Yiuejkika Jehová okinpaleui israelitas tlen amitlaj okipiayaj. ¿Axkan ken kinpaleuia tokniuan tlen amitlaj kipiaj?

• Kinpaleuia ma kitakan tomin ken moneki (Luc. 12:15; 1 Tim. 6:6-8).

• Kinpaleuia ma kajsikamatikan ye kintlasojtla (Job 34:19).

• Kinpaleuia ma kimatikan tekipanoskej uan amo ma kichiuakan tlen amo kinpaleuis (Prov. 14:23; 20:1; 2 Cor. 7:1).

• Okichi ma pouikan iuan itekipanojkauan uan yejuan nochipa kinekij kinpaleuiskej (Juan 13:35; 1 Juan 3:17, 18).

• Kinmiluia tlen kichiuas satepan (Sal. 9:18; Is. 65:21-23).

Maski titlajyouiaj amo ma timotekipachokan (Is. 30:15). Jehová techmakas tlen techpoloua tla nochipa tikpaleuiaj iTekiuajkayo (Mat. 6:31-33).

IJKUAK YOTIKITAK VIDEO TLASOJTLALISTLI AMO TLAMIS MASKI AMO TIKPIAJ TOMIN (CONGO), XIKINNANKILI NINMEJ TLAJTLANILMEJ:

• ¿Ken kiteititiaj tokniuan tlen chantij ik kanin mochiuaj uejueyij nechikolmej kinpaktia kitemakaskej tlen kipiaj?

• ¿Ken kiteititia nin video Jehová kintlasojtla akinmej amitlaj kipiaj?

• ¿Ken uelis tiktemakaskej ijkon ken Jehová maski amo tikpiaj miak tlamantli?