Ika amatlajkuilol ¿Akinmej kichiuaj itlanekilis Jehová itech ninmej tonalmej?, tikinmachtiaj tlaltikpaktlakamej ijkuak peuaj noso tlamij momachtiaj. * Tlamachtilmej 1 a 4 kiyekijtoaj akinmej tiiTlaixpantijkauan Jehová; tlamachtilmej 5 a 14 kijtoaj tlen tekitl tikchiuaj uan tlamachtilmej 15 a 28 kiteititiaj ken titekitij. Okachi kuali titlamachtiskej ika sejse tlamachtil noso se tlamachtil tlen okachi kinekij kimatiskej akin tikinmachtiaj. Sejse página san kipia se tlamachtil tlen uelis timomachtiskej san itech kanaj makuili noso majtlaktli minutos.

• Xikyekijto tlajtlanilistli tlen ika peua tlamachtil.

• Xiktlajtoltikan nochi tlamachtil noso san seki párrafos.

• Ximotlapouikan itech tlen onankitlajtoltijkej. Xikinmititi tlaixkopinalmej uan tlajtlanilmej tlen katej kanin tlami tlamachtil. Xikinpejpena tlaxelolmej tlen moneki nankitlajtoltiskej uan nanmomachtiskej. Xikteititi subtítulos kinankiliaj tlajtlanilistli tlen ika peua tlamachtil.

• Ijkuak tlamachtil kipia recuadro “Pampa okachi tikmatis”, xiktlajtoltikan uan xikyoleua akin tikmachtia ma kichiua tlen ompa kijtoa.