Pablo uan Silas okitlakuikilijkej Jehová ijkuak otsaktokaj (Hech. 16:25). Tokniuan noijki okitlakuikilijkej Jehová ijkuak nazis okintsakej itech Sachsenhausen itech ueyi altepetl Alemania uan ijkuak okinuikakej Siberia. Ninmej neskayomej kiteititiaj tlakuikalmej techyolchikauaj ijkuak titlajyouiaj.

Amochtlakuikal Cantemos con gozo a Jehová, yetos itech miakej tlatlamantli tlajtolmej. Ijkuak tikseliskej, uelis titlakuikaskej ijkuak tikueyichiuaj Jehová ken kalchanejkej uan ijkon amo tikinmilkauaskej tlakuikalmej (Efes. 5:19). Ijkuak tikpiaskej ouijkayotl espíritu santo techilnamiktis tlen kijtoaj tlakuikalmej. Ninmej techpaleuiskej ma tikilnamiktokan tlen kichiuas Jehová. Noijki techyolchikauaj ijkuak tikpiaj ouijkayotl. Uan maski kuali tiyetoskej, ken kipiaj tlajtoli tlen teyolchikauaj titlakuikaskej ika miak pakilistli (1 Crón. 15:16; Sal. 33:1-3). Ik non, ma timochijchikauakan ma tikintekitiltikan tlakuikalmej itech Tekiuajkayotl.

IJKUAK YONANKITAKEJ VIDEO SE TLAKUIKALI TLEN TEYOLCHIKAUA, XIKINNANKILIKAN NINMEJ TLAJTLANILMEJ:

• ¿Tleka tokni Frost okijkuilo se tlakuikali?

• ¿Ken okinyolchika non tlakuikali tokniuan tlen otsaktokaj itech Sachsenhausen?

• ¿Keman uelis mitsyolchikauaskej tlakuikalmej itech Tekiuajkayotl?

• ¿Tlen tlakuikalmej mitspaktiskia timomachtis?