Biblia kijtoua Jehová okinnankili akinmej okitlatlaujtijkej. Itekipanojkauan Jehová okachi otlaneltokakej ijkuak okitakej ye okitekipachouaya tlen okinpanotoka uan okinpaleui. Ma tikiluikan Jehová nochi tlen techpanotok uan ma tikitakan ken technankilia. Ma tikilnamiktokan xamo amo technankilis ken tejuan tiknekij noso kichiuas okachi miak tlamantli para techpaleuis (2 Cor. 12:7-9; Efes. 3:20). Ma tikitakan ken technankilia Jehová.

• Uelis titlaxikoskej porque ye kinyolinia oksekimej ma techpaleuikan ika tlen techpoloua, kuali ma timomachilikan uan iuan ma timouikakan (Filip. 4:13, TNM).

• Techpaleuia ma tiyetokan tiixtlamatkej uan ma tikpejpenakan tlen tikchiuaskej (Sant. 1:5).

• Techyolinia uan techpaleuia itlaj ma tikchiuakan (Filip. 2:13).

• Techyolseuia tla timoyolkokouaj (Filip. 4:6, 7).

• Kinyolinia oksekimej ma techpaleuikan ika tlen techpoloua uan techyolchikaua (1 Juan 3:17, 18).

• Kinpaleuia akinmej inpatka timotlatlaujtiaj (Hech. 12:5, 11).

XIKITA VIDEO “JEHOVÁ TECHKAKI IJKUAK TIMOTLATLAUJTIAJ”, XIKNANKILI NIN:

• ¿Ken kinpaleuia tokniuan tlen mokokouaj tlen okipanok tokni Shimizu?

• ¿Ken uelis tikchiuaskej ijkon ken tokni Shimizu?