TIKCHIUAJ KEN CRISTO
“Xiktlakita mota iwa mona”
Ijkuak Jesús okatka nikan tlaltikpak, oksepa okijto tlen achto okijkuilojkej: “Xiktlakita mota iwa mona” (Éx. 20:12; Mat. 15:4). Ijkon okijto porque ijkuak okatka tsikitsin okintlakamatki itatajuan (Luc. 2:51). Ijkuak omoskalti nochi okiyektlali para inantsin kuali yetoskia ijkuak ye mikiskia (Juan 19:26, 27).
Axkan telpokamej uan ichpokamej tlen kichiuaj ken Cristo kintlakaitaj intatajuan ijkuak kintlakamatij uan kuali kintlapouiaj. Tlen otlanauati Jesús kiteititia nochipa moneki tikintlakaitaskej. Maski yikipiaskej miak xiuitl moneki tikinkakiskej (Prov. 23:22). Noijki tikteititiskej tikintlakaitaj, tla tikinpaleuiaj ijkuak motekipachoaj noso ijkuak itlaj kinpoloa (1 Tim. 5:8). Maski yitikpiaj miak xiuitl noso amo tla nochipa inmiuan timotlapouiaj, tikteititiskej tikintlakamatij.
IJKUAK YONANKITAKEJ VIDEO KUALI XIMOTLAPOUI IUAN MOTATAJUAN, XIKINNANKILIKAN NINMEJ TLAJTLANILMEJ:
-
¿Tleka ualeua oui timotlapouis iuan motatajuan?
-
¿Ken tikintlakaitas motatajuan ijkuak tikintlapouis?
-
¿Tleka miak ipati timotlapouis iuan motatajuan? (Prov. 15:22).
Tla timotlapouis iuan motatajuan, kuali kisas tlen tikneki tikchiuas