TIKCHIUAJ KEN CRISTO
Ken uelis tiktekitiltiskej amatlajkuilol Xikaki toTajtsin Dios
Ken amatlajkuilol Xikaki toTajtsin Dios kipia tlaixkopinalmej, uelis ika tikinmachtiskej akinmej tepitsin kimatij kitlajtoltiskej se amatl. Sejse tlamachtil kinpia ome páginas uan tlaixkopinalmej kiteititiaj tlen opanotia.
Amatlajkuilol Xikaki toTajtsin Dios uan tiyoltos nochipa noijki kipia tlaixkopinalmej ken amatlajkuilol Xikaki toTajtsin Dios, pero kipia okachi letras. Akinmej okachi kuali kitlajtoltiaj se amatl uelis momachtiskej ika non amatlajkuilol. Noijki tejuan uelis tiktekitiltiskej maski akin tikmachtiaj kitekitiltia amatlajkuilol Xikaki toTajtsin Dios. Seki páginas kipia se recuadro tlen kijtoa okseki tlamantli tlen uelis tikijtoskej tla uelis kajsikamatis akin tikmachtiaj.
Uelis tikintemakaskej ninmej ome amatlajkuilolmej maski amo tikintemakatokej itech nin metstli. Ika tlaixkopinalmej ma tikyekijtokan tlen tlamachtia Biblia. Ma tiktlajtlanikan akin tikmachtijtokej para ma tlanankili uan noijki ijkon tikmatiskej kox kajsikamati tlen tikiluijtokej. Ma tikintlajtoltikan uan ma tikinyekijtokan tlaxelolmej tlen katej kanin tlami página. Ijkuak yotimomachtijkej nochi amatlajkuilol, ma titlamachtikan ika amochtli ¿Tlen melauak tlamachtia Biblia? uan ijkon uelis tikpaleuiskej ma moapolakti akin tikmachtiaj.