KEN TECHPALEUIA BIBLIA | SALMOS 34-37
Xitlaneltoka itech Jehová uan xikchiua tlen kuali
“Amo xikinnexikolita akinmej kichiuaj tlen amo kuali”
37:1, 2
-
Amo xikkaua akinmej amo yolkualmej tlen amo motekipachoaj ma kichiua ayakmo xiktekichiuili Jehová. Ximokuayejyeko itech tlen tikneki tikchiuas uan itech tlateochiualismej tlen tikpia.
“Xitlaneltoka itech Jehová uan xikchiua tlen kuali”
37:3
-
Xikneltoka Jehová mitsmaluis ijkuak amo tikmatis tlen tikchiuas noso ijkuak timotekipachos. Ye mitspaleuis pampa tiyetos tiyolmelajki.
-
Xitetlapoui itech Tekiuajkayotl.
“Xikajsi pakilistli itech Jehová”
37:4
-
Xikxelo kauitl pampa tiktlajtoltis iTlajtol toTajtsin Dios uan ximokuayejyeko itech pampa okachi tikixmatis Jehová.
“Xikmaka Jehová moojui”
37: 5, 6
-
Melauak xikneltoka Jehová mitspaleuis tikixnamikis nochi ouijkayotl.
-
Amo ximotekipacho ijkuak motech kijtoskej tlen amo melauak, ijkuak mitsixnamikiskej noso mitstlajyouiltiskej.
“Amo itlaj xikijto iixpan Jehová uan xikchixto ika pakilistli”
37:7-9
-
Amo san niman itlaj xikchiua. Non uelis kichiuas ayakmo xiyolpaki uan uelis kichiuas ayakmo kuali ximouika iuan Jehová.
“Akinmej yolkualmej yetoskej itech Tlaltikpak”
37:10, 11
-
Ximochijchikaua pampa tikteititis yolseuilistli uan xiyeto yolyamanki, uan xitlaneltoka itech Jehová ika yolyamanilistli pampa ye mitspaleuis ijkuak tikixnamikis ouijkayotl.
-
Xikinyolchikaua tokniuan uan akinmej moyolkokoaj, xikintlapoui itech tlen tlateochiualistli techmakas Jehová tlen ayakmo uejka kajki.
Tekiuajkayotl mesiánico kiualikas sapanoa miakej tlateochiualismej.
