Jesús okitemakak iyolilis para tinochtin techmakixtis porque titlajtlakolejkej (Rom. 5:8). Tinochtin tiktlasojkamatiliaj tlen okichi. Pero amo ma tikilkauakan ye noijki omikiko para kinmakixtis tokniuan, tlen noijki tlajtlakolejkej ken tejuan. Axkan tikitaskej eyi tlamantli tlen techpaleuis ma tikintlasojtlakan tokniuan ijkon ken okintlasojtlak Jesús. Achto ma timouikakan iuan akinmej amo omoskaltijkej ken tejuan (Rom. 15:7; 2 Cor. 6:12, 13). Ome, amo ma tikijtokan noso ma tikchiuakan itlaj tlen kinyolkokos oksekimej (Rom. 14:13-15). Uan noijki san niman ma tikintlapojpoluikan akinmej techyolkokoaj (Luc. 17:3, 4; 23:34). Tla timochijchikauaj tikchiuaskej ken Jesús, Jehová nochipa kiteochiuas tlanechikol, san sekan tiyetoskej uan timoyolseuiskej.

IJKUAK YOTIKITAK VIDEO ¡KUALTSIN XIKPIA MOYELIS! XIKINNANKILI NINMEJ TLAJTLANILMEJ:

• ¿Ken okitaya Miki tlanechikol ijkuak yikin oajsito?

• ¿Tlen okipaleui ma kipatla ken omokuayejyekoaya?

• ¿Ken okipaleui Miki ineskayo Jesús para kipatlas ken omokuayejyekoaya? (Mar. 14:38).

• ¿Ken techpaleuis Proverbios 19:11 kuali ma tikinmitakan tokniuan?