Desde nin xiuitl tikpatlaskej seki tlamantli ijkuak tikilnamikiskej iCena toTeko. Ijkuak tikpiaskej itech semana, amo tikpiaskej tonechikol Toteki akinmej tikchiuaj ken Cristo. Tla mochiuas sábado noso domingo, amo tikpiaskej tlapoualistli nion tlamachtil ika revista Akin Tetlapouijtok. ¿Tlen uelis tikchiuaskej tla amo timonechikoskej? Ijkon ken yiuejkika omoyektlaliayaj, axkan noijki moneki tikyektlaliskej miak tlamantli ijkuak tikilnamikiskej tlen okichijkej Jehová uan iKone (Luc. 22:7-13; km 3/15 pág. 1). Noijki moneki tikyektlaliskej toyolo. ¿Ken tikchiuaskej?

• Ma timokuayejyekokan tleka moneki tiaskej (1 Cor. 11:23-26).

• Ma tiktlatlaujtikan Jehová uan ma timokuayejyekokan kox kuali iuan timouikaj (1 Cor. 11:27-29; 2 Cor. 13:5).

• Ma tikintlajtoltikan amatlajkuilolmej tlen techpaleuiskej okachi ma tikajsikamatikan tleka miak ipati iCena toTeko uan ma timokuayejyekokan ken techpaleuia (Juan 3:16; 15:13).

Sekimej tokniuan kitlajtoltiaj tlen kajki itech amatlajkuilol Nochipa ma timomachtikan iTlajtol toTajtsin Dios uan mokuayejyekoaj ken kinpaleuis. Oksekimej kitlajtoltiaj versículos tlen katej itech recuadro. Oksekimej kintlajtoltiaj seki revistas Akin Tetlapouijtok tlen kijtoaj tleka miak ipati iCena toTeko, noijki ken Jehová uan Jesús otechititijkej techtlasojtlaj. Maski san tlen tikpejpenas timomachtis, mitspaleuis okachi kuali ximouika iuan Jehová uan iKone.