¿Tleka otlachixki tlakuitlapan isiua Lot Ijkuak ocholoayaj porque Sodoma okipojpolojkej? Biblia amo kijtoa (Gén. 19:17, 26). Tlen opanok techpaleuia ma tikajsikamatikan, xamo okiyolkoko kikauas tlen okipiaya (Luc. 17:31, 32). ¿Tlen moneki tikchiuaskej para nochipa timouikaskej iuan toTajtsin Dios uan amo ma techpano ken isiua Lot? Amo san ma tiktemokan tikpiaskej miak tlamantli (Mat. 6:33). Jesús okijto: “Amaka weletis kimopantis Dios tla satlawel momijmiktia para kitlawelpias tomi” (Mat. 6:24). Ik non, ¿tlen moneki tikchiuaskej tla ayakmo timajxiliaj tiktekichiuiliskej Jehová porque tiknekij tikpiaskej miak tlamantli? Ma tiktlajtlanilikan Jehová ma techpaleui para ma tikitakan tlen moneki tikpatlaskej uan noijki ma techyolchikaua para ijkon tikchiuaskej.

IJKUAK YOTIKINMITAK EYI VIDEOS TLEN INTOKA “XIKILNAMIKIKAH TLAN OMOCHI ISIWA N LOT”, XIKINNANKILI NINMEJ TLAJTLANILMEJ:

• ¿Ken okipatlak Gloria ken omokuayejyekoaya, tlen okijtoaya uan tlen okichiuaya ijkuak oksekimej okinekiaya ma kitlani miak tomin?

• ¿Tlen techmachtia tlen okipanok isiua Lot?

• ¿Ken okinpaleui principios bíblicos Joel uan ikalchanejkauan?

• Ana omouikaya iuan Jehová pero, ¿ken okijtlakojkej akinmej inmiuan otekitiaya?

• ¿Tleka moneki timochijchikauaskej para amo tiktemoskej tomin maski oksekimej ijkon kichiuaj?

• ¿Tlen okichijkej Brayan uan Gloria para okachi kitekichiuiliskej Jehová?

• ¿Tlen principios bíblicos techmachtia nin video?