Tlen tikpejpenaskej tikchiuaskej moneki mayeto ken Jehová kineki uan ijkon tikyolpaktiskej. Moneki ijkon tikchiuaskej maski itech Biblia amo kajki se tlanauatil tlen kijtoua ijkon matikchiuakan (Prov. 27:11). ¿Ken uelis tikchiuaskej?

Nochipa matiktlajtoltikan Biblia. Ijkuak tiktlajtoltiaj Biblia yetoskia ken timotlapouiaj iuan Jehová. Ijkuak tikitaj ken okimalui ialtepe uan tlen okichijkej sekimej tlakamej uan siuamej techpaleuis matimokuayejyekokan ijkon ken Jehová. Ijkuak itlaj tikpejpenaskej techpaleuis iespíritu santo Jehová matikilnamikikan tlen otimomachtijkej itech Biblia (Juan 14:26).

Matimomachtikan. Ijkuak itlaj tikpejpenaskej matimotlajtlanikan: “¿Tlen textos nechpaleuiskej kuali manikpejpena tlen nikchiuas?”. Matikiluikan Jehová matechpaleui uan matiktekitiltikan tlen Jehová techmakatok ika totlajtol para timomachtiskej principios bíblicos tlen techpaleuis (Sal. 25:4).

IJKUAK YOTIKITAK VIDEO MONEKI MA TIMOTLALOKAN UAN MA TITLAXIKOKAN. MA TIKKUAKAN TLEN TECHPALEUIA, XIKNANKILI NIN:

• ¿Tlen tlamantli okixnamikiaya tokni?

  Xikijkuilo ken tiknankiliskia

• Tla mitspanotok ijkon ken tokni, ¿ken mitspaleuis tlen Jehová techmakatok ika ialtepe?

  Xikijkuilo ken tiknankiliskia

• ¿Tleka moneki timomachtiskej para kuali itlaj tikpejpenaskej? (Heb. 5:13, 14).

  Xikijkuilo ken tiknankiliskia