Itech xiuitl 32 ijkuak judíos ayamo okichiuayaj Pascua, Jesús okichi se milagro uan san nin okijkuilojkej itech naui Evangelios.
Ika non milagro Jesús okiteititi se tlamantli tlen hasta axkan mochiua.
-
Jesús okinmilui imachtijkauan miakej ma kintlamakakan, maski san okipiayaj makuili panes uan ome michimej.
-
Jesús okikitski pan uan michimej, satepan okitlatlaujti toTajtsin Dios uan okinmaktilij imachtijkauan uan yejuan okinmakakej akinmej ompa okatkaj.
-
Jesús okichi se milagro, ik non, nochtin oixuikej, ijkon ika sekimej imachtijkauan miakej okintlamakak.
-
Jesús okijto itech itlamian tonalmej sekimej ‘kitemakaskej tlakuali ijkuak monekis’ (Mat. 24:45).
-
Itech 1919 Jesús okipejpenki “tlakeuali yolmelajki uan ixtlamatki”, san sekimej tlapejpenalmej, kinyekanaskiaj “nochtin itekipanojkauan toTajtsin Dios” uan kinmachtiskiaj.
-
Axkan ika san sekimej imachtijkauan Jesús kichijtok ken okichi itech achto siglo.
¿Ken nikteititis nikinpatioita uan nikintlakaita akinmej Jesús kintekitiltia para ma techmachtikan?
