Xamo timosotlauaskej tla tiuejkauaj titlajyouiaj. David okimatiaya Saúl amo nochipa iuan mokualaniskia. Ye okimatiaya satepan yetoskia tekiua ijkon ken Jehová yokiluijka (1 Sam. 16:13). David otlaneltokaya, ik non, omochixki hasta ijkuak Jehová ma kiyektlali tlen okipanotoka.

Ijkuak titlajyouiaj moneki tikteititiskej tiixtlamatkej uan kuali ma timokuayejyekokan para tikyektlaliskej tlen techpanotok (1 Sam. 21:12-14; Prov. 1:4). Maski tikchiuaj tlen kijtoua principios bíblicos ualeua amo san niman moyektlalia tlen techpanotok. Ik non, moneki ma timochiakan Jehová ma kiyektlali tlen techpanotok, ayakmo miak poliui uan ye ‘techixayowajwatsas’ (Apoc. 21:4). Xamo satepan Jehová techpaleuis uan ayakmo titlajyouiskej pero ma tikilnamiktokan noijki techiluia amo nochipa ijkon techpanotos, non melauak techyolchikaua.

IJKUAK YOTIKITAK VIDEO KUALI TIMOUIKAJ MASKI OKSEKIMEJ MOKOKOLIAJ, XIKINNANKILI NINMEJ TLAJTLANILMEJ:

• ¿Tlen okinpanok tokniuan tlen chantij ik sur Estados Unidos?

• ¿Ken okiteititijkej tokniuan kimatij mochiaskej uan tetlasojtlaj?

• ¿Tlen okichijkej tokniuan? (Filip. 1:10).