Jesús okijto, “san ijki ononkiselijkeh, san ijki xiktemakakah” (Mat. 10:8). Amo tikinnemakaj Biblias nion toamatlajkuiloluan ijkon tikteititiaj tiktlakamatij non tlanauatil (2 Cor. 2:17). Ninmej amatlajkuilolmej kipiaj iTlajtol toTajtsin Dios tlen miak ipati. Noijki ijkuak kinchijchiuaj uan kintitlaniliaj tlanechikolmej moneki miak kauitl uan tomin. Ik non, moneki tikinuikaskej san tlen tikintekitiltiskej.

Kuali xikita akinmej tikinmaka amatlajkuilolmej, noijki ijkuak tiyetos itech carritos (Mat. 7:6). Amo san akin xikmaka se amatlajkuilol, achto iuan ximotlapoui uan xikita kox melauak kipaktia kikakis iTlajtol toTajtsin Dios uan ijkon tikmatis kox tikmakas noso amo. Tlajtlanilmej tlen katej itech recuadro mitspaleuis tikmatis akin tikmakas se amatlajkuilol. Tla tikita amo kipaktia, san xikmaka se amatsintli. Tla ikaj techtlajtlanilia se revista noso okse amatlajkuilol, moneki tikmakaskej (Prov. 3:27, 28).