Tikinpiaj naui videos tlen techpaleuiaj matikinmachtikan oksekimej. ¿Tleka okinchijkej nonmej videos uan ken techpaleuiaj ijkuak titetlapouiaj?

• ¿Tleka moneki timomachtis Biblia? (nochi video). Kinpaleuia oksekimej makinekikan kimatiskej tlen tlamachtia Biblia maski san tlen kineltokaj. Noijki kinpaleuia makitemokan itech Biblia tlen okachi motlajtlaniaj uan kinmititia uelis kineltokaskej tlen tlamachtia Biblia. Ijkuak tlami video, kijtoua ken uelis kitlajtlaniskej ikaj makinmachti.

• ¿Tleka moneki timomachtis Biblia? (video tlen amo ueyi). Nin video uelis tikijtoskej ijkon ken achto video, pero amo okachi uejkaua uan uelis kitaskej akinmej amo majxiliaj.

• ¿Ken tikchiuaj se tlamachtil ika Biblia? Kinpaleuia oksekimej makinekikan kimatiskej ken titlamachtiaj ika Biblia tlen amitlaj motlaxtlaua. Noijki kinnankilia seki tlajtlanilmej uan kinmititia ken uelis kitlajtlaniskej ikaj makinmachti.

• Tiyolpakij touan timomachtis Biblia. Nin video tikinmititiaj akinmej yitikinmachtiskej ika Biblia. Itech amochtli Tiyoltos uan tiyolpakis página 2 moijtoua nin video, pero noijki uelis tikteititiskej ijkuak titlamachtia ika amatlajkuilol. Ompa kijtoua tlen tlamachtilmej kipia amochtli uan kijtoua ken titlamachtiskej.

Ninmej videos okinchijkej para tikinpaleuiskej oksekimej uan uelis tikinmititiskej ijkuak monekis. Matimochijchikauakan tikinmitaskej ninmej videos uan matikinteititikan ijkuak titetlapouiaj.