Tikteititiaj titeajsikamatij ijkuak tikpatioitaj tlen oksekimej mokuayejyekouaj, tlen kimachiliaj, tlen kipatioitaj uan tlen kinekij. Ijkon tikchiuaj porque tiknekij tikinpaleuiskej ika nochi toyolo. Tla tikinmajsikamatij akinmej tikinmachtiaj, tikteititiskej tikintlasojtlaj ijkon ken Jehová kichiua uan non kichiuas ma kinekikan kixmatiskej (Filip. 2:4).

Ijkuak oksekimej tikinmajsikamatij tikteititiaj tikinkakij, tikteititiaj ijkuak ken titlajtouaj, ken tikpiaj toyelis uan noijki mota itech toixko. Tikteititiaj tiknekij tikinpaleuiskej ika nochi toyolo ijkuak tikitaj tlen kinpaktia, tlen kineltokaj, tlen kinpanoua uan tikinmititiaj ken kinpaleuis tlen kijtoua Biblia pero amo tikinchiualtiaj ma kichiuakan tlen ompa kijtoua. Ijkuak kinekij ma tikinpaleuikan okachi tiyolpakij ijkuak titetlapouiaj.

IJKUAK YOTIKITAK VIDEO TIYOLPAKIJ TIKINPALEUISKEJ OKSEKIMEJ MA KICHIUAKAN KEN JESÚS. OKACHI KUALI MA TITLAMACHTIKAN: MA TITEAJSIKAMATIKAN, XIKINNANKILI NINMEJ TLAJTLANILMEJ:

• ¿Ken okiteititi Ana okajsikamatiaya Coral ijkuak otlajkajtili?

• ¿Ken okiteititi Ana okajsikamatiaya Coral ijkuak okilui amo uelis momachtiskia porque amo omajxiliaya?

• ¿Ken okiteititi Ana okajsikamatiaya Coral ijkuak okilui miak tlamantli omonekiaya kichiuas pero amo okimatiaya ken kichiuas?