¿Tleka moneki tikinmiluis motatajuan tlen timokuayejyekoua? (Prov. 23:26). Porque Jehová kinkauilia ma mitsmaluikan uan ma mitsyekanakan (Sal. 127:3, 4). Amo uelis mitspaleuiskej tla amo tikinmiluia tlen mitstekipachoua. Noijki amo tikmatis tlen yejuan yikimatij. Pero ¿moneki tikinmiluis nochi tlen mitstekipachoua? Amo, pero amo xikintlatili tlen yejuan moneki kimatiskej (Prov. 3:32).

¿Ken uelis timotlapouis iuan motatajuan? Xikita keman uelis inmiuan timotlapouis. Noijki xikinmijkuilili se carta kanin tikijtos ken timomachilia. Pero ¿tla yejuan kinekij mouan motlapouiskej pero te amo tikneki? Xikilnamiki yejuan kinekij mitspaleuiskej. Xikmato motatajuan moyolikniuan uan mitstlasojtlaj. Tla nochipa inmiuan timotlapouia, mitspaleuis axkan uan satepan (Prov. 4:10-12).

IJKUAK YOTIKITAK VIDEO TELPOCHMEJ UAN ICHPOCHMEJ: ¿KEN UELIS NANMOTLAPOUISKEJ IUAN NAMOTATAJUAN?, XIKINNANKILI NINMEJ TLAJTLANILMEJ:

• ¿Tlen okijtojkej Esther uan Partik?

• ¿Tlen mitsmachtia tlen okichi Jesús?

• ¿Ken mitsititiaj mitstlasojtlaj motatajuan?

• ¿Tlen principios bíblicos mitspaleuis ximotlapoui iuan motatajuan?