Yiuejkika akin otlatokaya, tla otlachiaya ikuitlapan ayakmo kuali otekitiaya. Akinmej tikchiuaj ken Cristo moneki timomaluiskej uan ijkon amo techtsakuilis tlen kiyekana Satanás para tiktekichiuiliskej Jehová (Filip. 3:13).
Ijkuak titlajyouiaj, xamo timokuayejyekoskej okachi kuali otikatkaj ijkuak ayamo otiktekichiuiliayaj Jehová. Tla nochipa ijkon timokuayejyekoskej tikijtoskej okachi kuali otikatkaj uan amo tikilnamikiskej noijki otitlajyouiayaj. Ijkon okichijkej sekimej israelitas ijkuak okiskej Egipto (Núm. 11:5, 6). Tla nochipa tikilnamikij tlen yiuejkika otikchiuayaj, xamo oksepa tiknekiskej tikchiuaskej tlen amo kuali. Para amo ijkon ma techpano, ma tikilnamikikan ken techteochijtok Jehová uan amo ma tikilkauakan ken tiyetoskej ijkuak ualtlanauatis iTekiuajkayo (2 Cor. 4:16-18).
