KEN TECHPALEUIA BIBLIA | ISAÍAS 58-62
Ma tiktematiltikan “kuali xiuitl itlanekilis Jehová”
¿Tlen kijtosneki “kuali xiuitl itlanekilis Jehová”?
61:1, 2
-
Nin kijtosneki kauitl tlen toTajtsin Jehová kinmaka tlaltikpaktlakamej tlen yolkualmej uan ijkon uelis moyolkuepaskej uan momakixtiskej.
-
Itech achto siglo, “kuali xiuitl itlanekilis Jehová” opejki ijkuak Jesús opejki tetlapouia, itech xiuitl 29, uan otlanki itech ‘tonal ijkuak omomakuepki’ Jehová, ijkuak okipojpolojkej Jerusalén itech xiuitl 70.
-
Itech ninmej tonalmej, “kuali xiuitl” opejki ijkuak Jesús omochi ueyi Tekiua itech iluikak, itech xiuitl 1914 uan tlamis ijkuak mochiuas ueyi tlajyouilistli.
Jehová kiteochiua ialtepe ika “kuajmej uejueyij itech melajkayotl”
61:3, 4
-
Kuajmej tlen sapanoa uejkapantikej san sekan moskaltiaj, ijkon mochiua ueyi kuajyo uan ijkon mopaleuiaj.
-
Kipiaj inneluayo ueueyakej tlen ika mokitskijtokej uan non kinpaleuia amo ma uetsikan ijkuak chikauak ejekakiaui.
-
Kuajmej tlen sapanoa uejkapantikej kintlekauiliaj kuajmej tlen tsikitsitsintin uan xiuitl tlen uetsi mochiua abono tlen kinpaleuia ma moskaltikan.
Itech nochi Tlaltikpak “kuajmej uejueyij itech melajkayotl” kijtosneki tlapejpenalmej tlen ok katej itech Tlaltikpak, kinpaleuiaj uan kinmaluiaj nochtin akinmej kitekichiuiliaj toTajtsin Dios.
