Itech ninmej tonalmej san niman uelis tikchiuaskej oui tonemilis ika miak tlamantli. Titlakoaskej, tiktlaxtlauaskej itlaj, tiktekitiltiskej uan tikyektlaliskej tlen tikpiaj uelis kichiuas amo ma timajxilikan uan ma tisotlauakan. Jesús amo okitemo kipias miak tlamantli pampa amo ma kitsakuili tetlapouis (Mat. 8:20).

¿Uan tejuatsin? ¿Uelis timochijchikauas amo tikpias miak tlamantli pampa ijkon uelis okachi titetlapouis? Uelis se itech mokalchanejka peuas tekitis ken precursor regular tla ayakmo nankipiaj miak tlamantli. Uan tla yititekiti ken precursor regular, ¿tikita oui mochijtok monemilis ika tlamantli tlen yitikpia? Tla tiktekichiuilijtok Jehová uan amo tiktemoa miak tlamantli, kuali timomachilis uan tiyolpakis (1 Tim. 6:7-9).

¿Tlen uelis tikchiuas pampa ayakmo tiktemos tikpias miak tlamantli?