TLAMACHTIL 21
¿Ken motematiltia tlen kichiuas toTajtsin Dios?
Ayakmo miak poliui toTajtsin Dios ika iTekiuajkayo kipojpolos nochi tlen techtlajyouiltia uan tiknekij nochtin makimatikan tlen ye kichiuas. Jesús okinekiaya nochtin makinmatiltikan tlen kichiuas toTajtsin Dios (Mateo 28:19, 20). ¿Ken kiteititiaj iTlaixpantijkauan Jehová kitlakamatij Jesús?
1. ¿Ken mochijtok tlen kijtoua Mateo 24:14?
Jesús okijto: “Ipan nochi tlaltikpak, motetlapouis kuali tlajtoli” (Mateo 24:14, TNM). TiiTlaixpantijkauan Jehová techpaktia titetlapouiskej, titetlapouiaj itech nochi tlaltikpak kanaj ika 1,000 tlajtolmej. Moneki sapanoua timochijchikauaskej para tikchiuaskej nin tekitl miak ipatiuan ijkon tikchiuaj porque Jehová techpaleuia.
2. ¿Tlen tikchiuaj para nochtin tikintlapouiskej?
San kanin titetlapouiaj. Titetlapouiaj “kajkalpan” ijkon ken okichiuayaj tokniuan itech achto siglo (Hechos 5:42). Ijkon miakej tikintlapouiaj. Pero ualeua amo tikinmajsij inkalijtik, ikinon titetlapouiaj kanin miakej katej. Nochipa timochijchikauaj tiktematiltiskej akin toTajtsin Dios uan tlen kichiuas.
3. ¿Akinmej moneki kitematiltiskej tlen toTajtsin Dios kichiuas?
Nochtin akinmej kichiuaj ken Cristo. Tejuan amo tikajauilmatij tlen toTajtsin Dios kineki matikchiuakan. Timochijchikauaj titetlapouiskej porque tikmatokej miakej uelis momakixtiskej (xiktlajtolti 1 Timoteo 4:16). Ijkuak titetlapouiaj amikaj techtlaxtlauia, Biblia kijtoua: “Amo onankitlaxtlajkej tlen onankiselijkej ikinon noijki ijkon xiktemakakan” (Mateo 10:7, 8). Titetlapouiaj maski miakej amo kinekij techkakiskej, ijkon tikchiuaj porque tiknekij tiktlakamatiskej uan tikyolpaktiskej Jehová.
MATIMOMACHTIKAN
Matikitakan tlen kichiuaj iTlaixpantijkauan Jehová para nochtin kintlapouiskej uan noijki ken kinpaleuia Jehová.
Titetlapouiaj itech nochi tlaltikpak: (A) Costa Rica; (B) Estados Unidos; (C) Benín; (D) Tailandia; (E) Yap (Micronesia); (F) Suecia.
4. Timochijchikauaj nochtin tikintlapouiskej
TiiTlaixpantijkauan Jehová timochijchikauaj nochtin tikintlapouiskej maski san kanin katej akinmej tikintlapouiaj. Xikitakan VIDEO uan satepan xikitakan tlen namechmachtia.
-
¿Ken tikita nochi tlen kichiuaj iTlaixpantijkauan Jehová para nochtin kintlapouiskej?
Xiktlajtoltikan Mateo 22:39 uan Romanos 10:13-15 uan satepan xikitakan tlen namechmachtia.
-
¿Ken tikteititiaj titetlasojtlaj ijkuak titetlapouiaj?
-
¿Ken kinmita toTajtsin Dios akinmej tetlapouiaj? (Xikitakan versículo 15).
5. Tikpaleuiaj toTajtsin Dios
Seki tlamantli kiteititia Jehová techyekana ijkuak titetlapouiaj. Matikitakan tlen opanok Nueva Zelanda. Se tonal se tokni tlen itoka Paul otetlapouito uan omotlapoui iuan se siuatl. Non tonal siuatl omotlatlaujti uan okinotski Jehová ika itoka, okilui ikaj makitlapouiti iTlajtol. Tokni Paul okijto: “Ijkuak opanok eyi hora, ne oniktlajpaloto”.
Xiktlajtoltikan 1 Corintios 3:9 uan satepan xikitakan tlen namechmachtia.
-
¿Tleka tlen opanok Nueva Zelanda kiteititia Jehová techyekana ijkuak titetlapouiaj?
Xiktlajtoltikan Hechos 1:8 uan satepan xikitakan tlen namechmachtia.
-
¿Tleka moneki matechpaleui Jehová matitetlapouikan?
¿Otikmatiaya?
Ijkuak timonechikouaj sejse semana techititiaj ken uelis titetlapouiskej. Tla touan yotimonechiko, ¿omitspakti tlen ompa techmachtiaj?
6. Ijkuak titetlapouiaj tiktlakamatij tlen toTajtsin Dios otechnauati
Itech achto siglo okinkokoliayaj akinmej okichiuayaj ken Cristo uan amo okinkauiliayaj matetlapouikan. Yejuan oyajkej ixpan tekiuajkej para uelis tetlapouiskiaj (Filipenses 1:7). Axkan tiiTlaixpantijkauan Jehová noijki ijkon tikchiuaj. a
Xiktlajtoltikan Hechos 5:27-42 uan satepan xikitakan tlen namechmachtia.
-
¿Tleka nochipa titetlapouiskej? (Xikitakan versículo 29, 38 uan 39).
SEKIMEJ KIJTOUAJ: “¿Tleka iTlaixpantijkauan Jehová yauij inkalijtik oksekimej para kintlapouiskej?”.
-
¿Tlen tikijtoskia tla ijkon mitstlajtlaniskej?
XIKILNAMIKTO
Jesús okinnauati akinmej okichiuayaj ken ye matetlapouikan itech nochi altepemej. Jehová kinpaleuijtok itekipanojkauan ijkon makichiuakan.
Matikojpauikan
-
¿Tlen tikchiuaj para nochtin tikintlapouiskej?
-
¿Ken tikteititiaj titetlasojtlaj ijkuak titetlapouiaj?
-
¿Timokuayejyekoua techpaleuis matiyolpakikan tla titetlapouiaj? ¿Tleka ijkon tikijtoua?
NIN NOIJKI MITSPAKTIS
Xikita ken miakej tetlapouiaj itech uejueyij altepemej.
¿Ken kinpaleuiaj iTlaixpantijkauan Jehová akinmej mopaleuitiuij itech okse altepetl?
Tikinmachtiaj akin toTajtsin Dios akinmej mopaleuitiuij itech okse altepetl (5:59)
Xikita ken se tokni okachi yolpaki porque okachi tetlapouia.
Tokniuan oyajkej inmixpan tekiuajkej.
a ToTajtsin Dios technauatia matitetlapouikan, ikinon amo moneki tikinmiluiskej tekiuajkej matechkauilikan matiktematiltikan tlen toTajtsin Dios kichiuas.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
