XITLAMACHTI
TLAMACHTIL 10
Ximochijchikaua nochipa xitlamachti
Principio bíblico: “Otipakej timechmatiltiskej kuali tlajtoli tlen kitemaka toTajtsin Dios. Noijki otiknekiayaj tiktemakaskej toyolilis para timechpaleuiskej” (1 Tes. 2:8).
¿Tlen okichi Jesús?
1. Xikita VIDEO noso xiktlajtolti Juan 3:1, 2. Satepan ximotlajtlani:
-
1. ¿Tleka Nicodemo youak okitato Jesús? (Xikita Juan 12:42, 43).
-
2. ¿Ken okiteititi Jesús okinekiaya tlamachtis ijkuak se youak omotlapoui iuan Nicodemo?
¿Tlen techmachtia tlen okichi Jesús?
2. Tejuan tikintlasojtlaj oksekimej ikinon tiknekij tikinpaleuiskej mamomachtikan.
Xikchiua ijkon ken Jesús okichi
3. Xikmachti akin tikmachtia ijkuak ueli uan kanin ye kineki. Akin tikmachtia ¿kineki momachtis okse tonal noso okse hora? ¿Kineki momachtis kanin tekipanoua, ikalijtik noso oksekan? Ximochijchikaua tikmachtis ijkuak ye kineki.
4. Ximochijchikaua nochipa xitlamachti. Tla se tonal amo uelis tikmachtis akin tikmachtia, uelis ijkin tikchiuas:
5. Xikilui Jehová mamitspaleui kuali ximokuayejyeko. Xikilui Jehová mamitspaleui para okachi tikpaleuis akin tikmachtia maski amo nochipa momachtia noso amo san niman kichiua tlen momachtijtok (Filip. 2:13). Noijki xikilui Jehová mamitspaleui xikita tlen kuali kichiua.
NOIJKI XIKITA
Prov. 3:27; Hech. 20:35; 2 Cor. 12:15