Miakej tokniuan kinpaleuia tlen ijkuilitok kanin kijtoua “Ken uelis titetlapouis”. Pero kanin titetlapouiaj ualeua tlatlamantli itlaj kintekipachoua. Ik non, ijkuak tetlapouitiuij tokniuan, akinmej kintlapouiskej ma kinmiluikan tlen yejuan kinekij kimatiskej. Pero ijkuak ajsis metstli techiluiskej okachi ma titetlapouikan, ma tikchiuakan tlen ijkuakon techiluiskej. Tiknekij tiktlakamatiskej Jesús porque ye okijto ma titetlapouikan tlen kichiuas iTekiuajkayo toTajtsin Dios (Mat. 24:14, TNM).

Ijkuak se tokni panos tlamachtis itlajkotia semana. Moneki kichiuas ijkon ken kanin kijtoua “Ken uelis titetlapouis”, ijkuilitok itech Toteki akinmej tikchiuaj ken Cristo. Tla okse tlamantli kijtoua non amatlajkuilol, akin kitlapouis uelis kitlajtlanis okse tlamantli, okse texto kititis uan noijki uelis kitlajtlanis okse tlamantli tlen okse tonal kinankilis noso kinmachtis tlen okachi kinekij kimatiskej kanin tetlapouia. Axkan yomopatlak tlen ijkuilitok itech Toteki akinmej tikchiuaj ken Cristo página 8 tlen okiski junio 2020.