¿Tlen kijtosneki Biblia ika audio? Se grabación tlen okikixtijkej itech Traducción del Nuevo Mundo uan non grabación yolik kichiuaj ika miakej tlajtolmej. Sapanoua techpaleuia non grabación porque tokniuan kipatlaj ken kitlajtoltiaj. Ijkuak kitlajtoltiaj mochijchikauaj kualtsin mamokaki uan kipatlatiaj tlen kimachiliaj, para ijkon makajsikamatikan oksekimej tokniuan.

¿Ken mitspaleuis tla tikkakis Biblia ika audio? Miakej tokniuan mojmostla kikakij Biblia ika audio uan kinpaleuia mamokuayejyekokan ken ompa yetoskiaj. Ijkuak kikakij ken oksekimej tokniuan kitlajtoltiaj, mokuayejyekouaj tlen opanok uan okachi kajsikamatij (Prov. 4:5). Oksekimej tokniuan kijtouaj maski motekipachouaj kinyolseuiaj ijkuak kikakij Biblia ika audio (Sal. 94:19).

Sapanoua mitspaleuis tla tikkaki iTlajtol toTajtsin Dios ika audio (2 Crón. 34:19-21). ¿Kajki nochi Biblia ika audio noso san tlajko ika motlajtol? ¿Uelis timochijchikauas tikkakis mojmostla?

IJKUAK YOTIKITAK VIDEO BIBLIA IKA AUDIO: ¿KEN OKINCHIJKEJ GRABACIONES? (VIDEO TLEN AMO UEYI). XIKNANKILI NIN:

¿Tlen okachi mitstlajtlachialtia ijkuak okichijkej Biblia ika audio?