Chialistli tlen tikpiaj “kemi se tépostli ankla non kitsoponia ijtik atl iwa amo kikawilia mamolini n barko” (Heb. 6:19). Techpaleuia ma tikpiakan chikauak totlaneltokilis ijkuak techpanoa se ouijkayotl (1 Tim. 1:18, 19). Nin ouijkayotl uelis yetos tlen amo kuali tikchiuaj, tlamantli tlen tikpoloaj, se kokolistli tlen uejkaua, ijkuak miki ikaj akin tiktlasojtlaj noso okse tlamantli tlen uelis kichiuas ayakmo ma tiyetokan tiyolmelajkej ixpan toTajtsin Jehová.

Tlaneltokilistli uan chialistli techpaleuia ma tikneltokakan tlen toTajtsin Dios okijto techmakas (2 Cor. 4:16-18; Heb. 11:13, 26, 27). Ik non, moneki nochipa ma timokuayejyekokan itech tlamantli tlen toTajtsin Dios kichiuas uan ijkon okachi tikneltokaskej, maski tiyetoskej itech Tlaltikpak noso tiaskej iluikak. Ijkon ijkuak tikpiaskej se ouijkayotl, nochipa tiyolpakiskej (1 Ped. 1:6, 7).

IJKUAK YONANKITAKEJ VIDEO “NOCHIPA XIPAKTINEMIKAH IKA TLAN NOMECHCHIA”, XIKINNANKILIKAN NINMEJ TLAJTLANILMEJ:

• ¿Tleka Moisés se kuali neskayotl?

• ¿Tlen tekitl kipiaj tlakamej tlen kinyekanaj inkalchanejkauan?

• ¿Tlen uelis nanmomachtiskej ijkuak nankiueyichiuaj Jehová ken kalchanejke?

• ¿Ken uelis techpaleuis chialistli ma tikixnamikikan ouijkayotl?

• ¿Tlen tikneki ika nochi moyolo?