Biblia kijtoua tokniuan tlen yikipiaj miak xiuitl ma tikinmitakan ken totatajuan uan telpokamej uan ichpokamej ma tikinmitakan ken tokniuan (xiktlajtolti 1 Timoteo 5:1, 2). Tokniuan tlakamej okachi moneki kintlakaitaskej tokniuan siuamej.

Tokniuan amo moneki mouikaskej iuan tokniuan siuamej ken yetoskia insiua (Job 31:1). Telpokamej tla amo monamiktiskej iuan ichpokamej amo san ma kinkajkayauakan.

Tlayekankej moneki kinkakiskej uan kintlakaitaskej tokniuan siuamej ijkuak kinmiluiaj itlaj tlen kintekipachoua. Uan moneki kinpaleuiskej akinmej amo kipiaj innamik (Rut 2:8, 9).

IJKUAK YOTIKITAK VIDEO MA TIKTEITITIKAN TIKINTLASOJTLAJ TOKNIUAN: IKNOMEJ UAN SIUAMEJ TLEN OMIKIK INNAMIK, XIKINNANKILI NINMEJ TLAJTLANILMEJ:

• ¿Ken okiteititijkej tokniuan kitlasojtlaj tokni Myint?

• ¿Ken otlapaleui ijkuak tokniuan okiteititijkej okitlasojtlayaj tokni Myint?

• ¿Ken okinpaleui ichpokauan tokni Myint porque tokniuan okintlasojtlakej?

¿Ken tikteititis tikneki tikinpaleuis tokniuan siuamej tlen inmiuan timonechikoua?