Ijkuak ikaj amo moyolkopa, kikixtiaj itech tlanechikol, non kipaleuia para ma moyektlali uan tlanechikol kajki chipauak (1 Cor. 5:6, 11). Tikteititiaj titetlasojtlaj ijkuak Jehová ikaj kiyektlalia. ¿Pero tleka tikijtouaj titetlasojtlaj tla miakej moyolkokouaj ken ifamiliares uan akinmej pouij itech comité judicial?

Achto porque tikteititiskej tiktlasojtlaj uan tiktlakaitaj Jehová uan itlanauatiluan tlen kijtouaj ken moneki tikpiaskej tonemilis (1 Ped. 1:14-16). Noijki tikteititiaj tiktlasojtlaj akin kikixtiaj itech tlanechikol. Maski teyolkoko, uelis moyektlalis uan “kipias yolsewílistli iwa yeknemis” (Heb. 12:5, 6, 11). Tla ok timouikaj iuan akin okikixtijkej itech tlanechikol noso iuan ikaj tlen ayakmo kineki kitekichiuilis Jehová, tikteititiaj amo tikkauiliaj Jehová ma kiyektlali. Ma tikilnamikikan Jehová ikaj kiyektlalia hasta kanin moneki (Jer. 30:11). Tiknekij oksepa ma kitekichiuili Jehová. Ik non, ma tiktlakamatikan tlen Jehová kijtoua uan okachi kuali iuan ma timouikakan (Is. 1:16-18; 55:7).

IJKUAK YOTIKITAK VIDEO MA TIKTLAKAMATIKAN JEHOVÁ IKA NOCHI TOYOLO, XIKINNANKILI NINMEJ TLAJTLANILMEJ:

• ¿Ken momachiliaj tetajmej ijkuak se inkone ayakmo kitekichiuilia Jehová?

• ¿Ken uelis tokniuan kinpaleuiskej tetajmej tlen ijkon kinpanoua?

• ¿Ken kiteititia Biblia okachi moneki tiktlasojtlaskej uan tiktlakamatiskej Jehová?

• ¿Ken tikteititiaj tiktlakamatij Jehová ijkuak ikaj kikixtiaj itech tlanechikol?