IJKUAK IKAJ PEUAS TIKTLAPOUIS
TLAMACHTIL 4
Xikteititi tiyolyamanki
Principio bíblico: “Xiyetokan nanyolyamankej uan xikinmitakan oksekimej okachi ueyititokej” (Filip. 2:3).
¿Tlen okichi Pablo?
1. Xikita VIDEO noso xiktlajtolti Hechos 26:2, 3. Satepan ximotlajtlani:
-
1. ¿Ken okiteititi Pablo okatka yolyamanki ijkuak okitlapoui tekiua Agripa?
-
2. ¿Ken okiteititi Pablo tlen otlamachtiaya okatka iTlajtol toTajtsin Dios? (Xikita Hechos 26:22).
¿Tlen techmachtia tlen okichi Pablo?
2. Tla tiyolyamankej uan titetlakaitaj xamo okachi techkakiskej ijkuak titetlapouiaj.
Xikchiua ijkon ken Pablo okichi
3. Amo xikteititi te okachi tiixtlamatki. Amo xikteititi te nochi tikmati uan amo ximokuayejyeko amitlaj kimati akin tiktlapouia. Xiktlakaita ijkuak tiktlapouia.
4. Xikteititi titlamachtia iTlajtol toTajtsin Dios. Biblia iTlajtol toTajtsin Dios ikinon uelis ajsis itech iyolo akin tiktlapouia. Tikpaleuis matlaneltoka tla tikiluis tlen kijtoua Biblia.
5. Xitetlasojtla. Amo xikijto te okachi kuali titlamachtia porque tejuan amo tiknekij timokualaniskej inuan oksekimej. Tla tiyolyamanki mitspaleuis amo san niman xikualani uan tikmatis tlen tikchiuas tla amo kineki mitskakis akin tiktlapouia (Prov. 17:14; Tito 3:2). Tla tikteititia tiktlasojtla akin tiktlapouia xamo okse tonal kinekis techkakis.
