TIKCHIUAJ KEN CRISTO
Para tikinchiuaskej imachtijkauan Jesús moneki titetlapouiskej uan titlamachtiskej
Jesús otlanauati ma tikinchiuakan imachtijkauan (Mat. 28:19, TNM). Moneki ma titetlapouikan, ma titlamachtikan uan ijkon tiktlakamatiskej tlen okijto. Ik non, ma timotlajtlanikan: “¿Ken okachi kuali nitetlapouis uan nitlamachtis?”.
MA TITETLAPOUIKAN
Moneki ma tikintemokan akinmej kinekij kikakiskej iTlajtol toTajtsin Dios, amo ma tikchiakan yejuan ma techtemokan (Mat. 10:11). Ijkuak titetlapouitiuij noijki ma tikintlapouikan nochtin tlen tikinnamikij (Hech. 17:17). Lidia otlaneltokak porque Pablo kuali okitlapoui (Hech. 16:13-15).
“Kualkan xiktoka xinachtli uan hasta tiotlak amo ximoseui” (Ecl. 11:6).
IJKUAK YONANKITAKEJ VIDEO NOCHIPA MA TITETLAPOUIKAN: SAN KANIN UAN TEKALIJTIK, XIKINNANKILIKAN NINMEJ TLAJTLANILMEJ:
-
¿Ken okiteititi Samuel nochipa omochijchikauaya kitematiltis tlen melauak itech toTajtsin Dios?
-
¿Tleka moneki ma timochijchikauakan tlatlamantli ma titetlapouikan?
-
¿Akinmej uelis mojmostla tikintlapouiskej?
MA TITLAMACHTIKAN
Amo tikinchiuaskej imachtijkauan Jesús tla san tikinmakaskej amatlajkuilolmej. Moneki tikinmitatiuij, tikinmachtiskej tlen kijtoa Biblia uan ijkon kipiaskej chikauak intlaneltokilis (1 Cor. 3:6-9). Pero ¿tlen tikchiuaskej tla timochijchikauaj ikaj tikmachtiaj uan amo mota kineki kitekichiuilis Jehová? (Mat. 13:19-22). Amo ma timosotlauakan uan ma tikintemokan akinmej kinekij kitekichiuiliskej (Mat. 13:23; Hech. 13:48).
“Ne Pablo onitook, Apolos okaateki, pero Dios, Ye akin okiskalti” (1 Cor. 3:6).
IJKUAK YONANKITAKEJ VIDEO NOCHIPA MA TITETLAPOUIKAN: IKA CARRITOS UAN MA TIKINCHIUAKAN IMACHTIJKAUAN JESÚS, XIKINNANKILIKAN NINMEJ TLAJTLANILMEJ:
-
Solomon uan Mary, ¿ken okipaleuijkej Ezequiel uan Abigail okachi ma kixmatikan iTlajtol toTajtsin Dios?
-
¿Tlen moneki ma tikilnamiktokan ijkuak titetlapouiaj uan noijki ika carritos?
-
¿Ualeua tlen monekis tikchiuaskej para nochipa titlamachtiskej?
