Sejse xiuitl miakej tikinyoleuaj touan ma kilnamikikan imikilis Jesús. Miakej akinmej tikinyoleuaj amo tikinmixmatij. Pero noijki moneki tikinyoleuaskej akinmej tikinmixmatij, tla ijkon tikchiuaskej, xamo kinekiskej yaskej porque techixmatij (yb08 pág. 11 párr. 3; pág. 14 párr. 1). ¿Akinmej uelis tikinyoleuaskej?

• Tofamilia.

• Akinmej inmiuan titekipanouaj uan akinmej inmiuan timomachtiaj.

• Akinmej chantij ik kanin tejuan tichantij.

• Akinmej tikintlajpalouaj, akinmej tikinmachtiaj uan akinmej otikinmachtiayaj.

Tlayekankej kinyoleuaskej akinmej ayakmo tetlapouiaj. ¿Tlen uelis tikchiuas tla tikneki tikyoleuas ikaj akin amo chanti ik kanin tichanti? Xiktemo kanin uelis monechikos uan tlen hora mochiuas ik kanin ye chanti. Xikalaki itech jw.org/ncx kanin kijtoua ITECH TEJUAN satepan xikalaki kanin kijtoua “Imikilis Jesús”. Desde axkan ximokuayejyeko akinmej uelis tikinyoleuas non tonal miak ipati uan ijkon xikchiua.