IJKUAK IKAJ PEUAS TIKTLAPOUIS
TLAMACHTIL 5
Xikinyektlapoui oksekimej
Principio bíblico: “Nochipa xikijtokan tlen teyolpakti” (Col. 4:6).
¿Tlen okichi Pablo?
1. Xikita VIDEO noso xiktlajtolti Hechos 17:22, 23. Satepan ximotlajtlani:
-
1. ¿Tlen okimachili Pablo ijkuak okitak ompa Atenas okinpiayaj miakej imágenes? (Xikita Hechos 17:16).
-
2. ¿Tlen okipaleui Pablo makinyektlapoui akinmej ochantiayaj Atenas?
¿Tlen techmachtia tlen okichi Pablo?
2. Okachi techkakiskej tla kuali timokuayejyekouaj tlen tikijtoskej.
Xikchiua ijkon ken Pablo okichi
3. Kuali ximokuayejyeko tlen tikijtos. Tla tiktlapouia akin amo kineltoka Cristo, xamo moneki tikiluis okseki tlamantli para tiktlapouis tlen kijtoua Biblia noso tikiluis akin Jesús.
4. Amo san niman xikilui amo kuali tlen kijtoua. Xikkauili akin tiktlapouia makijto tlen mokuayejyekoua. Noijki amo san niman xikilui amo kuali tlen okijto tla mitsiluia tlen amo kajki itech Biblia (Sant. 1:19). Tla kuali tikkaki tlen mitsiluia tikajsikamatis tlen kineltoka (Prov. 20:5).
5. Xiktlasojkamatili tlen mitsiluia. Xikilnamikto akin tiktlapouia xamo kineltoka ika nochi iyolo tlen mitsiluia. Achto xikita tlen ye uan te nankineltokaj uan satepan yolik xikpaleui makajsikamati tlen kijtoua Biblia.
NOIJKI XIKITA
Prov. 25:15; 2 Tim. 2:23-26; 1 Ped. 3:15
