Akinmej tikinmachtiaj Biblia moneki kineltokaskej Jehová para iuan mouikaskej (Heb. 11:6). Amochtli Tiyoltos uan tiyolpakis techpaleuis ma ajsi itech inyolo akinmej tikinmachtiaj. Kipia textos tlen kinpaleuis, kintlajtlanis seki tlamantli tlen kichiuas ma mokuayejyekokan, noijki kipia fotos, dibujos uan videos. Tla tikinpaleuiaj akinmej tikinmachtiaj ma kipiakan innemilis ken Jehová kineki, iuan mouikaskej uan ijkon okachi tlaneltokaskej uan tlaxikoskej (1 Cor. 3:12-15).

Miakej kijtouaj amo uelis mouikaskej iuan toTajtsin Dios porque amo kitaj, ik non, moneki tikinpaleuiskej ma kixmatikan uan ma kineltokakan.

IJKUAK YOTIKITAK VIDEO XIKINPALEUI OKSEKIMEJ MA TLANELTOKAKAN ITECH JEHOVÁ IKA AMOCHTLI “TIYOLTOS UAN TIYOLPAKIS”, XIKINNANKILI NINMEJ TLAJTLANILMEJ:

• ¿Ken tikmatij tokni omoyektlali para tlamachtis?

• ¿Tlen okseki tlamantli okitlajtlani tokni ijkuak okitlajtolti Isaías 41:10, 13?

• Siuatl tlen okimachtijtoka, ¿ken okipaleui video uan textos tlen okitlajtoltijkej?

Miakej amo kimatij tleka omonekiaya ma techmakixti Jesús uan noijki amo kitaj ken se tetliokolil tlen toTajtsin Dios otechmakak (Gál. 2:20). Ik non, ma tikinpaleuikan ma kineltokakan tlen okichi Jesús.

IJKUAK YOTIKITAK VIDEO XIKINPALEUI OKSEKIMEJ MA TLANELTOKAKAN ITECH JESÚS IKA AMOCHTLI “TIYOLTOS UAN TIYOLPAKIS”, XIKINNANKILI NINMEJ TLAJTLANILMEJ:

• ¿Ken tikmatij tokni omoyektlali para tlamachtis?

• ¿Ken okipaleui tokni kanin kijtoua “Nin noijki mitspaktis” para kipaleuis akin kimachtia?

• Tla timotlatlaujtiaj, ¿ken kipaleuis akin tikmachtiaj?