyi tlamantli okatkaj itech cuarto tlen okachi ueyi itech mantajkali?
6. ¿Tlen ome tlamantli okatkaj ixpan tabernáculo, uan tlen omochiuaya ompa?
Oksekimej tlajtlanilmej:
1. Xiktlajtolti Éxodo 25:8-40; 26:1-37; 27:1-8, uan 28:1.
¿Tlen okineskayotiayaj querubines tlen okatkaj ipan “arca itech tlajtolsenkaualistli”? (Éxo. 25:20, 22; Núm. 7:89; 2 Rey. 19:15.)
2. Xiktlajtolti Éxodo 30:1-10, 17-21; 34:1, 2, uan Hebreos 9:1-5.
1) ¿Tleka okiyekijto Jehová omonekiayaj yetoskej chipauakej teopixkamej akinmej otekitiayaj itech tabernáculo, uan tlen techmachtia nin? (Éxo. 30:18-21; 40:30, 31; Heb. 10:22.)
2) ¿Ken okiteititi tlatitlanil Pablo ken tabernáculo uan tlajtolsenkaualistli itech Tlanauatil ayakmo omotekitiltiayaj ijkuak okintlajkuilili hebreos akinmej okichiuayaj ken Cristo? (Heb. 9:1, 9; 10:1.)
12 tlakamej ichtaka otlachiatoj
1. ¿Ken tikita nin uejueyij uvas tlen moita itech tlaixkopinal? ¿Kanin okinkuitoj?
2. ¿Tleka Moisés okintitlanki 12 tlakamej tlen ichtaka otlachiatoj Canaán?
3. ¿Tlen okijtojkej majtlaktli tlakamej tlen ichtaka otlachiatoj ijkuak oualmokuepkej ixpan Moisés?
4. ¿Ken okiteititijkej ome tlakamej tlen ichtaka otlachiatoj, omotenmachiayaj itech Jehová, uan tlen intoka?
5. ¿Tleka okualanki Jehová, uan tlen okilui Moisés?
Oksekimej tlajtlanilmej:
1. Xiktlajtolti Números 13:1-33.
1) ¿Akinmej okinpejpenkej pampa ichtaka ma tlachiatij itech Canaán, uan tlen okitakej? (Núm. 13:2, 3, 18-20.)
2) ¿Tleka Josué uan Caleb tlatlamantli omokuayejyekoayaj uan amo ijkon ken oksekimej tlen ichtaka otlachiatoj, uan tlen techmachtia nin? (Núm. 13:28-30; Mat. 17:20; 2 Cor. 5:7.)
2. Xiktlajtolti Números 14:1-38.
1) ¿Tlen tlanejmachtilistli moneki tikakiskej pampa amo ma titlatlajtokan itech akinmej Jehová kintlalia ma tlayekanakan itech ialtepetl? (Núm. 14:2, 3, 27; Mat. 25:40, 45; 1 Cor. 10:10.)
2) ¿Ken techititia Números 14:24 Jehová motekipachoa itech sejse itekipanojkauan? (1 Rey. 19:18; Pro. 15:3.)
Itlako Aarón oxochitoponki
1. ¿Akinmej okixnamikej itlayekanalis Moisés uan Aarón, uan tlen okiluijkej Moisés?
2. ¿Tlen okintlajtlanili Moisés ma kichiuakan Coré uan 250 akinmej okipaleuiayaj?
3. ¿Tlen okinmilui Moisés israelitas, uan tlen opanok ijkuak otlanki otlajto?
4. ¿Tlen okinpanok Coré uan 250 akinmej okipaleuiayaj?
5. ¿Tlen okichi Eleazar, ikone Aarón, ika tlen otlapopochuiayaj akinmej omikej, uan tleka?
6. ¿Tleka okichi Jehová ma xochitoponi itlako Aarón? (Xikita tlaixkopinal.)
Oksekimej tlajtlanilmej:
1. Xiktlajtolti Números 16:1-49.
1) ¿Tlen okichijkej Coré uan akinmej okipaleuiayaj, uan tleka non kijtosnekia okixnamiktokaj Jehová? (Núm. 16:9, 10, 18; Lev. 10:1, 2; Pro. 11:2.)
2) ¿Tlen amo kuali inkuayejyekolis okipixkej Coré uan 250 tlakamej akinmej “otlayekanayaj itech altepetl”? (Núm. 16:1-3; Pro. 15:33; Isa. 49:7.)
2. Xiktlajtolti Números 17:1-11 uan 26:10.
1) ¿Tlen okiteititi itlako Aarón ijkuak oxochitoponki, uan tleka okijto Jehová ma motlati itech arca? (Núm. 17:5, 8, 10.)
2) ¿Tlen tlamantli ueyititok timomachtiaj itech tlen okipanok itlako Aarón? (Núm. 17:10; Hech. 20:28; Fili. 2:14; Heb. 13:17.)
Moisés okiuitek tepexitl
1. ¿Ken okinmalui Jehová israelitas ijkuak okatkaj kanin tlauaki?
2. ¿Itech tlen omokuejsojkej israelitas ijkuak okatkaj Qadés?
3. ¿Ken okinmakak Jehová atl israelitas uan inyolkauan?
4. ¿Akin tlakatl tlen moita itech tlaixkopinal tlen momajpiluijtok, uan tleka ijkon kichijtok?
5. ¿Tleka okualanki Jehová iuan Moisés uan Aarón, uan tlen okinmilui kinpanoskia?
6. ¿Tlen opanok itech tepetl Hor, uan axkan akin omochi ueyi teopixki itech altepetl Israel?
Oksekimej tlajtlanilmej:
1. Xiktlajtolti Números 20:1-13, 22-29 uan Deuteronomio 29:5.
1) ¿Tlen techmachtia itech ken Jehová okinmalui israelitas kanin tlauaki? (Deu. 29:5; Mat. 6:31; Heb. 13:5; Sant. 1:17.)
2) ¿Ken okitak Jehová ijkuak Moisés uan Aarón amo okiueyichijkej Jehová ixpan altepetl Israel? (Núm. 20:12; 1 Cor. 10:12; Ap. 4:11.)
3) ¿Tlen techmachtia ken otlanankili Moisés ijkuak Jehová okiyektlali? (Núm. 12:3; 20:12, 27, 28; Deu. 32:4; Heb. 12:7-11.)
Koatl tlen okichijchijkej ika cobre
1. ¿Tlen kajki itech kuauitl tlen moita itech tlaixkopinal, uan tleka Jehová okilui Moisés ma kitlali ompa?
2. ¿Ken okiteititijkej israelitas amo okitlasojkamatiliayaj toTajtsin Dios pampa nochi tlen okinmakak?
3. ¿Tlen okitlajtlanilijkej israelitas Moisés ijkuak Jehová okinualtitlanki koamej pampa kintlajyouiltiskiaj?
4. ¿Tleka Jehová okilui Moisés ma kichijchiua se koatl ika cobre?
5. ¿Tlen techmachtia nin tlapoualistli?
Oksekimej tlajtlanilmej:
1. Xiktlajtolti Números 21:4-9.
1) ¿Tlen technejmachtia tlen okichijkej israelitas ijkuak omokuejsojkej uan otlatlajtojkej itech tlen Jehová okinmakaya? (Núm. 21:5, 6; Rom. 2:4.)
2) Satepan, ¿ken okitekitiltijkej israelitas koatl tlen okichijchijkej ika cobre, uan tlen okichi ueyi tekiua Ezequías? (Núm. 21:9; 2 Rey. 18:1-4.)
2. Xiktlajtolti Juan 3:14, 15.
¿Ken okineskayoti imikilis Jesucristo koatl tlen okichijkej ika cobre uan okitlalijkej itech kuauitl? (Gál. 3:13; 1 Ped. 2:24.)
Se burra otlajto
1. ¿Akin okatka Balac, uan tleka otlatitlanki ma kitemokan Balaam?
2. ¿Tleka iburra Balaam omotekak itech ojtli?
3. ¿Tlen okikak Balaam okijto iburra?
4. ¿Tlen okilui se ángel Balaam?
5. ¿Tlen opanok ijkuak Balaam okinekiaya kiuijuikaltis Israel?
Oksekimej tlajtlanilmej:
1. Xiktlajtolti Números 21:21-35.
¿Tleka Israel okitlanili Sehón, ueyi tekiua itech amorreos, uan Og, ueyi tekiua itech Basán? (Núm. 21:21, 23, 33, 34.)
2. Xiktlajtolti Números 22:1-40.
¿Tleka okinekiaya Balaam kiuijuikaltis Israel, uan tlen techmachtia nin? (Núm. 22:16, 17; Pro. 6:16, 18; 2 Ped. 2:15; Jud. 11.)
3. Xiktlajtolti Números 23:1-30.
Maski Balaam otlajtoaya ken se akin okiueyichiuaya Jehová, ¿ken okiteititi ika tlen okichi amo melauak okiueyichiuaya? (Núm. 23:3, 11-14; 1 Sam. 15:22.)
4. Xiktlajtolti Números 24:1-25.
¿Ken kichikaua totlaneltokilis itech tlen Jehová kichiuas nin tlapoualistli bíblico? (Núm. 24:10; Isa. 54:17.)
Josué okitlalijkej ken tlayekanki
1. ¿Akinmej ninmej ome tlakamej tlen katej iuan Moisés itech nin tlaixkopinal?
2. ¿Tlen okilui Jehová ma kichiua Josué?
3. ¿Tleka otlejkok Moisés itech tepetl Nebo, uan tlen okilui Jehová?
4. ¿Keski xiuitl okipiaya Moisés ijkuak omikik?
5. ¿Tleka omoyolkokojkej israelitas, maski ijkon, tleka noijki oyolpakej?
Oksekimej tlajtlanilmej:
1. Xiktlajtolti Números 27:12-23.
¿Tlen tekitl tlen kipia miak ipati Jehová okimakak Josué, uan ken moita axkan Jehová kineki kuali ma yeto ialtepetl? (Núm. 27:15-19; Hech. 20:28; Heb. 13:7.)
2. Xiktlajtolti Deuteronomio 3:23-29.
¿Tleka Jehová amo okinkauili Moisés uan Aarón ma panokan itech Tlali tlen okijto Kinmakaskia, uan tlen techmachtia tlen okinpanok? (Deu. 3:25-27; Núm. 20:12, 13.)
3. Xiktlajtolti Deuteronomio 31:1-8, 14-23.
¿Ken okiteititi Moisés ika tlen okijto ijkuak okinmakajtoka israelitas, okiseli ika yolyamanilistli ijkuak Jehová okiyektlali? (Deu. 31:6-8, 23.)
4. Xiktlajtolti Deuteronomio 32:45-52.
¿Tlen techyolinia iTlajtol toTajtsin Dios ma tikchiuakan? (Deu. 32:47; Lev. 18:5; Heb. 4:12.)
5. Xiktlajtolti Deuteronomio 34:1-12.
Maski Moisés amo keman okitak Jehová, ¿tlen techiluia Deuteronomio 34:10 ken omouikaya ye iuan Jehová? (Éxo. 33:11, 20; Núm. 12:8.)
Rahab okintlati akinmej ichtaka otlachiatoj
1. ¿Kanin ochantiaya Rahab?
2. ¿Akinmej ome tlakamej tlen moitaj itech tlaixkopinal, uan tleka katej itech Jericó?
3. ¿Tlen otlanauati ueyi tekiua itech Jericó ma kichiua Rahab, uan tlen otlanankili ye?
4. ¿Ken okinpaleui Rahab ome tlakamej, uan tlen okintlajtlanili ma kichiuakan?
5. ¿Tlen okiluijkej Rahab ome tlakamej akinmej ichtaka otlachiatoj?
Oksekimej tlajtlanilmej:
1. Xiktlajtolti Josué 2:1-24.
¿Ken omochi tlen okijto Jehová itech Éxodo 23:28 ijkuak israelitas okimoaxkatijkej Jericó? (Jos. 2:9-11.)
2. Xiktlajtolti Hebreos 11:31.
¿Ken kiteititia ineskayo Rahab, kipia miak ipati ma titlaneltokakan? (Rom. 1:17; Heb. 10:39; Sant. 2:25.)
Okipanauijkej aueyatl Jordán
1. ¿Tlen milagro okichi Jehová pampa israelitas uelis kipanauiskiaj aueyatl Jordán?
2. ¿Ken omonekiayaj kiteititiskej intlaneltokilis israelitas pampa kipanauiskiaj aueyatl Jordán?
3. ¿Tleka Jehová okilui Josué ma kikololo 12 uejueyij temej tlen okatkaj ijtik aueyatl?
4. ¿Tlen opanok ijkuak teopixkamej okiskej ijtik aueyatl Jordán?
Oksekimej tlajtlanilmej:
1. Xiktlajtolti Josué 3:1-17.
1) Ken kinextia nin tlapoualistli, ¿tlen moneki tikchiuaskej pampa tikseliskej itlapaleuilis uan itlateochiualis Jehová? (Jos. 3:13, 15; Pro. 3:5; Sant. 2:22, 26.)
2) ¿Ken okatka aueyatl Jordán ijkuak israelitas okipanauijkej pampa ajsiskiaj itech tlali tlen toTajtsin Dios okinmilui kinmakaskiaj, uan ken omoueyichi itoka Jehová? (Jos. 3:15; 4:18; Sal. 66:5-7.)
2. Xiktlajtolti Josué 4:1-18.
¿Tleka okikololojkej 12 temej itech Jordán uan tleka okintlalijkej itech Guilgal? (Jos. 4:4-7.)
Itepamitl Jericó
1. ¿Tlen okinnauati Jehová ma kichiuakan soldados uan teopixkamej ipan chikuase tonalmej?
2. ¿Tlen omonekiayaj kichiuaskej tlakamej itech tonal chikome?
3. Ken moita itech tlaixkopinal, ¿tlen panotok ika itepamitl Jericó?
4. ¿Tleka pilkatok se mekatl chichiltik itech ventana?
5. ¿Tlen okinmilui Josué ma kichiuakan soldados ika tlaltikpaktlakamej uan altepetl, maski ijkon, tlen kichiuaskiaj ika plata, oro, cobre uan hierro?
6. ¿Tlen okinnauati ma kichiuakan ome tlakamej akinmej ichtaka otlachiatoj?
Oksekimej tlajtlanilmej:
1. Xiktlajtolti Josué 6:1-25.
1) Ijkon ken israelitas okiyaualojkej Jericó itech tonal chikome, ¿ken noijki ijkon kichiuaj itlaixpantijkauan Jehová ijkuak tetlapouiaj itech itlamian ninmej tonalmej? (Jos. 6:15, 16; Isa. 60:22; Mat. 24:14; 1 Cor. 9:16.)
2) ¿Ken omochi tlen kijtoa Josué 6:26 kanaj 500 xiuitl satepan, uan tlen techmachtia itech itlajtol Jehová? (1 Rey. 16:34; Isa. 55:11.)
Se ichteki itech Israel
1. ¿Akin tlakatl tlen moita itech tlaixkopinal tlen kitlalpachojtok sekimej tlamantli patiojkej tlen okinualikak itech Jericó, uan akinmej kipaleuijtokej?
2. ¿Tleka okatka se ueyi tlajtlakoli tlen okichijkej Acán uan ichanejkauan?
3. ¿Tlen okijto Jehová ijkuak Josué okitlajtlani tleka okintlanilijkej israelitas ijkuak omoteuijkej iuan Hai?
4. ¿Tlen okinpanok Acán uan ichanejkauan ijkuak okinuikakej ixpan Josué?
5. ¿Tlen techmachtia tlen okipanok Acán?
Oksekimej tlajtlanilmej:
1. Xiktlajtolti Josué 7:1-26.
1) ¿Tlen kiteititia itlatlaujtiluan Josué ken omouikaya iuan akin oTlachijchi? (Jos. 7:7-9; Sal. 119:145; 1 Juan 5:14.)
2) ¿Tlen kiteititia ineskayo Acán, uan tleka technejmachtia? (Jos. 7:11, 14, 15; Pro. 15:3; 1 Tim. 5:24; Heb. 4:13.)
2. Xiktlajtolti Josué 8:1-29.
¿Tlen moneki tikchiuaskej sejse tejuan itech tlanechikol axan itech ninmej tonalmej? (Jos. 7:13; Lev. 5:1; Pro. 28:13.)
Gabaonitas tlen ixtlamatkej
1. ¿Tleka gabaonitas amo omokuayejyekoayaj ijkon ken cananeos tlen amo uejka ochantiayaj?
2. Ken tikita itech tlaixkopinal, ¿tlen okichijkej gabaonitas, uan tleka?
3. ¿Tlen okijtojkej Josué uan tlayekankej israelitas amo kinchiuiliskiaj gabaonitas, maski ijkon, tlen okimatkej eyi tonal satepan?
4. ¿Tlen opanok ijkuak ueyi tekiuajkej itech oksekimej altepemej okimatkej gabaonitas omosetilijkej iuan altepetl Israel?
Oksekimej tlajtlanilmej:
1. Xiktlajtolti Josué 9:1-27.
1) Ken Jehová okinauati altepetl Israel “ma kinmixpolo nochtin tlen ompa ochantiayaj”, ¿tlen iyelisuan kiteititia pampa okintlapojpolui gabaonitas? (Jos. 9:22, 24; Mat. 9:13; Hech. 10:34, 35; 2 Ped. 3:9.)
2) Ijkuak Josué okichi ijkon ken okinmilui gabaonitas, ¿tlen kuali neskayotl okitlali pampa akinmej kichiuaj ken Cristo axan itech ninmej tonalmej? (Jos. 9:18, 19; Santiago 5:12; Efe. 4:25.)
2. Xiktlajtolti Josué 10:1-5.
Akinmej kichiuaj ken Cristo axan itech ninmej tonalmej uan tlen chantiskej itech Tlaltikpak, ¿ken kichiuaj ijkon ken gabaonitas, uan ik non, tlen ouijkayotl kipiaj? (Jos. 10:4; Zac. 8:23; Mat. 25:35-40; Ap. 12:17.)
Tonaltsin omoketski
1. ¿Tlen kijtojtok Josué itech tlaixkopinal, uan tleka?
2. ¿Ken Jehová okinpaleui Josué uan isoldados?
3. ¿Keski ueyi tekiuajkej akinmej okikokoliayaj Israel okintlanili Josué, uan itech keski xiuitl?
4. ¿Tleka Josué okixejxelo tlali Canaán?
5. ¿Keski xiuitl okipiaya Josué ijkuak omikik, uan tlen okinpanok israelitas satepan?
Oksekimej tlajtlanilmej:
1. Xiktlajtolti Josué 10:6-15.
¿Ken techyolchikaua tikmatiskej Jehová okichi ma moketsa Tonaltsin uan Metstli pampa okipaleui altepetl Israel? (Jos. 10:8, 10, 12, 13; Sal. 18:3; Pro. 18:10.)
2. Xiktlajtolti Josué 12:7-24.
¿Akin melauak okintlanili 31 ueyi tekiuajkej itech Canaán, uan tleka miak ipati nin pampa tejuan axan itech ninmej tonalmej? (Jos. 12:7; 24:11-13; Deu. 31:8; Luc. 21:9, 25-28.)
3. Xiktlajtolti Josué 14:1-5.
¿Ken omoxejxelo tlali itech inechikoluan Israel, uan tlen kiteititia nin itech ken moxejxelos tlali itech Xochitlali? (Jos. 14:2; Isa. 65:21; Eze. 47:21-23; 1 Cor. 14:33.)
4. Xiktlajtolti Jueces 2:8-13.
Ijkon ken Josué okinpaleui israelitas, ¿akinmej techpaleuiaj pampa amo ma timoxelokan itech tlaneltokalistli tlen melauak? (Jue. 2:8, 10, 11; Mat. 24:45-47; 2 Tes. 2:3-6, NM; Tito 1:7-9; Ap. 1:1; 2:1, 2.)
Ome siuamej yolchikajkej
1. ¿Tlen tekitl okichiuayaj jueces, uan ken omotokayotiayaj sekimej?
2. ¿Tlen tekitl tlen kipia miak ipati okipiaya Débora, uan tlen okichiuaya?
3. Ijkuak ueyi tekiua Jabín uan Sísara akin okinyekanaya soldados okinekiayaj kitlajyouiltiskej Israel, ¿tlen okilui Jehová Débora ma kiluiti Juez Barac, uan akin okilui kiueyichiuaskiaj?
4. ¿Ken okiteititi Jael ye okatka se siuatl yolchikauak?
5. ¿Tlen opanok satepan okimiktijkej ueyi tekiua Jabín?
Oksekimej tlajtlanilmej:
1. Xiktlajtolti Jueces 2:14-22.
¿Tleka okualanki Jehová iuan israelitas, uan tlen techmachtia nin? (Jue. 2:20; Pro. 3:1, 2; Eze. 18:21-23.)
2. Xiktlajtolti Jueces 4:1-24.
Itech inneskayo Débora uan Jael, ¿tlen momachtiaj itech tlaneltokalistli uan yolchikaualistli siuamej akinmej kichiuaj ken Cristo? (Jue. 4:4, 8, 9, 14, 21, 22; Pro. 31:30; 1 Cor. 16:13.)
3. Xiktlajtolti Jueces 5:1-31.
Ijkon ken Barac uan Débora otlakuikakej ijkuak otlatlankej, ¿tlen uelis tiktlajtlaniliskej Jehová ijkuak timotlatlaujtiaj pampa yiuits Armagedón? (Jue. 5:3, 31; 1 Cró. 16:8-10; Ap. 7:9, 10; 16:16; 19:19-21.)
Rut uan Noemí
1. ¿Tleka oyajki Noemí itech ueyi altepetl Moab?
2. ¿Akinmej okatkaj Rut uan Orpá?
3. ¿Tlen okichijkej Rut uan Orpá ijkuak Noemí okinmilui ma mokuepakan iuan inchanejkauan?
4. ¿Akin okatka Boaz, uan ken okinpaleui Rut uan Noemí?
5. ¿Ken omotokayotiaya konetl tlen okipixkej Boaz uan Rut, uan tleka moneki tikilnamikiskej?
Oksekimej tlajtlanilmej:
1. Xiktlajtolti Rut 1:1-17.
1) ¿Tlen kualtsin tlajtoli tlen okijto Rut okinexti tlasojtlalistli tlen melauak? (Rut 1:16, 17.)
2) ¿Ken kiteititiaj oksekimej ichkamej noijki mokuayejyekoaj ijkon ken Rut itech akinmej yokinpejpenkej? (Juan 10:16; Zac. 8:23.)
2. Xiktlajtolti Rut 2:1-23.
¿Itech tlen tlamantli Rut se kuali neskayotl pampa ichpokamej axan itech ninmej tonalmej? (Rut 2:17, 18; Pro. 23:22; 31:15.)
3. Xiktlajtolti Rut 3:5-13.
1) ¿Ken okitak Boaz ijkuak Rut okinek monamiktis iuan, uan amo iuan okse akin okachi telpochtli?
2) ¿Tlen techmachtia Rut itech tlen melauak tlasojtlalistli? (Rut 3:10; 1 Cor. 13:4, 5.)
4. Xiktlajtolti Rut 4:7-17.
¿Ken uelis kichiuaskej noijki ijkon ken Boaz tlakamej akinmej kichiuaj ken Cristo axan itech ninmej tonalmej? (Rut 4:9, 10; 1 Tim. 3:1, 12, 13; 5:8.)
Gedeón uan 300 isoldados
1. ¿Tlen ouijkayotl okipiayaj israelitas, uan tleka?
2. ¿Tleka Jehová okilui Gedeón okipiaya miakej isoldados?
3. ¿Keski tlakamej omokajkej ijkuak Gedeón okinmilui ma mokuepakan inkalijtik akinmej omomojtiayaj?
4. Ken moita itech tlaixkopinal, ¿ken okichi Jehová pampa ma mokauakan san 300 isoldados Gedeón?
5. ¿Ken okinyektlali Gedeón 300 tlakamej, uan ken otlatlanki Israel?
Oksekimej tlajtlanilmej:
1. Xiktlajtolti Jueces 6:36-40.
1) ¿Tlen okichi Gedeón pampa kitaskia tlen melauak itlanekilis Jehová?
2) ¿Ken uelis tikmatiskej itech ninmej tonalmej tlen itlanekilis Jehová? (Pro. 2:3-6; Mat. 7:7-11; 2 Tim. 3:16, 17.)
2. Xiktlajtolti Jueces 7:1-25.
1) ¿Tlen timomachtiaj itech 300 tlakamej tlen otlachixtokaj, uan itech akinmej omotlankuaketskej? (Jue. 7:3, 6; Rom. 13:11, 12; Efe. 5:15-17.)
2) Ijkon ken 300 tlakamej okichijkej tlen okitayaj kichiua Gedeón, ¿ken moneki noijki ijkon tikchiuaskej ken techititia Ueyi Gedeón, Jesucristo? (Jue. 7:17; Mat. 11:29, 30; 28:19, 20; 1 Ped. 2:21.)
3) ¿Ken techpaleuia Jueces 7:21 pampa tiknekiskej titekitiskej kanin ialtepetl Jehová techiluis? (1 Cor. 4:2; 12:14-18; Sant. 4:10.)
3. Xiktlajtolti Jueces 8:1-3.
Ijkuak tikyektlaliaj se ouijkayotl iuan se tokni, ¿tlen timomachtiaj itech ken Gedeón okiyektlali ouijkayotl tlen okipiaya iuan efraimitas? (Pro. 15:1; Mat. 5:23, 24; Luc. 9:48.)
Jefté okitemakak itlajtol
1. ¿Akin Jefté, uan itech tlen tonalmej okatka?
2. ¿Tlen okijto Jefté kimakas Jehová?
3. ¿Tleka omoyolkoko Jefté ijkuak omokuepki ikalijtik satepan ijkuak okintlanili amonitas?
4. ¿Tlen okijto ichpoch Jefté ijkuak okimatki tlen okijto kichiuas itajtsin?
5. ¿Tleka israelitas okitlasojtlayaj ichpoch Jefté?
Oksekimej tlajtlanilmej:
1. Xiktlajtolti Jueces 10:6-18.
¿Tlen technejmachtia nochi tlen okinpanok israelitas ijkuak amo okitlakamatiayaj Jehová? (Jue. 10:6, 15, 16; Rom. 15:4; Ap. 2:10.)
2. Xiktlajtolti Jueces 11:1-11, 29-40.
1) ¿Ken tikmatij ijkuak Jefté okijto kitemakaskia ichpoch ken se tlamanal amo kijtosnekia kitemakas ken se tlamanal tlen tlatlaskia? (Jue. 11:31; Lev. 16:24; Deu. 18:10, 12.)
2) ¿Tlen kijtosneki okitemakak Jefté ichpoch ken se tlamanal?
3) ¿Tlen timomachtiaj itech tlen okichi Jefté pampa kichiuas ijkon ken omoka iuan Jehová? (Jue. 11:35, 39; Ecl. 5:4, 5; Mat. 16:24.)
4) Ijkon ken okichi ichpoch Jefté, ¿ken noijki uelis motemakaskej tokniuan telpokamej uan ichpokamej pampa okachi kitekichiuiliskej Jehová? (Jue. 11:36; Mat. 6:33; Fili. 3:8.)
Tlakatl tlen okachi chikauak
1. ¿Ken omotokayotiaya tlakatl akin okachi chikauak tlen okatka itech Tlaltikpak, uan akin okimakak ichikaualis?
2. Ken moita itech tlaixkopinal, ¿tlen okichi se tonal Sansón ika se león?
3. Ijkon ken moita itech tlaixkopinal, ¿tlen kitlapouijtok Sansón Dalila tlen amo omonekiaya kiluis, uan tleka nin okichi filisteos ma kikitskikan Sansón?
4. ¿Ken okinmikti Sansón kanaj 3,000 filisteos itech tonal ijkuak ye omikik?
Oksekimej tlajtlanilmej:
1. Xiktlajtolti Jueces 13:1-14.
¿Tleka Manóah uan isiua se kuali neskayotl pampa tetajmej akinmej kinmiskaltiaj inkoneuan? (Jue. 13:8; Sal. 127:3; Efe. 6:4.)
2. Xiktlajtolti Jueces 14:5-9, uan 15:9-16.
1) Ijkuak Sansón okimikti se león, okikotonki yankuik mekatl tlen ika okilpijkej, uan ijkuak okinmikti 1,000 tlakamej ika itenkamachal se burro, ¿tlen techmachtia nin itech ken tekiti iespíritu santo Jehová?
2) ¿Ken techpaleuia espíritu santo itech ninmej tonalmej? (Jue. 14:6; 15:14; Zac. 4:6; Hech. 4:31.)
3. Xiktlajtolti Jueces 16:18-31.
¿Ken okijtlakojkej Sansón akinmej amo kuali iyolikniuan, uan tlen techmachtia nin? (Jue. 16:18, 19; 1 Cor. 15:33.)
Se chokotsin okitekichiuili toTajtsin Dios
1. ¿Ken omotokayotiaya chokotsin tlen moita itech tlaixkopinal, uan akinmej noijki moitaj?
2. ¿Tlen omotlatlaujti Ana se tonal ijkuak oyajki itech tabernáculo, uan ken okinankili Jehová?
3. ¿Keski xiuitl okipiaya Samuel ijkuak okiuikakej pampa ma tekiti itech imantajkali Jehová, uan tlen okichijchiuiliaya inantsin sejse xiuitl?
4. ¿Ken omotokayotiayaj ikoneuan Elí, uan ken okatkaj inyelis?
5. ¿Ken okinotski Jehová Samuel, uan tlen tlajtoli okimatilti?
6. ¿Tlen tekitl okichi Samuel ijkuak omoskalti, uan tlen opanok ijkuak oueuejtik?
Oksekimej tlajtlanilmej:
1. Xiktlajtolti 1 Samuel 1:1-28.
1) ¿Tlen kuali neskayotl okitemakak Elqaná pampa tetajmej itech ken otlayekanaya itech tlaneltokalistli tlen melauak? (1 Sam. 1:3, 21; Mat. 6:33; Fili. 1:10.)
2) ¿Tlen techmachtia tlen okichi Ana ijkuak okipanok se tlamantli oui? (1 Sam. 1:10, 11; Sal. 55:22; Rom. 12:12.)
2. Xiktlajtolti 1 Samuel 2:11-36.
¿Ken Elí okachi okintlakaitak ikoneuan uan amo Jehová, uan tlen technejmachtia nin? (1 Sam. 2:22-24, 27, 29; Deu. 21:18-21; Mat. 10:36, 37.)
3. Xiktlajtolti 1 Samuel 4:16-18.
¿Tlen naui tlamantli tlen opanok kanin omoteuijtokaj okimatki Elí, uan tlen okipanok?
4. Xiktlajtolti 1 Samuel 8:4-9.
¿Ken otlajtlako Israel ixpan Jehová, uan ken uelis nochipa tikpaleuiskej iTekiuajkayo Jehová axan itech ninmej tonalmej? (1 Sam. 8:5, 7; Juan 17:16; Sant. 4:4.)
Saúl achto ueyi tekiua itech Israel
1. Itech tlaixkopinal, ¿tlen kichijtok Samuel, uan tleka?
2. ¿Tleka Saúl okiyolpakti Jehová, uan ken okatka iyelis Saúl?
3. ¿Ken omotokayotiaya ikone Saúl, uan tlen okichi?
4. ¿Tleka Saúl okitlamanili Jehová uan amo okichixki ma ajsiti Samuel?
5. ¿Tlen techmachtia tlapoualistli itech tlen okipanok Saúl?
Oksekimej tlajtlanilmej:
1. Xiktlajtolti 1 Samuel 9:15-21 uan 10:17-27.
¿Ken okipaleui iyolyamanilis Saúl amo san niman ma kichiua itlaj tlen amo kuali ijkuak sekimej tlakamej amo okitlakaitakej? (1 Sam. 9:21; 10:21, 22, 27; Pro. 17:27.)
2. Xiktlajtolti 1 Samuel 13:5-14.
¿Tlen tlajtlakoli okichi Saúl itech Guilgal? (1 Sam. 10:8; 13:8, 9, 13.)
3. Xiktlajtolti 1 Samuel 15:1-35.
1) ¿Ken okichi Saúl se ueyi tlajtlakoli ijkuak omoteuito iuan Agag ueyi tekiua tlen okatka itech Amaleq? (1 Sam. 15:2, 3, 8, 9, 22.)
2) ¿Ken okinekiaya Saúl kiteititis amo itlajtlakol tlen okichi uan ken okintlajtlakolti oksekimej? (1 Sam. 15:24.)
3) ¿Tlen nejmachtilistli moneki tikakiskej ijkuak akaj techtlapouia? (1 Sam. 15:19-21; Sal. 141:5; Pro. 9:8, 9; 11:2.)
ToTajtsin Dios okipejpenki David
1. ¿Ken omotokayotiaya telpochtli tlen moita itech tlaixkopinal, uan ken tikmatij ye okatka yolchikauak?
2. ¿Kanin ochantiaya David, uan ken omotokayotiayaj itajtsin uan ikojkol?
3. ¿Tleka Jehová okilui Samuel ma uia ichan Jesé itech Belén?
4. ¿Tlen opanok ijkuak Jesé okinuikak ixpan Samuel san chikome ikoneuan?
5. ¿Tlen okilui Jehová Samuel ijkuak okiualikilijkej David?
Oksekimej tlajtlanilmej:
1. Xiktlajtolti 1 Samuel 17:34, 35.
¿Ken kiteititia tlen opanok David okipiaya miak yolchikaualistli uan omotenmachiaya itech Jehová? (1 Sam. 17:37.)
2. Xiktlajtolti 1 Samuel 16:1-14.
1) ¿Ken techpaleuia itlajtoluan Jehová tlen ijkuilitok itech 1 Samuel 16:7 pampa amo akaj tikchikoitaskej uan amo titlajtoskej san ika tlen tikita? (Hech. 10:34, 35; 1 Tim. 2:4.)
2) ¿Ken kiteititia ineskayo Saúl ken ijkuak Jehová akaj kikixtilia espíritu santo, uelis kalakis tlen amo kuali, kijtosneki, kinekis kichiuas tlen amo kuali? (1 Sam. 16:14; Mat. 12:43-45; Gál. 5:16.)
David uan Goliat
1. ¿Tlen okinmilui Goliat soldados israelitas?
2. ¿Keski metros okipiaya Goliat, uan tlen kimakaskia Saúl akin kimiktiskia Goliat?
3. ¿Tlen otlanankili David ijkuak Saúl okilui amo uelis moteuiskia iuan Goliat pampa ok chokotsin okatka?
4. ¿Ken okiteititi David omotenmachiaya itech Jehová ijkuak okinankili Goliat?
5. Ken moita itech tlaixkopinal, ¿tlen okitekitilti David pampa okimikti Goliat, uan satepan tlen okinpanok filisteos?
Oksekimej tlajtlanilmej:
1. Xiktlajtolti 1 Samuel 17:1-54.
1) ¿Tleka David okatka yolchikauak, uan ken uelis tejuan noijki tikpiaskej yolchikaualistli? (1 Sam. 17:37, 45; Efe. 6:10, 11.)
2) ¿Tleka akinmej kichiuaj ken Cristo amo moneki motlatlaniskej, ijkon ken Goliat, ijkuak mauiltiaj noso ijkuak ika okse tlamantli moyolpaktiaj? (1 Sam. 17:8; Gál. 5:26; 1 Tim. 4:8.)
3) ¿Ken kiteititia itlajtoluan David ye omotenmachiaya toTajtsin Dios kipaleuiskia? (1 Sam. 17:45-47; 2 Cró. 20:15.)
4) Ijkuak filisteos omoteuijkej iuan israelitas, ¿ken melauak kiteititia nin tlapoualistli omoteuijkej teotsitsintin iuan toTajtsin Dios akin melauak, Jehová? (1 Sam. 17:43, 46, 47.)
5) Ijkon ken David okiteititi omotenmachiaya itech Jehová, ¿ken noijki ijkon kichiuaj akinmej yokinpejpenkej tlen ok katej itech Tlaltikpak? (1 Sam. 17:37; Jer. 1:17-19; Ap. 12:17.)
Tleka ocholo David
1. ¿Tleka Saúl okinexikolitaya David, uan ken okatka tlatlamantli iyelis ikone Jonatán?
2. ¿Tlen opanok se tonal ijkuak David otlatsotsontoka ika arpa pampa Saúl kikakiskia?
3. ¿Tlen okijto Saúl omonekiaya kichiuas David achto monamiktiskia iuan ichpoch Mical, uan tleka ijkon okijto?
4. Ijkon ken moita itech tlaixkopinal, ¿tlen opanok eyijpa itech se tonal ijkuak David otlatsotsontoka ika arpa pampa kikakiskia Saúl?
5. ¿Ken Mical okimakixti David, uan tlen omonekiaya kichiuas David itech chikome xiuitl?
Oksekimej tlajtlanilmej:
1. Xiktlajtolti 1 Samuel 18:1-30.
1) ¿Ken okineskayoti ueyi tlasojtlalistli tlen okipiaya Jonatán itech David, tlasojtlalistli tlen kipiaj “oksekimej ichkamej” uan akinmej yokinpejpenkej? (1 Sam. 18:1; Juan 10:16; Luc. 12:32; Zac. 8:23.)
2) Maski Jonatán okinamikiaya mochiuas ueyi tekiua satepan ijkuak mikiskia Saúl, ¿ken kiteititia 1 Samuel 18:4 ken okika ma tlanauati akin Jehová okipejpenki pampa yetos ueyi tekiua?
3) ¿Ken kiteititia ineskayo Saúl nexikolistli uelis kichiuas akaj ma kichiua se ueyi tlajtlakoli, uan tlen technejmachtia nin tlapoualistli? (1 Sam. 18:7-9, 25; Sant. 3:14-16.)
2. Xiktlajtolti 1 Samuel 19:1-17.
Ijkuak okixnamik Saúl, ¿ken uelis mikiskia Jonatán? (1 Sam. 19:1, 4-6; Prov. 16:14.)
Abigail uan David
1. ¿Ken omotokayotiaya siuatl tlen moita itech tlaixkopinal tlen kinamikiti David, uan ken okatka iyelis?
2. ¿Akin okatka Nabal?
3. ¿Tleka David okintitlanki sekimej isoldados itlaj ma kitlajtlanilikan Nabal?
4. ¿Tlen okinmilui Nabal isoldados David, uan tlen okichi David?
5. ¿Ken okiteititi Abigail ye okatka se siuatl ixtlamatki?
Oksekimej tlajtlanilmej:
1. Xiktlajtolti 1 Samuel 22:1-4.
¿Tlen neskayotl tikajsij itech ichanejkauan David itech ken moneki mopaleuiskej nochtin akinmej kichiuaj ken Cristo? (Pro. 17:17; 1 Tes. 5:14.)
2. Xiktlajtolti 1 Samuel 25:1-43.
1) ¿Tleka moijtoa tlen amo kuali itech Nabal? (1 Sam. 25:2-5, 10, 14, 21, 25.)
2) ¿Tlen uelis momachtiskej itech ineskayo Abigail siuamej tlen yomonamiktijkej uan kichiuaj ken Cristo? (1 Sam. 25:32, 33; Pro. 31:26; Efe. 5:24.)
3) ¿Tlen ome tlamantli tlen amo kuali amo okikauili Abigail ma kichiua David? (1 Sam. 25:31, 33; Rom. 12:19; Efe. 4:26.)
4) Ijkon ken David okikak tlen Abigail okijto, ¿ken kinpaleuia tlakamej ma kinmitakan siuamej ijkon ken Jehová kinmita? (Hech. 21:8, 9; Rom. 2:11; 1 Ped. 3:7.)
David okitlalijkej ken ueyi tekiua
1. ¿Tlen okichijkej David uan Abisai ijkuak Saúl okochtoka kanin omoka non yoak?
2. ¿Tlen tlajtlanilmej David okichiuili Saúl?
3. ¿Kanin oyajki David satepan ijkuak omotlapoui iuan Saúl?
4. ¿Tleka omoyolkoko miak David uan okijkuilo se kuajkualtsin tlakuikal?
5. ¿Keski xiuitl okipiaya David ijkuak okitlalijkej ken ueyi tekiua itech Hebrón, uan ken omotokayotiayaj sekimej ikoneuan?
6. ¿Kanin otlanauati David satepan?
Oksekimej tlajtlanilmej:
1. Xiktlajtolti 1 Samuel 26:1-25.
1) Itech itlajtoluan David tlen tikajsi itech 1 Samuel 26:11, ¿ken kiteititia okitlakaitaya ueyi tekiua akin Jehová okitlali? (Sal. 37:7; Rom. 13:2.)
2) Tla timochijchikauaj ika nochi toyolo pampa titetlasojtlaskej uan amo techtlasojkamatilia, ¿ken uelis techpaleuis itlajtoluan David tlen tikajsij itech 1 Samuel 26:23 pampa kuali timokuayejyekoskej? (1 Rey. 8:32; Sal. 18:20.)
2. Xiktlajtolti 2 Samuel 1:26.
¿Ken uelis ‘motlasojtlaskej se iuan okse’ akinmej kichiuaj ken Cristo ijkon ken David uan Jonatán? (1 Ped. 4:8; Col. 3:14; 1 Juan 4:12.)
3. Xiktlajtolti 2 Samuel 5:1-10.
1) ¿Keski xiuitl otlanauati David, uan ken omoxejxelo itekiuajkayo? (2 Sam. 5:4, 5.)
2) ¿Tleka David okatka ueyititok uan tlen techilnamiktia axan itech ninmej tonalmej? (2 Sam. 5:10; 1 Sam. 16:13; 1 Cor. 1:31; Fili. 4:13.)
Okatka ouijkayotl ikalijtik David
1. Ika itlapaleuilis Jehová, ¿tlen opanok saiktlami itech tlali Canaán?
2. ¿Tlen opanok se tiotlak ijkuak David okatka ipan ichan kanin otlanauatiaya?
3. ¿Tleka Jehová okualanki miak iuan David?
4. ¿Akin tlakatl tlen moita itech tlaixkopinal tlen Jehová okititlanki pampa ma kitlapoui David itech itlajtlakoluan, uan tlen okilui kipanoskia David?
5. ¿Tlen ouijkayotl okipixki David?
6. ¿Akin omochi ueyi tekiua itech Israel satepan omikik David?
Oksekimej tlajtlanilmej:
1. Xiktlajtolti 2 Samuel 11:1-27.
1) ¿Ken techmaluia tla nochipa tiktekichiuilia Jehová?
2) ¿Ken tlajtlakoli okiyoltilanki David, uan tlen technejmachtia axan itech ninmej tonalmej akinmej tiktekichiuiliaj Jehová itech tlen okipanok David? (2 Sam. 11:2; Mat. 5:27-29; 1 Cor. 10:12; Sant. 1:14, 15.)
2. Xiktlajtolti 2 Samuel 12:1-18.
1) ¿Tlen uelis momachtiskej tlayekankej uan tetajmej itech ken Natán okinojnotski David? (2 Sam. 12:1-4; Pro. 12:18; Mat. 13:34.)
2) ¿Tleka Jehová okiknomatki David? (2 Sam. 12:13; Sal 32:5; 2 Cor. 7:9, 10.)
Salomón okatka se ueyi tekiua ixtlamatki
1. ¿Tlen okitlajtlani Jehová ueyi tekiua Salomón, uan ken okinankili?
2. Pampa Jehová okipakti tlen Salomón okitlajtlanili, ¿tlen okilui kimakaskia?
3. ¿Tlen ueyi ouijkayotl okipiayaj ome siuamej tlen oyajkej ixpan Salomón?
4. Ken moita itech tlaixkopinal, ¿tlen okichi Salomón pampa okiyektlali ouijkayotl?
5. ¿Ken okatka nochi ijkuak Salomón okatka ken ueyi tekiua, uan tleka?
Oksekimej tlajtlanilmej:
1. Xiktlajtolti 1 Reyes 3:3-28.
1) Itech tlen okijto Salomón ika nochi iyolo tlen tikajsi itech 1 Reyes 3:7, ¿tlen uelis momachtiskej tlakamej akinmej yokintlalijkej ma tlayekanakan itech ialtepetl toTajtsin Dios? (Sal. 119:105; Pro. 3:5, 6.)
2) ¿Tleka itlatlaujtilis Salomón se kuali neskayotl itech tlen uelis timotlatlaujtiskej? (1 Rey. 3:9, 11; Pro. 30:8, 9; 1 Juan 5:14.)
3) Ijkon ken Salomón okinexti ixtlamatilistli ijkuak okiyektlali ouijkayotl tlen okipiayaj ome siuamej, ¿ken uelis tejuan tikauaskej ma ualtlanauati ueyi Salomón, Jesucristo akin kipia miak ixtlamatilistli? (1 Rey. 3:28; Isa. 9:6, 7; 11:2-4.)
2. Xiktlajtolti 1 Reyes 4:29-34.
1) ¿Ken otlanankili Jehová ijkuak Salomón okitlajtlanili ma kimaka se iyolo tlen tetlakamati? (1 Rey. 4:29.)
2) Ijkon ken tlaltikpaktlakamej omochijchikajkej pampa kikakiskej ixtlamatilistli tlen okipiaya Salomón, ¿ken moneki tikitaskej ijkuak timomachtiaj iTlajtol toTajtsin Dios? (1 Rey. 4:29, 34; Juan 17:3; 2 Tim. 3:16.)
Salomón okichijchi teokali
1. ¿Keski xiuitl ouejka Salomón pampa okichijchi iteokali Jehová, uan tleka patio okiski?
2. ¿Keski cuartos tlen okachi ipati okipiaya teokali, uan tlen omotlaliaya ijtik cuarto tlen okatka tlaijtik?
3. ¿Tlen okijto Salomón itech itlatlaujtilis ijkuak otlanki omochijchi teokali?
4. ¿Ken okiteititi Jehová oyolpakik ika itlatlaujtilis Salomón?
5. ¿Tlen okichijkej isiuauan Salomón ma kichiua ye, uan tlen okipanok?
6. ¿Tleka okualanki Jehová iuan Salomón, uan tlen okilui?
Oksekimej tlajtlanilmej:
1. Xiktlajtolti 1 Crónicas 28:9, 10.
Ijkon ken itlajtoluan David tlen tikajsij itech 1 Crónicas 28:9, 10, ¿tlen moneki timochijchikauaskej tikchiuaskej mojmostla itech tonemilis? (Sal. 19:14; Fili. 4:8, 9.)
2. Xiktlajtolti 2 Crónicas 6:12-21, 32-42.
1) ¿Ken okiteititi Salomón nion se ueyi kali tlen kichijchiuaj tlaltikpaktlakamej uelis kixikos toTajtsin Dios? (2 Cró. 6:18; Hech. 17:24, 25.)
2) ¿Tlen techmachtia itech Jehová itlajtoluan Salomón tlen ijkuilitok itech 2 Crónicas 6:32, 33? (Hech. 10:34, 35; Gál. 2:6.)
3. Xiktlajtolti 2 Crónicas 7:1-5.
Ijkon ken israelitas okiueyichijkej Jehová ijkuak okitakej iueyitilis, ¿tlen moneki tikchiuaskej ijkuak tikitaj ken Jehová kiteochiua ialtepetl? (2 Cró. 7:3; Sal. 22:22; 34:1; 96:2.)
4. Xiktlajtolti 1 Reyes 11:9-13.
¿Ken kiteititia inemilis Salomón moneki nochipa tiyetoskej tiyolmelajkej? (1 Rey. 11:4, 9; Mat. 10:22; Ap. 2:10.)
Tekiuajkayotl omoxelo
1. ¿Ken omotokayotiayaj ome tlakamej tlen moitaj itech tlaixkopinal, uan tlen tekitl okichiuayaj?
2. ¿Tlen okichi Ahíya ika itlaken tlen okiuikaya, uan tlen kijtosneki tlen okichi?
3. ¿Tlen okinekiaya Salomón kichiuilis Jeroboán?
4. ¿Tleka tlaltikpaktlakamej okitlalijkej Jeroboán ken ueyi tekiua itech majtlaktli nechikolmej?
5. ¿Tleka Jeroboán okinchijchi ome torojkonemej ika oro, uan tlen opanok itech altepetl satepan?
6. ¿Tlen opanok ika tekiuajkayotl itech ome nechikolmej uan ika iteokali Jehová itech Jerusalén?
Oksekimej tlajtlanilmej:
1. Xiktlajtolti 1 Reyes 11:26-43.
¿Ken okatka iyelis Jeroboán, uan tlen okijto Jehová kimakaskia tla kitlakamatiskia itlanauatiluan? (1 Rey. 11:28, 38.)
2. Xiktlajtolti 1 Reyes 12:1-33.
1) ¿Tlen uelis momachtiskej tetajmej uan tlayekankej itech amo kuali ineskayo Rehoboam itech ken amo kuali otlanauati? (1 Rey. 12:13; Ecl. 7:7; 1 Ped. 5:2, 3.)
2) ¿Itech akin moneki kitemoskej kuali tlayekanalistli telpokamej uan ichpokamej ijkuak kinekiskej kichiuaskej se tlamantli tlen kipia miak ipati itech innemilis? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)
3) ¿Tleka Jeroboán okitlali ome kalmej kanin kinueyichiuaskiaj torojkonemej, uan ken okiteititi amo otlaneltokaya itech Jehová? (1 Rey. 11:37; 12:26-28.)
4) ¿Akin otlayekanki itech tekiuajkayotl tlen okipiaya majtlaktli nechikolmej pampa okixnamikej ueyichiualistli tlen melauak? (1 Rey. 12:32, 33.)
Jezabel siuatl ueyi tekiua amo yolkuali
1. ¿Akin okatka Jezabel?
2. ¿Tleka se tonal ueyi tekiua Acab omoyolkoko?
3. ¿Tlen okichi Jezabel pampa kimakaskia inamik Acab tlali kanin Nabot okitokaya uvas?
4. ¿Akin okititlanki Jehová pampa kitlajyouiltiskia Jezabel?
5. Ijkon ken moita itech tlaixkopinal, ¿tlen opanok ijkuak Jehú oajsik itech kali kanin otlanauatiaya siuatl ueyi tekiua Jezabel?
Oksekimej tlajtlanilmej:
1. Xiktlajtolti 1 Reyes 16:29-33 uan 18:3, 4.
¿Tlen tlamantli tlen amo kuali okichiuayaj israelitas ijkuak Acab okatka ken ueyi tekiua? (1 Rey. 14:9.)
2. Xiktlajtolti 1 Reyes 21:1-16.
1) ¿Ken okiteititi Nabot okatka yolchikauak uan okitlakamatiaya Jehová? (1 Rey. 21:1-3; Lev. 25:23-28.)
2) ¿Tlen techmachtia ineskayo Acab ken moneki tikixnamikiskej tlen techyolkokoa? (1 Rey. 21:4; Rom. 5:3-5.)
3. Xiktlajtolti 2 Reyes 9:30-37.
¿Tlen timomachtiaj itech ken Jehú okichi itlanekilis Jehová ika miak yolchikaualistli? (2 Rey. 9:4-10; 2 Cor. 9:1, 2; 2 Tim. 4:2.)
Jehosafat omotenmachiaya itech Jehová
1. ¿Akin okatka Jehosafat, uan itech tlen tonalmej okatka?
2. ¿Tleka omomojtiayaj israelitas, uan tlen okichijkej miakej?
3. ¿Ken okinankili Jehová itlatlaujtilis Jehosafat?
4. ¿Tlen okichi Jehová ma pano achto moteuiskiaj israelitas?
5. ¿Tlen techmachtia tlen okichi Jehosafat?
Oksekimej tlajtlanilmej:
1. Xiktlajtolti 2 Crónicas 20:1-30.
1) Ijkon ken okichi Jehosafat, ¿tlen moneki kichiuaskej itekipanojkauan toTajtsin Dios ijkuak kipiaj se ouijkayotl? (2 Cró. 20:12; Sal. 25:15; 62:1.)
2) Ken Jehová nochipa yokitekitilti akaj pampa motlapouis iuan ialtepetl, ¿akin kitekitiltia axan itech ninmej tonalmej? (2 Cró. 20:14, 15; Mat. 24:45-47; Juan 15:15.)
3) Ijkuak Jehová kipeualtis guerra itech “ueyi tonale katlej yokitlalij in Dios katlej kipia nochi poder”, ¿ken techpanos ijkon ken okipanok Jehosafat? (2 Cró. 20:15, 17; 32:8; Ap. 16:14, 16.)
4) Ijkon ken okichijkej levitas, ¿ken tlapaleuiaj precursores uan misioneros itech tetlapouilistli tlen mochiua itech nochi Tlaltikpak? (2 Cró. 20:19, 21; Rom. 10:13-15; 2 Tim. 4:2.)
Ome chokotsitsintin okinyolitijkej
1. ¿Akinmej ninmej eyi tlaltikpaktlakamej tlen moitaj itech tlaixkopinal, uan tlen okipanok chokotsin se tonal?
2. Ijkuak Elías omotlatlaujti, ¿tlen okitlajtlanki ma kipano chokotsin, uan tlen opanok satepan?
3. ¿Ken omotokayotiaya akin okipaleuiaya Elías?
4. ¿Tleka okitlajtlanilijkej Eliseo ma uia ichan se siuatl tlen ochantiaya Sunem?
5. ¿Tlen okichi Eliseo, uan tlen okipanok chokotsin tlen omikik?
6. ¿Tlen ueli kichiua Jehová, ijkon ken okiteititi ika Elías uan Eliseo?
Oksekimej tlajtlanilmej:
1. Xiktlajtolti 1 Reyes 17:8-24.
1) ¿Ken omoyejyeko itlakamatilis uan itlaneltokilis Elías? (1 Rey. 17:9; 19:1-4, 10.)
2) ¿Ken okiteititi iknosiuatl tlen ochantiaya Sarepta okipiaya ueyi itlaneltokilis? (1 Rey. 17:12-16; Luc. 4:25, 26.)
3) Tlen okipanok iknosiuatl tlen ochantiaya Sarepta, ¿ken okiteititi melauak tlen okijto Jesús itech Mateo 10:41, 42? (1 Rey. 17:10-12, 17, 23, 24.)
2. Xiktlajtolti 2 Reyes 4:8-37.
1) ¿Tlen techmachtia siuatl tlen ochantiaya Sunem ken moneki tikinseliskej oksekimej itech tokalijtik? (2 Rey. 4:8; Luc. 6:38; Rom. 12:13; 1 Juan 3:17.)
2) ¿Tlen tlamantli kuali uelis tikinchiuiliskej akinmej kitekichiuiliaj toTajtsin Dios axan itech ninmej tonalmej? (Hech. 20:35; 28:1, 2; Gál. 6:9, 10; Heb. 6:10.)
Se ichpokatsin okipaleui se tlakatl ueyititok
1. ¿Tlen okitlapouijtoka ichpokatsin nin siuatsintli tlen moita itech tlaixkopinal?
2. ¿Akin okatka nin siuatsintli tlen moita itech tlaixkopinal, uan tleka ichpokatsin ompa okatka?
3. ¿Tlen okinauati Eliseo itekipanojki ma kilui Naamán, uan tleka Naamán okualanki?
4. ¿Tlen opanok ijkuak Naamán okinkakili itekipanojkauan?
5. ¿Tleka Eliseo amo okiseli itetliokolil Naamán, maski ijkon, tlen okichi Guehazí?
6. ¿Tlen okipanok Guehazí, uan tlen techmachtia tlen okipanok?
Oksekimej tlajtlanilmej:
1. Xiktlajtolti 2 Reyes 5:1-27.
1) ¿Ken uelis kinyolchikauas telpokamej uan ichpokamej ineskayo ichpokatsin israelita? (2 Rey. 5:3; Sal. 8:2; 148:12, 13.)
2) ¿Tleka moneki tikilnamikiskej ineskayo Naamán ijkuak technojnotsaskej ika tlen kijtoa Biblia? (2 Rey. 5:15; Heb. 12:5, 6; Sant. 4:6.)
3) ¿Tlen techmachtiaj inneskayo Eliseo uan Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)
Jonás uan ueyi michin
1. ¿Akin okatka Jonás, uan tlen okinauati Jehová ma kichiua?
2. Ken Jonás amo okinekiaya yas kanin Jehová okititlanki, ¿tlen okichi?
3. ¿Tlen okintlajtlanili Jonás ma kichiuakan akinmej otekitiayaj itech barco pampa moketsaskia ejekakiauitl?
4. Ken moita itech tlaixkopinal, ¿tlen opanok ijkuak Jonás oapolakiaya?
5. ¿Keski tonal uan yoak okatka Jonás ijtik ueyi michin, uan tlen okichi ompa?
6. ¿Kanin oyajki Jonás ijkuak okiski ijtik ueyi michin, uan tlen techmachtia nin?
Oksekimej tlajtlanilmej:
1. Xiktlajtolti Jonás 1:1-17.
¿Ken omokuayejyekoaya Jonás itech tekitl tlen okimakakej pampa kintlapouiskia ninivitas? (Jon. 1:2, 3; Pro. 3:7; Ecl. 8:12.)
2. Xiktlajtolti Jonás 2:1, 2, 10.
Ken techititia ineskayo Jonás, ¿tleka uelis timotenmachiaskej Jehová kinankilis totlatlaujtiluan? (Sal. 22:24; 34:6; 1 Juan 5:14.)
3. Xiktlajtolti Jonás 3:1-10.
1) ¿Ken techyolchikaua tikmatiskej Jehová ok okitekitilti Jonás maski achto amo okinekiaya kichiuas iteki? (Sal. 103:14; 1 Ped. 5:10.)
2) ¿Tlen techmachtia ineskayo Jonás itech ken okinmitaya ninivitas uan ken moneki tikinmitaskej tlaltikpaktlakamej kanin titetlapouiaj? (Jon. 3:6-9; Ecl. 11:6; Hech. 13:48.)
ToTajtsin Dios okitemakak itlajtol kichiuas se xochitlali
1. ¿Akin okatka Isaías, keman onemik, uan tlen okititi Jehová?
2. ¿Ken moita tlaixkopinal, uan tlen techilnamiktia?
3. ¿Tlen okilui Jehová ma kijkuilo Isaías itech yankuik Xochitlali?
4. ¿Tleka Adán uan Eva okipolojkej xochitlali?
5. ¿Tlen itlajtol toTajtsin Dios kinmaka akinmej kitlajsojtlaj?
Oksekimej tlajtlanilmej:
1. Xiktlajtolti Isaías 11:6-9.
1) ¿Ken kijtoa itlajtol toTajtsin Dios mouikaskej tlaltikpaktlakamej iuan yolkamej ijkuak Tlaltikpak mochiuas se xochitlali? (Sal. 148:10, 13; Isa. 65:25; Eze. 34:25.)
2) ¿Ken mochijtok espiritualmente itlajtoluan Isaías itech ialtepetl Jehová? (Rom. 12:2; Efe. 4:23, 24.)
3) ¿Akin moneki kiueyichiuaskej pampa tlaltikpaktlakamej kipatlaj inyelis axan uan noijki ijkuak Tlaltikpak mochiuas se xochitlali? (Isa. 48:17, 18; Gál. 5:22, 23; Fili. 4:7.)
2. Xiktlajtolti Apocalipsis 21:3, 4.
1) ¿Ken moneki moajsikamatis ijkuak Biblia kijtoa toTajtsin Dios chantis iuan tlaltikpaktlakamej? (Lev. 26:11, 12; 2 Cró. 6:18; Isa. 66:1; Ap. 21:2, 3, 22-24.)
2) ¿Tlen tlamantli tlen kichiua ma tichokakan uan ma timoyolkokokan ayakmo yetoskej? (Luc. 8:49-52; Rom. 8:21, 22; Ap. 21:4.)
ToTajtsin Dios okipaleui ueyi tekiua Ezequías
1. ¿Akin tlakatl tlen moita itech tlaixkopinal, uan tleka kipia miak ouijkayotl?
2. ¿Tlen amatlajkuilolmej okitlali Ezequías ixpan toTajtsin Dios, uan tlen okitlatlaujti?
3. ¿Ken okatka iyelis ueyi tekiua Ezequías, uan tlen okilui Jehová ika teotlajtojki Isaías?
4. Ken moita itech tlaixkopinal, ¿tlen okinchiuili iángel Jehová asirios?
5. Maski tekiuajkayotl itech ome nechikolmej okipixki yolseuilistli san seki xiuitl, ¿tlen opanok ijkuak omikik Ezequías?
Oksekimej tlajtlanilmej:
1. Xiktlajtolti 2 Reyes 18:1-36.
1) ¿Tlen okichi tlakatl asirio Rabsaqué pampa israelitas ayakmo tlaneltokaskiaj? (2 Rey. 18:19, 21; Éxo. 5:2; Sal. 64:3.)
2) ¿Ken kichiuaj itlaixpantijkauan Jehová ijkon ken Ezequías ijkuak kipiaj se ouijkayotl? (2 Rey. 18:36; Sal. 39:1; Pro. 26:4; 2 Tim. 2:24.)
2. Xiktlajtolti 2 Reyes 19:1-37.
1) Ijkuak onka ouijkayotl, ¿ken kichiuaj ijkon ken Ezequías akinmej kitekichiuiliaj Jehová axan itech ninmej tonalmej? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)
2) ¿Ken eyijpa okitlanilijkej ueyi tekiua Senaquerib, uan akin okineskayoti? (2 Rey. 19:32, 35, 37; Ap. 20:2, 3.)
3. Xiktlajtolti 2 Reyes 21:1-6, 16.
¿Tleka uelis moijtos Manasés, se ueyi tekiua tlen okachi amo yolkuali tlen otlanauati itech Jerusalén? (2 Cró. 33:4-6, 9.)
Saiktlami ueyi tekiua yolkuali itech Israel
1. ¿Keski xiuitl okipiaya Josías ijkuak omochi ueyi tekiua, uan tlen opejki kichiua ijkuak okipiaya chikome xiuitl ken ueyi tekiua?
2. ¿Tlen kichijtok Josías itech achto tlaixkopinal?
3. ¿Tlen okajsik ueyi teopixki ijkuak okiyektlalijtokaj teokali?
4. ¿Tleka Josías okitsayanki itlaken?
5. ¿Tlen tlajtoli Jehová okilui Josías ika siuatl teotlajtojki Huldá?
Oksekimej tlajtlanilmej:
1. Xiktlajtolti 2 Crónicas 34:1-28.
1) ¿Tlen kuali neskayotl kinmaka Josías akinmej opanokej miak tlamantli oui ijkuak okatkaj chokotsitsintin? (2 Cró. 33:21-25; 34:1, 2; Sal. 27:10.)
2) ¿Tlen tlamantli tlen miak ipati okichi Josías pampa kiueyichiuaskia Jehová ijkuak yokipiaya chikueyi, 12 uan 18 xiuitl ken ueyi tekiua? (2 Cró. 34:3, 8.)
3) ¿Tlen techmachtiaj inneskayo Josías uan ueyi teopixki Hilquías itech ken moneki tikinyektlaliskej kalmej kanin tikueyichiuaj toTajtsin Dios? (2 Cró. 34:9-13; Pro. 11:14; 1 Cor. 10:31.)
Se tlakatl tlen amo omomojtiaya
1. ¿Akin telpochtli tlen moita itech tlaixkopinal?
2. ¿Tlen okijto Jeremías ijkuak okiluijkej yetoskia teotlajtojki, maski ijkon, tlen okilui Jehová?
3. ¿Tlen tlajtoli Jeremías ok okinmiluiaya israelitas?
4. ¿Ken okinekiayaj teopixkamej kitsakuiliskej Jeremías, maski ijkon, ken okiteititi ye amo omomojtiaya?
5. ¿Tlen okinpanok israelitas pampa amo okikajkej kichiuaj tlamantli tlen amo kuali?
Oksekimej tlajtlanilmej:
1. Xiktlajtolti Jeremías 1:1-8.
1) Ijkon ken techmachtia ineskayo Jeremías, ¿ken uelis akaj kichiuas tekitl tlen Jehová kimaka? (2 Cor. 3:5, 6.)
2) ¿Ken kinyolchikaua telpokamej uan ichpokamej akinmej kichiuaj ken Cristo ineskayo Jeremías? (Ecl. 12:1; 1 Tim. 4:12.)
2. Xiktlajtolti Jeremías 10:1-5.
¿Tlen kuali neskayotl okitekitilti Jeremías pampa kiteititis amo tepaleuia tla kinueyichiuaskej teotsitsintin? (Jer. 10:5; Isa. 46:7; Hab. 2:19.)
3. Xiktlajtolti Jeremías 26:1-16.
1) Ijkuak akinmej ok katej ipan Tlaltikpak uan yaskej iluikak kitematiltiaj tlen panos satepan, ¿ken kitlakamatij tlen Jehová okinauati Jeremías ‘amo ma kikixtili nion se tlajtoli’? (Jer. 26:2; Deu. 4:2; Hech. 20:27.)
2) ¿Tlen kuali neskayotl okintlalili Jeremías itlaixpantijkauan Jehová ijkuak kinnejmachtiaj oksekimej tlen Jehová kichiuas? (Jer. 26:8, 12, 14, 15; 2 Tim. 4:1-5.)
4. Xiktlajtolti 2 Reyes 24:1-17.
¿Tlen tlamantli tlen amo kuali okipanok altepetl Judá pampa omoxelo itech Jehová? (2 Rey. 24:2-4, 14.)
Naui telpokamej okatkaj Babilonia
1. ¿Akinmej naui telpokamej tlen moitaj itech tlaixkopinal, uan tleka katej Babilonia?
2. ¿Tlen tekitl okinekiaya Nabucodonosor ma kichiuakan naui telpokamej, uan tlen okinnauati itekipanojkauan ma kichiuakan?
3. ¿Tlen okinekiaya Daniel pampa kikuaskiaj uan koniskiaj ye uan eyi iyolikniuan?
4. Ijkuak Daniel uan eyi iyolikniuan okikuajkej kilitl majtlaktli tonal, ¿ken tlatlamantli omoitayaj yejuan uan amo ijkon ken oksekimej telpokamej?
5. ¿Tleka okinuikakej Daniel uan eyi iyolikniuan itech kali kanin otlanauatiaya ueyi tekiua, uan tlen okipiayaj yejuan tlen amo okipiayaj teopixkamej uan ixtlamatkej?
Oksekimej tlajtlanilmej:
1. Xiktlajtolti Daniel 1:1-21.
1) ¿Ken moneki timochijchikauaskej pampa amo ma techyoltilana tlajtlakoli uan pampa amo tikchiuaskej san tlen tejuan tiknekij? (Dan. 1:8; Gén. 39:7, 10; Gál. 6:9.)
2) ¿Ken uelis telpokamej uan ichpokamej kinchiualtiskej ma kichiuakan tlen oksekimej kitaj ken “tlakuali uelik”? (Dan. 1:8; Pro. 20:1; 2 Cor. 6:17–7:1.)
3) ¿Tlen technejmachtia tlen okinpanok naui telpokamej hebreos ijkuak akaj kineki momachtis miak itech kaltlamachtiloyan? (Dan. 1:20; Isa. 54:13; 1 Cor. 3:18-20.)
Okixpolojkej Jerusalén
1. Ken moita itech tlaixkopinal, ¿tlen kipanotok Jerusalén uan israelitas?
2. ¿Akin okatka Ezequiel, uan tlen tlamantli tlen amo kuali okititi Jehová?
3. Ken israelitas amo okitlakaitayaj Jehová, ¿tlen okijto Jehová kichiuaskia?
4. ¿Tlen okichi ueyi tekiua Nabucodonosor ijkuak israelitas amo okitlakamatkej?
5. ¿Tleka Jehová okitekauili israelitas ijkon temomojti ma kinmixpolokan?
6. ¿Tleka itech altepetl Israel amo akaj omokaj, uan keski kauitl ijkon omoka?
Oksekimej tlajtlanilmej:
1. Xiktlajtolti 2 Reyes 25:1-26.
1) ¿Akin okatka Sedequías, tlen okipanok, uan ken omochi ijkon ken okijto Biblia? (2 Rey. 25:5-7; Eze. 12:13-15.)
2) ¿Akin okijto Jehová okatka itlajtlakol pampa Israel omoxelo itech Jehová? (2 Rey. 25:9, 11, 12, 18, 19; 2 Cró. 36:14, 17.)
2. Xiktlajtolti Ezequiel 8:1-18.
¿Ken tlaneltokalistli tlen amo melauak tlen kijtoa kichiua ken Cristo, noijki ijkon kichiuaj ken israelitas tlen omoxelojkej itech Jehová uan okiueyichijkej Tonaltsin? (Eze. 8:16; Isa. 5:20, 21; Juan 3:19-21; 2 Tim. 4:3.)
Amo itlaj okichi ma motlankuaketsakan
1. ¿Tlen otlanauati Nabucodonosor ueyi tekiua itech Babilonia?
2. ¿Tleka eyi iyolikniuan Daniel amo omotlankuaketskej ixpan tlaixkopinal tlen okichijchijkej ika oro?
3. Ijkuak Nabucodonosor kinkauiliskia eyi hebreos oksepa ma motlankuaketsakan ixpan tlaixkopinal, ¿ken okiteititijkej omotenmachiayaj itech Jehová?
4. ¿Tlen okinnauati Nabucodonosor itekipanojkauan ma kinchiuilikan Sadrac, Mesac uan Abednego?
5. ¿Tlen okitak Nabucodonosor ijkuak otlachixki ijtik horno?
6. ¿Tleka ueyi tekiua itech Babilonia okiueyichi iTajtsin Dios Sadrac, Mesac uan Abednego, uan tlen kuali neskayotl techmakaj?
Oksekimej tlajtlanilmej:
1. Xiktlajtolti Daniel 3:1-30.
1) ¿Tlen kuali neskayotl itech eyi telpokamej hebreos moneki nochtin tejuan ken tiitlaixpantijkauan Jehová tikchiuaskej ijkuak tikpiaj ouijkayotl? (Dan. 3:17, 18; Mat. 10:28; Rom. 14:7, 8.)
2) ¿Tlen tlamantli toTajtsin Jehová okititi Nabucodonosor? (Dan. 3:28, 29; 4:34, 35.)
Tlajkuilol tlen okatka itech tepamitl
1. ¿Tlen opanok ijkuak ueyi tekiua itech Babilonia okichi se ueyi iluitl uan okintekitilti copas uan tazones tlen okatkaj itech iteokali Jehová tlen okatka Jerusalén?
2. ¿Tlen okinmilui Belsasar tlakamej tlen omoijtoayaj ixtlamatkej, maski ijkon, tlen amo ueli okichijkej?
3. Inantsin Belsasar, ¿tlen okilui Belsasar ma kichiua?
4. Ijkon ken Daniel okilui ueyi tekiua, ¿tleka toTajtsin Dios okichi ma moijkuilo itlaj itech tepamitl?
5. ¿Ken okiyekijto Daniel tlen kijtosnekia tlajtolmej tlen omoijkuilojkej itech tepamitl?
6. ¿Tlen opanok ijkuak Daniel ok otlajtojtoka?
Oksekimej tlajtlanilmej:
1. Xiktlajtolti Daniel 5:1-31.
1) ¿Tleka amo san se kijtosneki tikmakasiskej toTajtsin Dios uan ken Belsasar omomojti ijkuak okitak tlajkuilol itech tepamitl? (Dan. 5:6, 7; Sal. 19:9; Rom. 8:35-39.)
2) ¿Ken okiteititi Daniel iyolchikaualis ijkuak otlajto ixpan Belsasar uan oksekimej tlayekankej? (Dan. 5:17, 18, 22, 26-28; Hech. 4:29.)
3) ¿Ken kiteititia Daniel tlakotonal makuili san Jehová kinamiki tlanauatis? (Dan. 4:17, 25; 5:21.)
Daniel okitlamotlakej kanin okatkaj leones
1. ¿Akin okatka Darío, uan tlen omokuayejyekoaya itech Daniel?
2. ¿Tlen ueli okichijkej sekimej tlakamej nexikoltin ma kichiua Darío?
3. ¿Tlen okichi Daniel ijkuak okimatki okijkuilojkej yankuik tlanauatil?
4. ¿Tleka omoyolkoko miak Darío uan amo ueli okochki, uan tlen okichi mostlatika?
5. ¿Tlen okinankili Daniel ueyi tekiua Darío?
6. ¿Tlen okinpanok tlakamej tlen amo yolkualmej tlen okinekiayaj kimiktiskej Daniel, uan tlen okintlajkuilili Darío nochtin tlaltikpaktlakamej tlen okatkaj itech itekiuajkayo?
Oksekimej tlajtlanilmej:
1. Xiktlajtolti Daniel 6:1-28.
1) Ijkon ken tlakamej amo yolkualmej okinekiayaj kichiuiliskej Daniel, ¿ken axan noijki ijkon kichiuaj tlaltikpaktlakamej tlen amo kinekij ma tetlapouikan iTlaixpantijkauan Jehová? (Dan. 6:7; Sal. 94:20; Isa. 10:1; Rom. 8:31.)
2) ¿Ken uelis tejuan ken tiitlaixpantijkauan Jehová tikchiuaskej ijkon ken Daniel ixpan tekiuajkej? (Dan. 6:5, 10; Rom. 13:1; Hech. 5:29.)
3) ¿Ken uelis tiktekichiuiliskej Jehová mojmostla ijkon ken okitekichiuili Daniel? (Dan. 6:16, 20; Fili. 3:16; Ap. 7:15.)
Israel okiski itech Babilonia
1. Ken moita itech tlaixkopinal, ¿tlen kichijtokej israelitas?
2. ¿Ken okichi Ciro tlen Jehová okijto ika iteotlajtojki Isaías?
3. ¿Tlen okinmilui Ciro israelitas tlen amo ueli omokuepkej Jerusalén?
4. ¿Tlen okinmakak Ciro israelitas pampa kiuikaskiaj Jerusalén?
5. ¿Keski ouejkajkej israelitas pampa oajsitoj Jerusalén?
6. ¿Keski xiuitl amo akaj ochantiayaj itech Jerusalén?
Oksekimej tlajtlanilmej:
1. Xiktlajtolti Isaías 44:28 uan 45:1-4.
1) ¿Ken okijto Jehová melauak mochiuaskia tlen omoijto itech Ciro? (Isa. 55:10, 11; Rom. 4:17.)
2) ¿Tlen kiteititia tlen okijto Isaías itech Ciro ken Jehová ueli kijtoa tlen panos satepan? (Isa. 42:9; 45:21; 46:10, 11; 2 Ped. 1:20.)
2. Xiktlajtolti Esdras 1:1-11.
Ijkon ken akinmej amo ueli omokuepkej Jerusalén, ¿ken uelis tikinpaleuiskej akinmej motemakaj pampa kitekichiuiliskej toTajtsin Dios? (Esd. 1:4, 6; Rom. 12:13; Col. 4:12.)
Otlaneltokayaj toTajtsin Dios kinpaleuiskia
1. ¿Keski israelitas okiskej itech Babilonia uan onejnenkej miakej tonalmej pampa oajsikej itech Jerusalén, uan tlen okajsikej ijkuak oajsitoj?
2. ¿Tlen okichijkej israelitas ijkuak oajsitoj Jerusalén, uan tlen okichijkej akinmej okinkokoliayaj israelitas?
3. ¿Akinmej okatkaj Ageo uan Zacarías, uan tlen okinmiluijkej israelitas?
4. ¿Tleka Tatenai okititlanki se amatlajkuilol itech Babilonia, uan tlen okinankilijkej?
5. ¿Tlen okichi Esdras ijkuak okimatki omonekiaya kiyektlaliskej iteokali toTajtsin Dios?
6. Ken moita itech tlaixkopinal, ¿tlen okitlajtlanili Esdras Jehová? ¿Ken okinankili Jehová? ¿Uan tlen techmachtia nin?
Oksekimej tlajtlanilmej:
1. Xiktlajtolti Esdras 3:1-13.
Tla tiyetokej kanin amo kajki nion se itlanechikol toTajtsin Dios, ¿tlen moneki ma tikchiuakan? (Esd. 3:3, 6; Hech. 17:16, 17; Heb. 13:15.)
2. Xiktlajtolti Esdras 4:1-7.
Ijkon ken okichi Zorobabel, ¿ken moneki kitaskej itlaixpantijkauan Jehová ijkuak tlaneltokalismej monechikoaj san sekan? (Éxo. 34:12; 1 Cor. 15:33; 2 Cor. 6:14-17.)
3. Xiktlajtolti Esdras 5:1-5, 17 uan 6:1-22.
1) ¿Tleka akinmej okinkokoliayaj israelitas amo ueli okiketsaltijkej ijkuak okichijchijtokaj iteokali Jehová? (Esd. 5:5; Isa. 54:17.)
2) ¿Ken kinyolchikaua tlayekankej axan itech ninmej tonalmej inneskayo tlayekankej judíos pampa ma kitlajtlanilikan Jehová ma kinpaleui ijkuak kipiaj ouijkayotl? (Esd. 6:14; Sal. 32:8; Rom. 8:31; Sant. 1:5.)
4. Xiktlajtolti Esdras 8:21-23, 28-36.
Achto se kipejpenas se kichiuas itlaj tlen miak ipati, ¿ken uelis tikchiuaskej ijkon ken Esdras? (Esd. 8:23; Sal. 127:1; Pro. 10:22; Sant. 4:13-15.)
Mardoqueo uan Ester
1. ¿Akinmej okatkaj Mardoqueo uan Ester?
2. ¿Tleka ueyi tekiua Asuero okinekiaya se yankuik isiua, uan akin okipejpenki?
3. ¿Akin okatka Hamán uan tleka okualanki?
4. ¿Tlen tlanauatil omochijchi, uan tlen okichi Ester satepan ijkuak okiluijkej tlajtolmej tlen Mardoqueo okinekiaya kiluis?
5. ¿Tlen okipanok Hamán, uan tlen okipanok Mardoqueo?
6. ¿Ken omomakixtijkej israelitas itech akinmej okinkokoliayaj?
Oksekimej tlajtlanilmej:
1. Xiktlajtolti Ester 2:12-18.
¿Ken omoteititi ika ineskayo Ester ken miak ipati amo san niman tikualaniskej uan tikmatiskej timochiaskej? (Est. 2:15; 1 Ped. 3:1-5.)
2. Xiktlajtolti Ester 4:1-17.
Ijkon ken Ester ueli okipaleui ueyichiualistli tlen melauak, ¿ken noijki ijkon tejuan axan itech ninmej tonalmej uelis tikteititiskej melauak tikueyichiuaj Jehová uan amo keman tikauaskej? (Est. 4:13, 14; Mat. 5:14-16; 24:14.)
3. Xiktlajtolti Ester 7:1-6.
Ijkon ken Ester, ¿ken noijki miakej itekipanojkauan Jehová noijki panoaj miak tlamantli tlen oui? (Est. 7:4; Mat. 10:16-22; 1 Ped. 2:12.)
Tepamitl tlen okiyaualoaya Jerusalén
1. ¿Ken omomachiliayaj israelitas pampa altepetl Jerusalén amo okipiayaj itepauan?
2. ¿Akin okatka Nehemías?
3. ¿Tlen tekitl okipiaya Nehemías, uan tleka okipiaya miak ipati?
4. ¿Tlen tlajtoli okikak Nehemías tlen okiyolkoko miak, uan tlen okichi?
5. ¿Ken ueyi tekiua Artajerjes okichiuili tlen kuali Nehemías?
6. ¿Ken okijto Nehemías ma tekitikan israelitas pampa akinmej okinkokoliayaj amo uelis kiketsaltiskia tekitl?
Oksekimej tlajtlanilmej:
1. Xiktlajtolti Nehemías 1:4-6 uan 2:1-20.
¿Ken okitemo Nehemías itlayekanalis Jehová? (Neh. 2:4, 5; Rom. 12:12; 1 Ped. 4:7.)
2. Xiktlajtolti Nehemías 3:3-5.
Pampa teqoítas amo okichijkej ijkon ken intlayekankej, ¿tlen momachtiaj tlayekankej uan siervos ministeriales? (Neh. 3:5, 27; 2 Tes. 3:7-10; 1 Ped. 5:5.)
3. Xiktlajtolti Nehemías 4:1-23.
1) ¿Tlen okinyolchika israelitas pampa ok kichijchiuaskiaj tepamitl maski miakej okinkokoliayaj? (Neh. 4:6, 8, 9; Sal. 50:15; Isa. 65:13, 14.)
2) ¿Ken techyolchikaua axan itech ninmej tonalmej inneskayo israelitas?
4. Xiktlajtolti Nehemías 6:15.
Ken israelitas otlankej okichijchijkej itepamitl Jerusalén san itech ome metstli, ¿ken techititia nin uelis tikchiuaskej tlen tiknekiskej tla titlaneltokaj itech toTajtsin Dios? (Sal. 56:3, 4; Mat. 17:20; 19:26.)
Se ángel okitlajpaloto María
1. ¿Akin siuatl tlen moita itech tlaixkopinal?
2. ¿Tlen tlajtoli okijto Gabriel ijkuak omonexti ixpan María?
3. ¿Ken Gabriel okiyekilui María kipiaskia se konetl maski ye ayamo omonamiktiaya?
4. ¿Tlen opanok ijkuak María okitlajpaloto Elisabet?
5. ¿Tlen omokuayejyeko José ijkuak okimatki María kipiaskia se konetl, maski ijkon, tleka ayakmo okichi tlen omokuayejyeko?
Oksekimej tlajtlanilmej:
1. Xiktlajtolti Lucas 1:26-56.
1) Ken kijtoa Lucas 1:35, ¿tleka María amo okipanoltili tlajtlakoli Jesús ijkuak Jehová okipanolti iyolilis Jesús ijtik María? (Ageo 2:11-13; Juan 6:69; Heb. 7:26; 10:5.)
2) ¿Ken okiueyichijkej Jesús maski ayamo onesiaya? (Luc. 1:41-43.)
3) ¿Tlen kuali neskayotl okitlali María pampa akinmej kichiuaj ken Cristo ijkuak kinmaka se ueyi tekitl itech tlanechikol? (Luc. 1:38, 46-49; 17:10; Pro. 11:2.)
2. Xiktlajtolti Mateo 1:18-25.
Maski Jesús amo okitokayotijkej Emmanuel, ¿ken okiteititi itech nochi inemilis tlen kijtosneki non tokayotl? (Mat. 1:22, 23; Juan 14:8-10; Heb 1:1-3.)
Jesús oneski kanin mokauaj yolkamej
1. ¿Akin nin konetsintli tlen moita itech tlaixkopinal, uan kanin kitekatok María?
2. ¿Tleka oneski Jesús kanin mokauaj yolkamej?
3. ¿Akinmej tlakamej tlen kalaktokej kanin mokauaj yolkamej, uan tlen okinmilui se ángel?
4. ¿Tleka Jesús ueyititok?
5. ¿Tleka uelis tikijtoskej Jesús iKone toTajtsin Dios?
Oksekimej tlajtlanilmej:
1. Xiktlajtolti Lucas 2:1-20.
1) ¿Ken otlapaleui César Augusto pampa uelis mochiuaskia ken achto omoijtojka itech ijkuak nesiskia Jesús? (Luc. 2:1-4; Miq. 5:2.)
2) ¿Ken uelis se yetos itech akinmej moijtoa tlakamej “katlej kipaktiaj in toTajtsin Dios”? (Luc. 2:14; Mat. 16:24, NM; Juan 17:3; Hech. 3:19; Heb. 11:6.)
3) Tla nonmej tlajpixkej tlen ochantiayaj Judea oyolpakej miak ijkuak oneski Temakixtiani, ¿tlen okachi ueyi pakilistli kipiaj akinmej kitekichiuiliaj toTajtsin Dios axan itech ninmej tonalmej? (Luc. 2:10, 11; Efe. 3:8, 9; Ap. 11:15; 14:6.)
Okitokakej se sitlali
1. ¿Akinmej ninmej tlakamej tlen moitaj itech tlaixkopinal, uan tleka se tlakatl kimajpiluijtok se sitlali tlen petlani miak?
2. ¿Tleka okualanki ueyi tekiua Herodes, uan tlen okichi?
3. Sitlali tlen opetlaniaya miak, ¿kanin okinuikak sekimej tlakamej, maski ijkon, tleka omokuepkej itech inaltepetl itech okse ojtli?
4. ¿Tlen otlanauati ueyi tekiua Herodes, uan tleka?
5. ¿Tlen okilui Jehová itekipanojki José?
6. ¿Akin okichi ma petlani non sitlali, uan tleka?
Okse tlajtlanilistli:
1. Xiktlajtolti Mateo 2:1-23.
¿Keski xiuitl okipiaya Jesús uan kanin ochantiaya ijkuak okitlajpalotoj tlakamej tlen okitayaj sitlalmej pampa kimatiskej tlen panoskia satepan? (Mat. 2:1, 11, 16.)
Jesús okatka itech teokali
1. ¿Keski xiuitl okipiaya Jesús itech nin tlaixkopinal, uan kanin okatka?
2. ¿Tlen okichiuayaj José uan ichanejkauan sejse xiuitl?
3. Satepan ijkuak yonejnenkej se tonal ijkuak omokuepayaj inkalijtik, ¿tleka José uan María omokuepkej Jerusalén?
4. José uan María, ¿kanin okajsitoj Jesús, uan tleka tlaltikpaktlakamej omotlajtlachialtijkej?
5. ¿Tlen okilui Jesús inantsin María?
6. ¿Ken uelis tejuan noijki tikchiuaskej ken Jesús ijkuak timomachtiaj itech toTajtsin Dios?
Oksekimej tlajtlanilmej:
1. Xiktlajtolti Lucas 2:41-52.
1) Maski tlanauatil okijtoaya san tlakamej omonekiayaj yaskej itech iluimej tlen omochiuayaj sejse xiuitl, ¿tlen kuali neskayotl okitlalijkej José uan María pampa tetajmej axan itech ninmej tonalmej? (Luc. 2:41; Deu. 16:16; 31:12; Pro. 22:6.)
2) ¿Tlen kuali neskayotl okintlalili Jesús telpokamej uan ichpokamej axan itech ninmej tonalmej itech ken moneki kintlakamatiskej intatajuan? (Luc. 2:51; Deu. 5:16; Pro. 23:22; Col. 3:20.)
2. Xiktlajtolti Mateo 13:53-56.
¿Ken omotokayotiayaj naui ikniuan Jesús tlen moijtoa itech Biblia, uan ken satepan ome itech yejuan okintekitiltijkej itech tlanechikol? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)
Juan okiapolakti Jesús
1. ¿Akinmej ome tlakamej tlen moitaj itech tlaixkopinal?
2. ¿Ken kiapolaktia akaj?
3. ¿Akinmej okinapolaktiaya Juan?
4. ¿Tleka Jesús okilui Juan ma kiapolakti?
5. ¿Ken okiteititi toTajtsin Dios okiyolpakti Jesús omoapolakti?
6. ¿Tlen opanok ijkuak Jesús oyajki 40 tonalmej kanin amo akaj okatka?
7. ¿Akinmej omochijkej achto imachtijkauan Jesús, uan tlen achto milagro okichi?
Oksekimej tlajtlanilmej:
1. Xiktlajtolti Mateo 3:13-17, NM.
¿Tlen neskayotl okitlali Jesús ken moneki moapolaktiskej imachtijkauan? (Sal. 40:7, 8; Mat. 28:19, 20, NM; Luc. 3:21, 22, NM.)
2. Xiktlajtolti Mateo 4:1-11.
Jesús kuali okitekitilti iTlajtol toTajtsin Dios, ¿ken techyoleua nin pampa nochipa ma timomachtikan Biblia? (Mat. 4:5-7; 2 Ped. 3:17, 18; 1 Juan 4:1.)
3. Xiktlajtolti Juan 1:29-51.
Juan akin Teapolaktia, ¿itech akin okinyekanki imachtijkauan, uan ken noijki ijkon uelis tikchiuaskej tejuan? (Juan 1:29, 35, 36; 3:30; Mat. 23:10.)
4. Xiktlajtolti Juan 2:1-12.
¿Ken achto milagro tlen okichi Jesús okiteititi Jehová kipaktia kinmakas tlen kuali itekitijkauan? (Juan 2:9, 10; Sal. 84:11; Sant. 1:17.)
Jesús okinkixti tlanemakakej
1. ¿Tleka okinnemakayaj yolkamej itech teokali?
2. ¿Tleka okualanki Jesús?
3. Ken moita itech tlaixkopinal, ¿tlen okichi Jesús, uan tlen okinnauati tlakamej tlen okinnemakayaj palomas?
4. ¿Tlen okilnamikej imachtijkauan Jesús ijkuak okitakej tlen okichijtoka?
5. ¿Kanin opanok Jesús ijkuak oyayaj itech Galilea?
Okse tlajtlanilistli:
1. Xiktlajtolti Juan 2:13-25.
Pampa Jesús sapanoa okualanki iuan akinmej otlanemakayaj itech teokali, ¿ken moneki tikitaskej tla akaj kineki kinemakas itlaj itech Kali Kanin Monechikoaj iTlaixpantijkauan Jehová? (Juan 2:15, 16; 1 Cor. 10:24, 31-33.)
Jesús omotlapoui iuan se siuatl inakastlan se atekochtli
1. ¿Tleka Jesús omoketski inakastlan nin atekochtli itech Samaria, uan tlen okilui se siuatl tlen ompa oyajki?
2. ¿Tleka siuatl omotlajtlachialti, tlen okilui Jesús, uan tleka?
3. ¿Itech tlen atl omokuayejyeko siuatl okitlapouijtoka Jesús, maski ijkon, itech tlen atl otlapojtoka Jesús?
4. ¿Tleka siuatl omotlajtlachialti ika tlen Jesús okimatiaya itech ye, uan ken okimatki Jesús nochi nin tlamantli?
5. ¿Tlen timomachtiaj itech nin tlapoualistli?
Oksekimej tlajtlanilmej:
1. Xiktlajtolti Juan 4:5-43.
1) Pampa tikchiuaskej ijkon ken Jesús, ¿ken moneki tikinmitaskej oksekimej tlaltikpaktlakamej tlen oksekan uitsej noso akinmej amo ueyititokej? (Juan 4:9; 1 Cor. 9:22; 1 Tim. 2:3, 4; Tito 2:11.)
2) ¿Tlen tlateochiualismej espirituales kipiaj akinmej mochiuaj imachtijkauan Jesús? (Juan 4:14; Isa. 58:11; 2 Cor. 4:16.)
3) ¿Ken uelis tejuan tikteititiskej melauak tikpatioitaj ijkon ken samaritana, akin okinekiaya kinmiluis oksekimej nochi tlen okimachtijkej? (Juan 4:7, 28; Mat. 6:33; Luc. 10:40-42.)
Jesús otlamachti itech se tepetl
1. Ijkon ken moita itech tlaixkopinal, ¿kanin otlamachti Jesús, uan akinmej okatkaj okachi inauak?
2. ¿Ken omotokayotiayaj 12 itlatitlaniluan Jesús?
3. ¿Tlen kijtosneki Tekiuajkayotl itech tlen Jesús otetlapouiaya?
4. ¿Tlen okinmachti Jesús tlaltikpaktlakamej ma kitlajtlanikan ijkuak motlatlaujtiaj?
5. ¿Ken okijto Jesús moneki mouikaskej nochtin tlaltikpaktlakamej?
Oksekimej tlajtlanilmej:
1. Xiktlajtolti Mateo 5:1-12.
¿Ken uelis tikteititiskej tiknekij okachi timomachtiskej iTlajtol toTajtsin Dios? (Mat. 5:3, NM; Rom. 10:13-15; 1 Tim. 4:13, 15, 16.)
2. Xiktlajtolti Mateo 5:21-26.
Ken kinextia Mateo 5:23, 24, ¿ken toyekuikalis iuan tokniuan kipiaj tlen kitas ken timouika iuan toTajtsin Dios? (Mat. 6:14, 15; Sal. 133:1; 1 Juan 4:20.)
3. Xiktlajtolti Mateo 6:1-8.
¿Tlen tlamantli okichiuayaj fariseos tlen amo moneki ma kichiuakan akinmej melauak kichiuaj ken Cristo? (Luc. 18:11, 12; 1 Cor. 4:6, 7; 2 Cor. 9:7.)
4. Xiktlajtolti Mateo 6:25-34.
¿Ken otechmachti Jesús ken moneki timotenmachiaskej itech ken Jehová uelis techmakas nochi tlen moneki? (Éxo. 16:4; Sal. 37:25; Fili. 4:6.)
5. Xiktlajtolti Mateo 7:1-11.
¿Tlen techmachtia neskayotl tlen Jesús okijto itech Mateo 7:5? (Pro. 26:12; Rom. 2:1; 14:10, NM; Sant. 4:11, 12.)
Jesús okinyoliti akinmej omikej
1. ¿Akin okatka itajtsin ichpokatsin tlen moita itech tlaixkopinal, uan tleka ye uan isiua omotekipachoayaj miak?
2. ¿Tlen okichi Jairo ijkuak okajsik Jesús?
3. ¿Tlen opanok ijkuak Jesús oyaya ikalijtik Jairo, uan tlen okimatiltijkej Jairo ijkuak oyaya ipan ojtli?
4. ¿Tleka tlaltikpaktlakamej tlen okatkaj ikalijtik Jairo okiueuetskilijkej Jesús?
5. Ijkuak okalakej Jesús, eyi itlatitlaniluan uan itatajuan ichpokatsin itech kalijtik kanin okatka ichpokatsin, ¿tlen okichi Jesús?
6. ¿Akinmej oksekimej okinyoliti Jesús tlen noijki omikej, uan tlen techititia nin?
Oksekimej tlajtlanilmej:
1. Xiktlajtolti Lucas 8:40-56.
¿Tleka uelis tikijtoskej Jesús okiteititi teiknomatilistli uan kuali omokuayejyeko inauak se siuatl tlen oeskisaya, uan tlen uelis momachtiskej itech nin kuali neskayotl tlayekankej akinmej melauak kichiuaj ken Cristo? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)
2. Xiktlajtolti Lucas 7:11-17.
¿Tleka melauak uelis kinyolseuis nochtin akinmej akaj yokipolojkej itech mikilistli tlen okichi Jesús inauak se iknosiuatl tlen ochantiaya Naín? (Luc. 7:13; 2 Cor. 1:3, 4; Heb. 4:15.)
3. Xiktlajtolti Juan 11:17-44.
¿Ken okiteititi Jesús uelis se chokas ijkuak miki akaj? (Juan 11:33-36, 38; 2 Sam. 18:33; 19:1-4.)
Jesús miakej okintlamakak
1. ¿Tlen tlamantli tlen sapanoa temomojti okipanok Juan akin Teapolaktia, uan ken omomachili Jesús?
2. ¿Ken okintlamakak Jesús miakej tlaltikpaktlakamej tlen okinmachtijtoka, uan keski tlakuali omoka?
3. ¿Tleka ijkuak yiyoak imachtijkauan Jesús omomojtijkej, uan tlen okipanok Pedro?
4. ¿Ken oksepa Jesús okintlamakak sapanoa miakej tlaltikpaktlakamej?
5. ¿Tleka melauak yetos kualtsin ijkuak Jesús peuas tlanauatis ipan Tlaltikpak ken ueyi Tekiua tlen toTajtsin Dios okitlali?
Oksekimej tlajtlanilmej:
1. Xiktlajtolti Mateo 14:1-32.
1) ¿Tlen kiteititia tlen kijtoa Mateo 14:23-32 ken okipiaya iyelis Pedro?
2) ¿Ken techititia Biblia, tlatitlanil Pedro satepan okipatlak iyelis uan omokuayejyekoaya achto tlajtoskia uan achto itlaj kichiuaskia? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)
2. Xiktlajtolti Mateo 15:29-38.
¿Ken okiteititi Jesús okitlakaitaya nochi tlakuali tlen iTajtsin okitemakak? (Mat. 15:37; Juan 6:12; Col. 3:15.)
3. Xiktlajtolti Juan 6:1-21.
¿Ken uelis tejuan akinmej tikchiuaj ken Cristo tikchiuaskej ijkon ken Jesús inauak tekiuajkej? (Juan 6:15; Mat. 22:21; Rom. 12:2; 13:1-4.)
Okintlasojtlaya konemej
1. ¿Tleka omotsajtsatsilijkej itlatitlaniluan Jesús ijkuak oualayaj itech ojtli ijkuak uejka oyajkej?
2. ¿Tleka Jesús okinotski se chokotsin uan okitlali intlatlajkotia itlatitlaniluan?
3. ¿Itech tlen tlamantli omonekiaya itlatitlaniluan kichiuaskej ken konemej?
4. Sekimej metstli satepan, ¿ken okiteititi Jesús okintlasojtlaya konemej?
Oksekimej tlajtlanilmej:
1. Xiktlajtolti Mateo 18:1-4.
¿Tleka Jesús otlamachtiaya ika neskayomej? (Mat. 13:34, 36; Mar. 4:33, 34.)
2. Xiktlajtolti Mateo 19:13-15.
¿Tlen iyelisuan konemej moneki tejuan noijki tikpiaskej pampa tikseliskej tlateochiualismej tlen kitemakas iTekiuajkayo toTajtsin Dios? (Sal. 25:9; 138:6; 1 Cor. 14:20.)
3. Xiktlajtolti Marcos 9:33-37.
¿Tlen okinmachti Jesús imachtijkauan itech tla akaj kineki ueyititos? (Mar. 9:35; Mat. 20:25, 26; Gál. 6:3; Fili. 2:5-8.)
4. Xiktlajtolti Marcos 10:13-16.
¿Tleka amo oui okatka akaj motlapouiskia iuan Jesús, uan tlen kuali neskayotl kitlalia pampa tlayekankej akinmej kichiuaj ken Cristo? (Mar. 6:30-34; Fili. 2:1-4; 1 Tim. 4:12.)
Ken otlamachtiaya Jesús
1. ¿Tlen okitlajtlani se tlakatl Jesús, uan tleka?
2. ¿Kemantika tlen okitekitiltiaya Jesús ijkuak otlamachtiaya? ¿Uan tlen yotimomachtijkej itech judíos uan samaritanos?
3. Itech tlapoualistli tlen okijto Jesús, ¿tlen okipanok se judío tlen oyaya itech ojtli tlen oyaya Jericó?
4. ¿Tlen opanok ijkuak se teopixki judío uan se levita opanoayaj itech non ojtli?
5. Itech tlaixkopinal, ¿akin kipaleuijtok nin judío tlen okiuijuitekej?
6. Ijkuak Jesús otlanki okijto nin tlapoualistli, ¿tlen tlajtlanil Jesús okichiuili tlakatl, uan ken otlanankili?
Oksekimej tlajtlanilmej:
1. Xiktlajtolti Lucas 10:25-37.
1) Pampa Jesús amo san niman otlanankili, ¿ken okipaleui Jesús kuali ma mokuayejyeko se tlakatl akin okimatiaya miak itech itlanauatil toTajtsin Dios? (Luc. 10:26; Mat. 16:13-16.)
b) ¿Ken okintekitiltiaya Jesús neskayomej pampa kinpaleuiskia akinmej otechikoitayaj? (Luc. 10:36, 37; 18:9-14; Tito 1:9.)
Jesús okinpajti akinmej omokokoayaj
1. ¿Tlen okichi Jesús ijkuak oyajki itech nochi ueyi altepetl?
2. ¿Tlen okinmilui Jesús itlatitlaniluan kanaj eyi xiuitl satepan omoapolakti?
3. ¿Akinmej tlaltikpaktlakamej tlen nesi itech tlaixkopinal, uan tlen kichiua Jesús pampa non siuatl?
4. ¿Tleka okinpijpinati tlayekankej teopixkamej tlen Jesús okinnankili?
5. Ijkuak Jesús uan itlatitlaniluan amo uejka okatkaj itech Jericó, ¿ken okinpaleui Jesús ome tlakamej tlen amo otlachiayaj?
6. ¿Tleka Jesús okichi milagros?
Oksekimej tlajtlanilmej:
1. Xiktlajtolti Mateo 15:30, 31.
Itech tlen Jesús okichi, ¿ken techititia ichikaualis toTajtsin Dios, uan ken techpaleuia nin ma tikajsikamatikan tlen Jehová yokijto kichiuas itech yankuik xochitlali? (Sal. 37:29; Isa. 33:24.)
2. Xiktlajtolti Lucas 13:10-17.
Ijkuak Jesús okichi miakej milagros itech sábado, ¿ken technextilia yetos yolseuilistli ijkuak Jesús tlanauatis mil xiuitl? (Luc. 13:10-13; Sal. 46:9; Mat. 12:8; Col. 2:16, 17; Ap. 21:1-4.)
3. Xiktlajtolti Mateo 20:29-34.
Maski Jesús okipiaya miak tekitl, ¿ken techititia nin tlapoualistli Jesús nochipa okinekiaya kinpaleuis tlaltikpaktlakamej, uan tlen timomachtiaj tejuan? (Deu. 15:7; Sant. 2:15, 16; 1 Juan 3:17.)
Jesús okalak ken ueyi Tekiua
1. Ijkuak Jesús oajsik itech se altepetl tlen amo uejka omokauaya itech Jerusalén, ¿tlen okinnauati imachtijkauan ma kichiuakan?
2. Ken moita itech tlaixkopinal, ¿tlen opanok ijkuak Jesús yoajsitoka itech ueyi altepetl Jerusalén?
3. ¿Tlen okichijkej chokotsitsintin ijkuak okitakej Jesús okinpajtiaya akinmej amo otlachiayaj uan koxomej?
4. ¿Tlen okinmilui Jesús teopixkamej tlen okualankej?
5. ¿Ken uelis noijki ijkon tikchiuaskej ken chokotsitsintin akinmej okiueyichijkej Jesús?
6. ¿Tlen okinekiayaj kimatiskej imachtijkauan Jesús?
Oksekimej tlajtlanilmej:
1. Xiktlajtolti Mateo 21:1-17.
1) ¿Ken okalakiayaj akinmej okinyekanaya soldados romanos ijkuak otlatlaniayaj uan ken okalak Jesús ken ueyi tekiua itech Jerusalén? (Mat. 21:4, 5; Zac. 9:9; Fili. 2:5-8; Col. 2:15, NM.)
2) ¿Tlen uelis momachtiskej telpokamej uan ichpokamej itech inneskayo chokotsitsintin israelitas tlen okijtojkej tlen ijkuilitok itech Salmo 118 ijkuak Jesús okalak itech teokali? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)
2. Xiktlajtolti Juan 12:12-16.
¿Tlen kineskayotia ixijyo soyatl tlen tlaltikpaktlakamej okitekitiltijkej ijkuak okiueyichijkej Jesús? (Juan 12:13; Fili. 2:10; Ap. 7:9, 10.)
Itech Olivostepetl
1. Itech ninmej tlakamej, ¿akin ye Jesús uan akinmej okatkaj iuan ye?
2. ¿Tlen okinekiayaj teopixkamej kichiuiliskej Jesús ijkuak okatka itech teokali, uan tlen okinmilui ye?
3. ¿Tlen tlajtlanilmej okichiuilijkej Jesús itlatitlaniluan?
4. ¿Tleka Jesús okinmilui itlatitlaniluan sekimej tlamantli tlen panoskiaj itech Tlaltikpak ijkuak ye tlanauatijtoskia itech iluikak?
5. ¿Tlen okijto Jesús panos achto kitlamiltis nochi tlen amo kuali itech Tlaltikpak?
Oksekimej tlajtlanilmej:
1. Xiktlajtolti Mateo 23:1-39.
1) Maski itech Biblia kijtoa uelis motekitiltis tokayomej tlen teueyichiuaj, ¿tlen kiteititia tlen okijto Jesús itech Mateo 23:8-11 ken moneki se kintekitiltis tokayomej tlen teueyichiuaj itech tlanechikol? (Hech. 26:25; Rom. 13:7; 1 Ped. 2:13, 14.)
2) ¿Tlen okichijkej fariseos pampa amo kinkauiliskiaj oksekimej melauak ma kichiuakan ken Cristo? ¿Uan ken noijki ijkon kichiuaj akinmej tlayekanaj itech tlaneltokalismej axan itech ninmej tonalmej? (Mat. 23:13; Luc. 11:52; Juan 9:22; 12:42; 1 Tes. 2:16.)
2. Xiktlajtolti Mateo 24:1-14.
1) ¿Ken kiteititia Mateo 24:13 miak ipati ma titlaxikokan?
2) ¿Tlen kijtosneki tlajtolmej “ijkuak nochi tlamis” tlen ijkuilitok itech Mateo 24:13? (Mat. 16:27; Rom. 14:10-12, NM; 2 Cor. 5:10.)
3. Xiktlajtolti Marcos 13:3-10.
¿Tlen tlajtoli tlen ijkuilitok itech Marcos 13:10 kiteititia axan moneki totoka ma titetlapouikan? ¿Uan tlen techyolinia ma tikchiuakan itlajtoluan Jesús? (Rom. 13:11, 12, NM; 1 Cor. 7:29-31, NM; 2 Tim. 4:2.)
Okatkaj itech se kali tlen okatka tlakpak
1. Ken moita itech tlaixkopinal, ¿tleka Jesús uan 12 itlatitlaniluan okatkaj itech se kali ueyi tlen okatka tlakpak?
2. ¿Akin tlakatl tlen kistok, uan tlen kichiuati?
3. ¿Tlen teotlakantlakualistli tlen miak ipati okipeualti Jesús satepan otlakuajkej itech Pascua?
4. ¿Tlen okilnamikiayaj israelitas itech iluitl Pascua, uan tlen okinmilnamiktiaya imachtijkauan Jesús nin tlakualistli tlen miak ipati?
5. Ijkuak otlanki teotlakantlakualistli, ¿tlen okinmilui Jesús imachtijkauan, uan tlen okichijkej yejuan?
Oksekimej tlajtlanilmej:
1. Xiktlajtolti Mateo 26:14-30.
1) ¿Ken kiteititia Mateo 26:15, ken Judas yimokuayejyekojtoka kitemakaskia Jesús?
2) ¿Tlen ome tlamantli kichiua estli tlen okitemakak Jesús? (Mat. 26:27, 28; Jer. 31:31-33; Efe. 1:7; Heb. 9:19, 20.)
2. Xiktlajtolti Lucas 22:1-39.
¿Tlen kijtosneki Satanás okalak itech Judas? (Luc. 22:3; Juan 13:2; Hech. 1:24, 25.)
3. Xiktlajtolti Juan 13:1-20.
1) Ika tlen kijtoa Juan 13:2, ¿uelis tiktlajtlakoltiskej Judas ika tlen okichi, uan tlen techmachtia tejuan? (Gén. 4:7; 2 Cor. 2:11; Gál. 6:1; Sant. 1:13, 14.)
2) ¿Tlen tlamachtil tlen melajka sapanoa miak ipati otechmakak Jesús? (Juan 13:15; Mat. 23:11; 1 Ped. 2:21.)
4. Xiktlajtolti Juan 17:1-26.
¿Tlen kijtosneki ijkuak Jesús okinmilui imachtijkauan ma yetokan “san se”? (Juan 17:11, 21-23; Rom. 13:8; 14:19; Col. 3:14.)
Jesús itech xochitlali Getsemaní
1. ¿Kanin oyajkej Jesús uan itlatitlaniluan satepan okiskej itech kali tlen okatka tlakpak, uan tlen okinmilui ma kichiuakan?
2. ¿Ken okinmajsito Jesús itlatitlaniluan ijkuak oksepa omokuepki kanin yejuan okatkaj, uan keskipa ijkon opanok?
3. Ken moita itech tlaixkopinal, ¿akinmej okalakej itech non xochitlali, uan tlen okichi Judas Iscariote?
4. ¿Tleka Judas okixpipitso Jesús, uan tlen okichi Pedro?
5. ¿Tlen okilui Jesús tlatitlanil Pedro, maski ijkon, tleka Jesús amo okitlajtlanili toTajtsin Dios ma kititlani se ángel?
Oksekimej tlajtlanilmej:
1. Xiktlajtolti Mateo 26:36-56.
1) ¿Tleka se kuali neskayotl pampa tlayekankej akinmej kichiuaj ken Cristo, itech ken Jesús okintlapoui imachtijkauan? (Mat. 20:25-28; 26:40, 41; Gál. 5:17; Efe. 4:29, 31, 32.)
2) ¿Kuali okitayaj Jesús ma motekitilti teposmej pampa ika timopaleuiskej? (Mat. 26:52; Luc. 6:27, 28; Juan 18:36.)
2. Xiktlajtolti Lucas 22:39-53.
Ijkuak se ángel okiyolchika Jesús itech Getsemaní, ¿kijtosneki Jesús amo chikauak okipiaya itlaneltokilis? Xikijto tleka ijkon titlanankilia (Luc. 22:41-43; Isa. 49:8; Mat. 4:10, 11; Heb. 5:7).
3. Xiktlajtolti Juan 18:1-12.
¿Ken okinmalui Jesús imachtijkauan itech akinmej okinkokoliayaj, uan tlen techmachtia? (Juan 10:11, 12; 18:1, 6-9; Heb. 13:6; Sant. 2:25.)
Okimiktijkej Jesús
1. ¿Akin melajka okinekiaya ma kimiktikan Jesús?
2. ¿Tlen okichijkej itlatitlaniluan Jesús ijkuak tlayekankej teopixkamej okiuikakej Jesús?
3. ¿Tlen opanok itech ikalijtik ueyi teopixki Caifás?
4. ¿Tleka oyajki Pedro uan opejki choka?
5. Ijkuak oksepa okiuikakej Jesús ixpan Pilato, ¿tlen chikauak okijtojkej teopixkamej tlen okachi otlayekanayaj?
6. ¿Tlen okipanok Jesús itech tonal viernes ijkuak yitiotlak, uan tlen itlajtol okimakak se tlakatl tlen opilkatoka inakastlan?
7. ¿Kanin yetos xochitlali tlen okijto Jesús?
Oksekimej tlajtlanilmej:
1. Xiktlajtolti Mateo 26:57-75.
¿Ken okiteititijkej akinmej okatkaj itech Sanedrín yejuan amo yolkualmej okatkaj? (Mat. 26:59, 67, 68.)
2. Xiktlajtolti Mateo 27:1-50.
¿Tleka uelis tikijtoskej amo melauak omoyolkuepki Judas? (Mat. 27:3, 4; Mar. 3:29; 14:21; 2 Cor. 7:10, 11.)
3. Xiktlajtolti Lucas 22:54-71.
¿Tlen techmachtia tlen okichi Pedro ijkuak okijto amo okixmatiaya Jesús itech yoak ijkuak okikitskijkej? (Luc. 22:60-62; Mat. 26:31-35; 1 Cor. 10:12.)
4. Xiktlajtolti Lucas 23:1-49.
¿Tlen okichi Jesús ijkuak okichiuilijkej tlen amo kuali, uan tlen techmachtia? (Luc. 23:33, 34; Rom. 12:17-19; 1 Ped. 2:23.)
5. Xiktlajtolti Juan 18:12-40.
¿Tlen techititia, ken maski Pedro okinmauili tlaltikpaktlakamej, satepan ye omoyolchika uan omochi se kuali tlatitlanil? (Juan 18:25-27; 1 Cor. 4:2; 1 Ped. 3:14, 15; 5:8, 9.)
6. Xiktlajtolti Juan 19:1-30.
1) ¿Ken kuali omokuayejyekoaya Jesús itech tlamantli tlen ika tipanotiuij? (Juan 2:1, 2, 9, 10; 19:23, 24; Mat. 6:31, 32; 8:20.)
2) ¿Tleka saiktlami tlajtolmej tlen okijto Jesús okiteititi okipaleui itlanauatijkayo Jehová? (Juan 16:33; 19:30; 2 Ped. 3:14; 1 Juan 5:4.)
Jesús yoltok
1. ¿Akin siuatl tlen moita itech tlaixkopinal, akinmej ome tlakamej, uan kanin katej?
2. ¿Tleka Pilato okinnauati teopixkamej ma kintitlanikan sekimej soldados pampa kimaluijtoskiaj mikakoyoktli kanin okitokakej Jesús?
3. ¿Tlen okichi se ángel eyi tonal satepan okimiktijkej Jesús ijkuak yikin otlaneski, maski ijkon, tlen okichijkej teopixkamej?
4. ¿Tleka omotlajtlachialtijkej sekimej siuamej ijkuak okitatoj imikakoyoktli Jesús?
5. ¿Tleka Pedro uan Juan omotlalojkej itech imikakoyoktli Jesús, uan tlen okitakej?
6. ¿Tlen opanok ika inakayo Jesús, uan tlen okichi ye pampa kinmititiskia imachtijkauan ye oyoltoka?
Oksekimej tlajtlanilmej:
1. Xiktlajtolti Mateo 27:62-66 uan 28:1-15.
Ijkuak okiyolitijkej Jesús, ¿ken otlajtlakolchijkej ixpan espíritu santo tlayekankej teopixkamej, fariseos uan tlayekankej tetajtsitsintin? (Mat. 12:24, 31, 32; 28:11-15.)
2. Xiktlajtolti Lucas 24:1-12.
Ika tlen opanok ijkuak okiyolitijkej Jesús, ¿ken kinextia Jehová motenmachia itech siuamej? (Luc. 24:4, 9, 10; Mat. 28:1-7.)
3. Xiktlajtolti Juan 20:1-12.
¿Ken techpaleuia Juan 20:8, 9, pampa amo ma timotekipachokan tla amo tikajsikamati ken mochiuas se tlajtoli tlen omoijto mochiuas itech Biblia? (Pro. 4:18; Mat. 17:22, 23; Luc. 24:5-8; Juan 16:12.)
Okalak Jesús maski kaltlatsakuil otsaktoka
1. ¿Tlen okilui María se tlakatl akin ye okineltokak okinmatekiaya xochimej, uan ken okimatki non tlakatl okatka Jesús?
2. ¿Tlen opanok ijkuak ome imachtijkauan Jesús oyayaj itech ojtli tlen oteuikaya itech altepetl Emaús?
3. ¿Tlen tlamantli tlen tetlajtlachialtia opanok ijkuak ome imachtijkauan Jesús okinmiluijkej tlatitlaniltin yejuan okitakej Jesús?
4. ¿Keskipa omonexti Jesús ixpan imachtijkauan?
5. ¿Tlen okijto Tomás ijkuak oksekimej okijtojkej okitakej Jesús, uan tlen opanok chikueyi tonal satepan?
Oksekimej tlajtlanilmej:
1. Xiktlajtolti Juan 20:11-29.
¿Okijto Jesús itech Juan 20:23 tlaltikpaktlakamej uelis kintlapojpoluiskej akinmej okichijkej se tlajtlakoli? Xikyekijto (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).
2. Xiktlajtolti Lucas 24:13-43.
¿Ken uelis tikyektlaliskej toyolo pampa uelis kiselis tlen melauak tlen moijtoa itech Biblia? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)
Jesús oyajki iluikak
1. ¿Keski imachtijkauan Jesús okitakej se tonal, uan tlen okinmilui?
2. ¿Tlen iTekiuajkayo toTajtsin Dios, uan ken yetos nemilistli ijkuak Jesús tlanauatis itech Tlaltikpak itech mil xiuitl?
3. ¿Keski tonalmej Jesús okinmonextili imachtijkauan, uan tlen omonekiaya ma pano?
4. ¿Tlen okinnauati Jesús imachtijkauan achto yaskia iluikak?
5. ¿Tlen moita itech tlaixkopinal, uan ken oualpoliuik Jesús?
Oksekimej tlajtlanilmej:
1. Xiktlajtolti 1 Corintios 15:3-8.
¿Tleka Pablo ouelitki okijto ika miak tlaneltokilistli melauak okiyolitijkej Jesús? ¿Uan itech tlen uelis tejuan titlajtoskej ika miak tlaneltokilistli? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)
2. Xiktlajtolti Hechos 1:1-11.
Ken omoijto itech Hechos 1:8, ¿kanin yoajsik tetlapouilistli? (Hech. 6:7; 9:31; 11:19-21; Col. 1:23.)
Omochixkej itech Jerusalén
1. Ken moita itech tlaixkopinal, ¿tlen okinpanok imachtijkauan Jesús tlen omochixtokaj Jerusalén?
2. ¿Tlen tlamantli okintlajtlachialtij akinmej okatkaj Jerusalén?
3. ¿Tlen okinyekilui Pedro tlaltikpaktlakamej?
4. ¿Ken omomachilijkej miakej tlaltikpaktlakamej ijkuak okikakej tlen Pedro okinmilui, uan tlen omonekiayaj kichiuaskej?
5. ¿Keski tlaltikpaktlakamej omoapolaktijkej itech Pentecostés itech xiuitl 33?
Oksekimej tlajtlanilmej:
1. Xiktlajtolti Hechos 2:1-47.
1) Ijkon ken kijtoa Hechos 2:23, 36, ¿tleka moijtoa nochi altepetl judío okatka intlajtlakol omikik Jesús? (1 Tes. 2:14, 15.)
2) ¿Tlen kuali neskayotl okitemakak Pedro ken moneki se ma kintlayejyekolti tlaltikpaktlakamej ika iTlajtol toTajtsin Dios? (Hech. 2:16, 17, 29, 31, 36, 39; Col. 4.6.)
3) Pampa Jesús okilui Pedro kimakaskia llaves tlen kitlapoa Tekiuajkayotl itech iluikak, ¿ken okitekitilti achto llave? (Hech. 2:14, 22-24, 37, 38; Mat. 16:19.)
Okiskej itech telpiloyan
1. ¿Tlen okinpanok tlatitlanil Pedro uan tlatitlanil Juan se tiotlak ijkuak oyajkej itech teokali?
2. ¿Tlen okilui Pedro tlakatl akin okatka koxo, uan tlen okimakak tlen okachi miak ipati amo ken tomin?
3. ¿Tleka okualankej tlayekankej teopixkamej, uan tlen okinchiuilijkej tlatitlanil Pedro uan tlatitlanil Juan?
4. ¿Tlen okinmilui Pedro tlayekankej teopixkamej, uan ken okinnejmachtijkej tlatitlaniltin?
5. ¿Tleka tlayekankej teopixkamej okinnexikolitakej tlatitlaniltin, uan tlen opanok ijkuak ojpa okintsakej itech telpiloyan?
6. ¿Tlen okichijkej tlatitlaniltin ijkuak okinuikakej ixpan Sanedrín?
Oksekimej tlajtlanilmej:
1. Xiktlajtolti Hechos 3:1-10.
Maski amo ueli tikchiuaj milagros axan itech ninmej tonalmej, ¿ken techpaleuia itlajtoluan Pedro tlen ijkuilitok itech Hechos 3:6 pampa ma tikpatioitakan tlajtoli itech iTekiuajkayo toTajtsin Dios? (Juan 17:3; 2 Cor. 5:18-20; Fili. 3:8.)
2. Xiktlajtolti Hechos 4:1-31.
Ijkuak tikpiaj ouijkayotl ijkuak titetlapouiaj, ¿ken uelis se kichiuas ken okichijkej tokniuan akinmej okichiuayaj ken Cristo itech achto siglo? (Hech. 4:29, 31; Efe. 6:18-20; 1 Tes. 2:2.)
3. Xiktlajtolti Hechos 5:17-42.
Ijkon ken yiuejkika, ¿axkan ken kuali kita sekimej tlaltikpaktlakamej totetlapouilis maski yejuan amo iTlaixpantijkauan Jehová? (Hech. 5:34-39.)
Esteban okimiktijkej ika tetl
1. ¿Akin okatka Esteban, uan ken okipaleuijtoka toTajtsin Dios itech tlen okichiuaya?
2. ¿Tlen okijto Esteban tlen melauak okinkualani tlayekankej teopixkamej?
3. Ijkuak okitilantiajkej Esteban uan okiuikakej itenpan altepetl, ¿tlen okichiuilijkej?
4. ¿Akin telpochtli tlen moita itech tlaixkopinal tlen kajki inauak intlakenuan tlakamej?
5. Ijkuak ayamo okimiktiayaj Esteban, ¿tlen okitlajtlanili toTajtsin Jehová?
6. ¿Ken uelis tikchiuaskej ijkon ken Esteban ijkuak akaj techchiuilia itlaj tlen amo kuali?
Oksekimej tlajtlanilmej:
1. Xiktlajtolti Hechos 6:8-15.
¿Tlen ika tekajkayauaj tlayekankej itech tlaneltokalismej pampa kinekij kiketsaltiskej itetlapoualis iTlaixpantijkauan Jehová? (Hech. 6:9, 11, 13.)
2. Xiktlajtolti Hechos 7:1-60.
1) ¿Tlen okipaleui Esteban pampa otlajto itech iTlajtol toTajtsin Dios ixpan Sanedrín, uan tlen techititia ineskayo? (Hech. 7:51-53; Rom. 15:4; 2 Tim. 3:14-17; 1 Ped. 3:15.)
2) ¿Ken moneki tikinmitaskej akinmej amo kinekij ma titetlapouikan? (Hech. 7:58-60; Mat. 5:44; Luc. 23:33, 34.)
Ijkuak oyayaj Damasco
1. ¿Tlen okichi Saulo satepan ijkuak okimiktijkej Esteban?
2. ¿Tlen tlamantli tlen tetlajtlachialtia opanok ijkuak Saulo oyaya Damasco?
3. ¿Tlen okinauati Jesús ma kichiua Saulo?
4. ¿Tlen okinauati Jesús ma kichiua Ananías, uan ken oksepa otlachixki Saulo?
5. ¿Ika tlen itoka okixmatkej Saulo, uan tlen kuali tekitl okichi?
Oksekimej tlajtlanilmej:
1. Xiktlajtolti Hechos 8:1-4.
¿Ken omoxitini tetlapouilistli ijkuak okintlajyouiltijkej akinmej yikin opejkej kichiuaj ken Cristo, uan ken noijki ijkon panotok axan itech ninmej tonalmej? (Hech. 8:4; Isa. 54:17.)
2. Xiktlajtolti Hechos 9:1-20.
¿Tlen eyi tekitl okinekiaya Jesús ma kichiua Saulo? (Hech. 9:15; 13:5; 26:1; 27:24; Rom. 11:13.)
3. Xiktlajtolti Hechos 22:6-16.
¿Ken uelis tikchiuaskej ijkon ken Ananías, uan tleka melauak miak ipati? (Hech. 22:12; 1 Tim. 3:7; 1 Ped. 1:14-16; 2:12.)
4. Xiktlajtolti Hechos 26:8-20.
¿Tleka kinyolchikaua akinmej innamik amo momachtiaj Biblia, ineskayo Saulo pampa ye satepan otlalneltokak itech Cristo? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)
Pedro okitlajpaloto Cornelio
1. Itech tlaixkopinal, ¿akin tlakatl tlen motlankuaketsa?
2. ¿Se ángel tlen okilui Cornelio?
3. ¿Tlen okichi toTajtsin Dios ma kita Pedro ijkuak okatka ikuapak ikal Simón itech Jope?
4. ¿Tleka Pedro okilui Cornelio amo ma motlankuaketsa ixpan nion ma kiueyichiua?
5. ¿Tleka judíos akinmej okatkaj iuan Pedro omotlajtlachialtijkej?
6. ¿Tlen techmachtia Pedro ijkuak okitlajpaloto Cornelio?
Oksekimej tlajtlanilmej:
1. Xiktlajtolti Hechos 10:1-48.
¿Tlen techmachtiaj tlajtolmej tlen okijto Pedro tlen tikajsij itech Hechos 10:42 itech tetlapouilistli itech iTekiuajkayo toTajtsin Dios? (Mat. 28:19; Mar. 13:10; Hech. 1:8.)
2. Xiktlajtolti Hechos 11:1-18.
¿Tlen okichi Pedro ijkuak okimatki Jehová yokinselijtoka oksekimej tlaltikpaktlakamej maski amo okatkaj judíos, uan ken uelis tikchiuaskej ijkon ken ye? (Hech. 11:17, 18; 2 Cor. 10:5; Efe. 5:17.)
Timoteo okipaleuiaya Pablo
1. ¿Akin telpochtli tlen moita itech tlaixkopinal? ¿Kanin ochantiaya? ¿Uan ken omotokayotiayaj inantsin uan isitsin?
2. ¿Tlen okijto Timoteo ijkuak Pablo okitlajtlani kox okinekiaya yas iuan ye uan Silas pampa tetlapouiskiaj itech oksekimej uejueyij altepemej?
3. ¿Kanin achto okintokayotijkej imachtijkauan Jesús ken akinmej kichiuaj ken Cristo?
4. ¿Katli sekimej altepemej kanin oyajkej Pablo, Silas uan Timoteo ijkuak okiskej itech Listra?
5. ¿Ken okipaleui Timoteo tlatitlanil Pablo, uan tlen moneki motlajtlaniskej telpokamej uan ichpokamej axan itech ninmej tonalmej?
Oksekimej tlajtlanilmej:
1. Xiktlajtolti Hechos 9:19-30.
¿Ken okiteititi Pablo ye kuali omokuayejyeko ijkuak okipixki ouijkayotl ijkuak otetlapoui itech iTlajtol toTajtsin Dios? (Hech. 9:22-25, 29, 30; Mat. 10:16.)
2. Xiktlajtolti Hechos 11:19-26.
¿Ken kiteititia tlen kijtoa Hechos 11:19-21, 26 iespíritu santo Jehová kiyekantok tetlapouilistli?
3. Xiktlajtolti Hechos 13:13-16, 42-52.
¿Ken kiteititia Hechos 13:51, 52 imachtijkauan Jesús amo omosojsotlajkej ijkuak okipanokej ouijkayotl? (Mat. 10:14; Hech. 18:6; 1 Ped. 4:14.)
4. Xiktlajtolti Hechos 14:1-6, 19-28.
¿Ken techyolchikauaj tlajtolmej tlen kijtoa “okintlalijkej ipan imatsin Jehová” tla timotekipachoskej ijkuak tiknekij tikinpaleuiskej akinmej yikin peuaj momachtiaj? (Hech. 14:21-23; 20:32; Juan 6:44.)
5. Xiktlajtolti Hechos 16:1-5.
Ijkuak Timoteo okinek ma kichiuilikan circuncisión, ¿ken techititia nin tejuan noijki moneki tikchiuaskej nochi tlen uelis pampa ma motematilti iTlajtol toTajtsin Dios? (Hech. 16:3; 1 Cor. 9:23; 1 Tes. 2:8.)
6. Xiktlajtolti Hechos 18:1-11, 18-22.
Ijkon ken kijtoa Hechos 18:9, 10, ¿ken kiteititia nin Jesús kiyekantok tetlapouilistli, uan ken techyolchikaua axan itech ninmej tonalmej? (Mat. 28:20.)
Se telpochtli okochki
1. ¿Akin telpochtli tlen kajki ipan tlali, uan tlen okipanok?
2. ¿Tlen okichi Pablo ijkuak okitak telpochtli omikik?
3. ¿Kanin oyajkej Pablo, Timoteo uan akinmej iuan oyayaj, uan tlen opanok ijkuak omoketskej Mileto?
4. ¿Tlen okijto teotlajtojki Ágabo kipanoskia Pablo, uan ken omochi tlen okijto teotlajtojki?
Oksekimej tlajtlanilmej:
1. Xiktlajtolti Hechos 20:7-38.
1) Ken okijto Pablo itech Hechos 20:26, 27, ¿ken uelis noijki tejuan tikijtoskej amo totlajtlakol tla akaj amo kineltoka iTlajtol toTajtsin Dios? (Eze. 33:8; Hech. 18:6, 7.)
2) ¿Tleka tlayekankej itech tlanechikolmej moneki tlamachtiskej san ken ijkuilitok itech iTlajtol toTajtsin Dios? (Hech. 20:17, 29, 30; Tito 1:7-9; 2 Tim. 1:13.)
2. Xiktlajtolti Hechos 26:24-32.
Ken Pablo okatka romano, ¿ken okipaleui non ijkuak otetlapoui itech tlajtoli tlen Jesús okinauati? (Hech. 9:15; 16:37, 38; 25:11, 12; 26:32; Luc. 21:12, 13.)
Omomakixtijkej itech Malta
1. ¿Tlen opanok ika barco kanin oyaya Pablo ijkuak opanok ik Creta?
2. ¿Tlen okinmilui Pablo nochtin akinmej oyayaj itech barco?
3. ¿Tleka barco oxixinki?
4. ¿Tlen otlanauati soldado akin otlayekanaya itech barco, uan keski tlaltikpaktlakamej oajsitoj itech tlali uan omomakixtijkej?
5. ¿Ken itoka tlali kanin oajsitoj, uan tlen okichijkej ika Pablo ijkuak nochi yotlapanok?
Oksekimej tlajtlanilmej:
1. Xiktlajtolti Hechos 27:1-44.
¿Ken kichiua okachi ma tikneltokakan tlen ijkuilitok itech Biblia pampa kijtoa tlen opanok ijkuak Pablo okiuikakej Roma? (Hech. 27:16-19, 27-32; Luc. 1:3; 2 Tim. 3:16, 17.)
2. Xiktlajtolti Hechos 28:1-14.
Tla akinmej ochantiayaj itech Malta, amo otlaneltokayaj itech Jehová, uan okiselijkej tlatitlanil Pablo uan akinmej iuan oyayaj ika miak tlasojtlalistli, ¿tlen techyolinia nin ma tikchiuakan, uan ken moneki ma tikchiuakan? (Hech. 28:1, 2; Heb. 13:1, 2; 1 Ped. 4:9.)
Pablo okatka Roma
1. ¿Akin okitlapoui Pablo ijkuak otsaktoka Roma?
2. ¿Akin tlakatl tlen yetok inauak mesa, uan tlen okilui Pablo ma kichiua?
3. ¿Akin okatka Epafrodito uan tlen okiuikak ijkuak omokuepki Filipos?
4. ¿Tleka Pablo okijkuilili se amatlajkuilol iyolikni Filemón?
5. ¿Tlen okichi Pablo ijkuak okiski itech telpiloyan, uan tlen okipanok satepan?
6. ¿Akin okinauati Jehová ma kijkuilo saiktlami amochtin tlen katej itech Biblia, uan tlen kijtoa amochtli Apocalipsis?
Oksekimej tlajtlanilmej:
1. Xiktlajtolti Hechos 28:16-31 uan Filipenses 1:13.
¿Tlen okichi Pablo ijkuak otsaktoka Roma, uan ken okinyolchika tokniuan ueyi tlaneltokilistli tlen Pablo okipixki? (Hech. 28:23, 30; Fili. 1:14.)
2. Xiktlajtolti Filipenses 2:19-30.
¿Ika tlen tlajtolmej Pablo okiteititi okintlasojtlaya Timoteo uan Epafrodito, uan ken uelis tikchiuaskej ijkon ken Pablo? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)
3. Xiktlajtolti Filemón 1-25.
1) ¿Ika tlen tlajtolmej Pablo okilui Filemón ma kichiua tlen kuali, uan ken kinpaleuia nin tokniuan tlayekankej? (File. 9; 2 Cor. 8:8; Gál. 5:13.)
2) ¿Ken okiteititi itlajtoluan Pablo tlen ijkuilijtokej itech Filemón 13, 14, ye okitlakaitaya ken omokuayejyekoaya nochtin tlen okatkaj itech tlanechikol? (1 Cor. 8:7, 13; 10:31-33.)
4. Xiktlajtolti 2 Timoteo 4:7-9.
Ijkon ken tlatitlanil Pablo, ¿tleka uelis tikchiaskej Jehová techteochiuas tla nochipa tiyetoskej tiyolmelajkej? (Mat. 24:13; Heb. 6:10.)
Ijkuak tlamis nochi tlen amo kuali
1. ¿Tleka Biblia tlajtoa itech caballos itech iluikak?
2. ¿Ken itoka iguerra toTajtsin Dios tlen kiualikas pampa tlaltikpaktlakamej tlen amo yolkualmej, uan tleka kiualikas?
3. Ken moita itech tlaixkopinal, ¿akin kiyekanas nin guerra, tleka kipia se corona ipan itsonteko, uan tlen kijtosneki espada tlen kiuika itech ima?
4. Ken otikitakej itech tlapoualismej 10, 15 uan 33, ¿tleka amo techtlajtlachialtia tikmatiskej toTajtsin Dios kinmixpolos nochtin tlaltikpaktlakamej tlen amo yolkualmej?
5. ¿Ken kiteititia tlapoualismej 36 uan 76 toTajtsin Dios kinmixpolos tlaltikpaktlakamej tlen amo yolkualmej maski kijtoa kiueyichiuaj?
Oksekimej tlajtlanilmej:
1. Xiktlajtolti Apocalipsis 19:11-16.
1) ¿Ken kiteititia Biblia akin yaui ipan caballo istak ye Jesucristo? (Ap. 1:5; 3:14; 19:11; Isa. 11:4.)
2) ¿Ken kiteititia estli tlen kajki itech itlaken Jesús ye tlatlanis? (Ap. 14:18-20; 19:13.)
3) ¿Akinmej uelis tikijtoskej uitsej iuan Jesús akin uits ipan icaballo istak? (Ap. 12:7; 19:14; Mat. 25:31, 32.)
Se yankuik xochitlali ipan Tlaltikpak
1. Ijkon ken kijtoa Biblia, ¿tlen tlateochiualismej tikpiaskej itech Xochitlali nikan ipan Tlaltikpak?
2. ¿Tlen tlateochiualismej kijtoa Biblia kipiaskej akinmej yetoskej itech Xochitlali?
3. ¿Keman kichiuas Jesús ma mochiua nochi nin tlamantli tlen kualtsin?
4. Ijkuak Jesús okatka itech Tlaltikpak, ¿tlen okichi pampa okiteititi tlen kichiuas ye ken ueyi Tekiua itech iTekiuajkayo toTajtsin Dios?
5. ¿Tlen kichiuas Jesús uan akinmej noijki ualtlanauatiskej iuan ye itech iluikak?
Oksekimej tlajtlanilmej:
1. Xiktlajtolti Apocalipsis 5:9, 10.
¿Tleka uelis tikijtoskej tekiuajkej uan teopixkamej tlen tlanauatiskej ipan Tlaltikpak itech Mil Xiuitl yejuan teiknomatiskej uan tetlasojtlaskej? (Efe. 4:20-24; 1 Ped. 1:7; 3:8; 5:6-10.)
2. Xiktlajtolti Apocalipsis 14:1-3.
¿Tlen kijtosneki 144,000 kipiaj ijkuilitok itech inmixkuapan intoka Jehová uan Jesús? (1 Cor. 3:23; 2 Tim. 2:19; Ap. 3:12.)
Ken uelis tiyoltoskej nochipa
1. ¿Tlen moneki timomachtiskej tla tiknekij tiyoltoskej nochipa?
2. ¿Ken uelis timomachtiskej itech toTajtsin Jehová uan Jesús, ijkon ken kichijtokej ichpokatsin uan iyolikniuan itech tlaixkopinal?
3. ¿Tlen okse amochtli moita itech tlaixkopinal, uan tleka moneki nochipa tiktlajtoltiskej?
4. Maski moneki timomachtiskej itech Jehová uan Jesús, ¿tlen okachi moneki ma tikchiuakan?
5. ¿Tlen techmachtia tlapoualistli 69?
6. ¿Tlen techmachtia ineskayo chokotsin Samuel, itech tlapoualistli 55?
7. ¿Ken uelis tikchiuaskej ijkon ken Jesús, uan tla tikchiuaj, tlen tlateochiualismej uelis tikpiaskej satepan?
Oksekimej tlajtlanilmej:
1. Xiktlajtolti Juan 17:3.
¿Ken techmachtia Biblia ken ijkuak timomachtiaj itech Jehová uan Jesús amo san kijtosneki tikmatiskej miakej tlajtolmej? (Mat. 7:21; Sant. 2:18-20; 1 Juan 2:17.)
2. Xiktlajtolti Salmo 145:1-21.
1) ¿Katli sekimej tlamantli techyolinia ma tikueyichiuakan Jehová? (Sal. 145:8-11; Ap. 4:11.)
2) ¿Tleka tikijtoa Jehová yolkuali inauak nochtin, uan ken uelis nin kichiuas okachi ma tiyetokan inauak Jehová? (Sal. 145:9; Mat. 5:43-45.)
3) Tla tiktlasojtla Jehová, ¿tlen tiknekiskej tikchiuaskej? (Sal. 119:171, 172, 175; 145:11, 12, 21.)
